Lajme nga vendi
Asgjësohen rreth 9 ton ushqim të pasigurt
Ekipet inspektuese të Agjencisë së Ushqimit dhe Veterinarisë në periudhën prej 16 deri 19 korrik zbatuan kontrolle të jashtëzakonshme të përforcuara në objekte dhe operatorë me ushqim (hotele, restorante, mishtore dhe markete) në qendrat turistike Dojran, Ohër, Strugë dhe Prespë me të cilat ishin përfshirë 112 objekte. Gjatë kësaj ishin shqiptuar 54 gjoba në 54 operatorë me ushqim, prej të cilëve për tetë ishte shqiptuar ndalesë për punë deri në mënjanimin e parregullsive të konstatuara. “Me kontrollet kontrollohej zbatimi i praktikës së mirë prodhuese dhe higjienike të bazuara në parimet НАССР, kushtet infrastrukturore në objektet, ndërsa u zbatuan edhe kontrolle të aktiviteteve në bazë të regjistrimit të operatorëve me ushqim. Në kushte të temperaturave të larta të jashtme, theks i kontrolleve ishte vendosur në ruajtjen e produkteve dhe afatet e përdorimit të ushqimit”, njoftoi AUV.
Me kontrollet, është konstatuar mosplotësim i kërkesave të përgjithshme dhe të veçanta higjienike në të gjitha fazat e prodhimit, përpunimit dhe shpërndarjes së ushqimit, moszbatimi i të gjitha procedurave DPP/DHP bazuar në parimet HACCP, ushqim me datën e përdorimit të skaduar, qarkullimi i ushqimit pa deklarim dhe etiketim në përputhje me Ligjin për Sigurinë Ushqimore dhe aktet nënligjore sipas të cilave produktet e tilla shpallen të pasigurta për konsum njerëzor dhe asgjësohen në mënyrë të padëmshme. “Inspektorët e ushqimit dhe veterinerët zyrtarë kanë konstatuar edhe punë në objekte – operatorë ushqimorë që nuk janë të regjistruar apo aprovuar për punë nga AUV-ja, për këtë arsye janë vendosur masa ndalimi të punës, ndërsa produktet e zbuluara janë ndaluar për qarkullim dhe asgjësohen padëmshëm. Gjithashtu janë përcaktuar kushte të këqija infrastrukturore dhe higjienike në kuzhinat dhe ambientet e prodhimit, për të cilat disa operatorëve iu është ndaluar puna përkohësisht”, bëhet e ditur në kumtesë.
Siç bëjnë të ditur nga AUV, nga qarkullimi ishin hequr 8.700 kilogramë ushqim i pasigurt i cili ishte shkatërruar në mënyrë të padëmshme. Nga AUV paralajmërojnë se edhe në periudhën e ardhshme do të vazhdojnë me zbatimin e kontrolleve të jashtëzakonshme edhe në qendrat e tjera turistike, ndërsa për shkak të temperaturave të larta, siç thonë, në fuqi mbetet masa për kontrolle të përforcuara te operatorët me ushqim në gjithë territorin e vendit.
Ministria e Punëve të Brendshme në Maqedoninë e Veriut ka paralajmëruar zgjerimin e shërbimeve elektronike me qëllim që procedurat për lëshimin dhe vazhdimin e lejeve për armë të jenë më të shpejta dhe më efikase. Edhe pse me ndryshimet e reja ligjore afati i vlefshmërisë së lejeve do të shkurtohet nga 10 në 5 vjet, nga MPB-ja sigurojnë se digjitalizimi do ta lehtësojë ndjeshëm procesin për qytetarët.
Në periudhën e ardhshme parashihet vendosja e mundësisë për paraqitjen elektronike të kërkesave për leje armësh, si për personat fizikë ashtu edhe për personat juridikë. Gjithashtu, në formë elektronike do të jetë e qasshme edhe vërtetimi për armët e kategorisë D.
Ndihmësministri Jovan Altanxhiev njoftoi se gjatë një viti e gjysmë janë zgjidhur rreth 15.000 lëndë, që paraqet një rritje shumëfish më të madhe krahasuar me mesataren e viteve të kaluara. Sipas tij, ky rezultat është arritur falë digjitalizimit të pjesshëm dhe lidhjes së evidencave të MPB-së me institucionet gjyqësore.
