Lajme nga bota
Biden do të tërhiqet nga gara presidenciale – reagon Zelensky

Edhe Evropa ka reaguar për presidentin amerikan, Joe Biden, i cili njoftoi se do të tërhiqet nga gara presidenciale dhe dha miratimin që kandidatja e re e demokratëve të jetë zëvendëspresidentja, Kamala Harris.
Në një deklaratë me shkrim, Biden tha se ka qenë nderi më i madh i jetës së tij të shërbejë si president dhe u zotua të qëndrojë në këtë detyrë deri në përfundimin e mandatit të tij në janar.
“Unë do t’i flas kombit këtë javë dhe do të jap më shumë detaje rreth vendimit tim”, tha Biden.
Nga Ukraina, presidenti Volodymyr Zelensky falënderoi Bidenin për “mbështetjen e palëkundur” gjatë dy viteve të pushtimit rus.
“Ne do të jemi gjithmonë mirënjohës për udhëheqjen e presidentit Biden. Ne e respektojmë vendimin e sotëm të ashpër, por të fortë”, tha Zelensky.
SHBA-ja nën Bidenin ka qenë mbështetësja kryesore financiare dhe ushtarake e Ukrainës dhe ka shqetësime në të dyja vendet se mbështetja mund të ndalet nëse Donald Trump fiton zgjedhjet presidenciale të nëntorit.
Ndryshe, zëvendëspresidentja e tij Kamala Harris falënderoi Bidenin për “udhëheqjen e tij të jashtëzakonshme” dhe tha se ajo ishte e nderuar që kishte miratimin e tij për të kandiduar për Shtëpinë e Bardhë.
“Unë do të bëj gjithçka me fuqinë time për të bashkuar Partinë Demokratike dhe për të bashkuar kombin tonë, për të mposhtur Donald Trump dhe axhendën e tij ekstreme të Projektit 2025”, tha Harris. /Telegrafi
Lajme nga bota
Danimarka konfirmon dërgimin e të burgosurve në Kosovë më 2027: Presim që puna të nisë këtë verë

Të burgosurit e parë nga Danimarka pritet të transferohen në burgun në Gjilan në pjesën e parë të vitit 2027, konfirmuan nga Shërbimi danez i Burgjeve për Radion Evropa e Lirë.
Ky shërbim tha se institucioneve të Kosovës u janë dorëzuar kërkesa specifike për renovimin dhe përshtatjen e burgut të Gjilanit.
“…duke përfshirë një ndërtesë të re për punësim dhe ambiente të reja për vizitorë. Ne presim që puna të nisë këtë verë, kurse gjatë gjysmës se parë të vitit 2027, pritet që burgu të vihet në përdorim”, tha Shërbimi danez i Burgjeve.
Danimarka tha se kjo është një detyrë komplekse, pasi bëhet fjalë për një burg të Kosovës që duhet të funksionojë sipas rregullave daneze.
Shërbimi i Burgjeve tha se kjo është një detyrë sfiduese, duke nisur me renovimin e ndërtesave dhe përshtatjen e tyre sipas nevojave të Danimarkës. Po ashtu, përfaqësuesit danezë kanë zhvilluar vizita të rregullta në objektin e burgut në Gjilan, me qëllim që të planifikohen punët që do të realizohen.
Një gjë e tillë, më 23 maj është konfirmuar për REL-in edhe nga drejtori i përgjithshëm i Shërbimit Korrektues të Kosovës, Ismail Dibrani, i cili ka deklaruar se “të burgosurit nga shteti danez pritet të vendosen në burgun e qytetit të Gjilanit në prillin e 2027-s”.
Megjithatë, ai ka thënë se procesi i renovimeve ende nuk ka nisur.
Transferimi i të burgosurve është pjesë e një marrëveshjeje dhjetëvjeçare mes Kosovës dhe Danimarkës, e cila parasheh shfrytëzimin e Institucionit Korrektues në Gjilan për dërgimin e 300 të burgosurve nga shteti danez.
Kuvendi i Kosovës e ratifikoi marrëveshjen më 23 maj 2024, dy vjet pasi ajo ishte nënshkruar.
Sipas marrëveshjes, personat që do të transferohen nuk do të jenë shtetas të Danimarkës.
Më herët, Ministria e Drejtësisë e Danimarkës kishte deklaruar për REL-in se të burgosurit të cilët do t’i dërgojë në burgun e Gjilanit janë persona të dënuar me dëbim nga Danimarka.
Megjithatë, shteti danez është zotuar se nuk do të sjellë të burgosur me rrezikshmëri të lartë.
Ata nuk do të jenë të dënuar për krime lufte, terrorizëm, apo persona me çrregullime të rënda mendore.
Në këmbim të këtij transferimi, Kosova do të përfitojë mbi 200 milionë euro.
Një pjesë do të investohet në Shërbimin Korrektues, ndërsa pjesa tjetër në energji të ripërtërishme.
Sipas marrëveshjes, Danimarka ka premtuar një tarifë fillestare prej pesë milionë eurosh për të mbuluar periudhën e tranzicionit, që nga hyrja në fuqi e marrëveshjes deri në funksionalizimin e plotë të burgut.
Shërbimi i danez i Burgjeve konfirmoi për REL-in se tashmë kanë paguar shumën fillestare.
Pas kësaj, pagesat do të bëhen çdo tre muaj, në varësi të numrit të të burgosurve të pranishëm në institucion./REL
Lajme nga bota
Kaosi në Gaza: Ndërprehet shpërndarja e ndihmave, OKB voton për armëpushim urgjent

Duke kërkuar nga Izraeli që të rrisë masat për sigurinë e civilëve jashtë perimetrit të pikave të shpërndarjes, Grupi Humanitar për Gazën (GHF), i mbështetur nga Shtetet e Bashkuara, ka njoftuar se nuk do të shpërndajë ndihma ditën e mërkurë.
Sipas Reuters, GHF ka bërë të ditur se i ka kërkuar ushtrisë izraelite të “drejtojë lëvizjen e këmbësorëve në mënyrë që të minimizohet konfuzioni dhe rreziku i përshkallëzimit” pranë zonave ushtarake; të zhvillojë udhëzime më të qarta për civilët; dhe të përmirësojë trajnimin për të mbrojtur sigurinë e tyre.
“Prioriteti ynë mbetet siguria dhe dinjiteti i civilëve që marrin ndihmë”, ka deklaruar një zëdhënës i GHF-së. Nga ana tjetër, një zëdhënës i ushtrisë izraelite ka paralajmëruar civilët që të mos lëvizin në drejtim të pikave të GHF-së ditën e mërkurë, duke i cilësuar ato si “zona luftimesh”.
Kujtojmë se modeli i ri për shpërndarjen e ndihmave për mbi dy milionë banorët e Gazës, nisi gjatë një ofensive të ashpër nga Izraeli që nga fundi i muajit të kaluar. Por, OKB-ja dhe organizata të tjera humanitare kanë thënë se ky model, i cili ka punonjës amerikanë privatë të sigurisë dhe logjistikës, po e “militarizon” ndihmën, pas kaosit të krijuar dhe vrasjeve të shumta në pikat e shpërndarjes.
Poashtu është raportuar se Këshilli i Sigurimit i OKB-së pritet të votojë po të mërkurën për një