Lajme nga vendi
Tensione në kufi! Paralajmërohen bllokada në pikat kufitare mes Maqedonisë së Veriut dhe Bullgarisë
Të dielën pritet të ketë bllokime të përkohshme në disa pika kufitare ndërmjet Maqedonisë së Veriut dhe Bullgarisë, pasi organizata bullgare “Maqedonia” ka paralajmëruar një aksion protestues që do të zgjasë rreth dy orë, raportojnë mediat bullgare.
Sipas njoftimeve, protestat do të zhvillohen në pikat kufitare Deve Bair, Dellçevë dhe Novo Sellë. Organizatorët pretendojnë se për mbajtjen e tyre kanë siguruar lejen e nevojshme nga Ministria e Punëve të Brendshme e Bullgarisë.
Ky paralajmërim vjen vetëm një ditë pas incidentit të ndodhur pranë Ambasadës së Bullgarisë në Shkup, ku u dogjën dy automjete me targa diplomatike. I dyshuari për rastin u identifikua dhe u arrestua menjëherë, ndërsa ngjarja u dënua si nga autoritetet maqedonase ashtu edhe nga ato bullgare.
Kryeministri Hristijan Mickoski informoi se të premten dhe të shtunën pritet të mbahen takime me partnerët e koalicionit nga VLEN dhe ZNAM, ku do të diskutohet për rikonstruimin e paralajmëruar të Qeverisë.
Siç deklaroi sot Mickoski, duke iu përgjigjur pyetjeve të gazetarëve, pas vizitës në Spitalin e Përgjithshëm të rikonstruktuar në Komunën e Strumicës, bashkëpunimi mes VMRO-DPMNE-së dhe VLEN-it vazhdon si deri më tani.
HRISTIJAN MICKOSKI – Kryeministër
“Për të premten dhe të shtunën janë caktuar takimet me partnerët e koalicionit nga VLEN dhe ZNAM. Tani nuk jemi para zgjedhjeve, por në gjysmën e dytë të mandatit. Kemi një bashkëpunim jashtëzakonisht korrekt dhe miqësor me VLEN-in dhe pres që të vazhdojmë në të njëjtën frymë. Pas realizimit të bashkëpunimit tonë pas zgjedhjeve të vitit 2024, pasuan zgjedhjet lokale ku ata fituan bindshëm në 10 komuna, prandaj nuk shoh asnjë pengesë që ky bashkëpunim të mos vazhdojë”, theksoi Mickoski
Mickoski kishte deklaruar më herët se me rikonstruimin do të merret pas përvjetorit të partisë. Kjo nënkupton se takimet me partnerët qeveritarë VLEN dhe ZNAM mund të nisin që ditën e ardhshme, me qëllim rikonfigurimin e kabinetit qeveritar.
Kryeministri ka theksuar se fokusi gjatë rikonstruimit do të jetë më shumë te cilësia dhe përmbajtja sesa te numri i ndryshimeve.
Në këtë drejtim do të zhvillohen bisedime me bashkëkryetarët e VLEN-it, Izet Mexhiti dhe Bilall Kasami, si dhe me liderin e ZNAM-it, Maksim Dimitrievski.
Mickoski ka përsëritur disa herë se, përveç zëvendësimit të disa ministrave, janë të mundshme edhe rokada të resorëve ndërmjet partnerëve të koalicionit, nëse në tavolinë paraqiten propozime më cilësore kadrovike se ato aktuale.
Paralelisht me rikonstruimin e Qeverisë, në opinion po qarkullojnë edhe spekulime për zgjedhje të parakohshme parlamentare në pranverën e vitit 2027, megjithëse kryeministri ka theksuar vazhdimisht se është për zgjedhje të rregullta në vitin 2028, përveç rasteve kur, siç ka thënë ai, “opozita e provokon një gjë të tillë”./Tv Koha/
Digjitalizohen procedurat për lejet e armëve
Lëvizja Vetëvendosje ka arritur në 53 ulëse të siguruara në Kuvendin e Kosovës
Tensione në kufi! Paralajmërohen bllokada në pikat kufitare mes Maqedonisë së Veriut dhe Bullgarisë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
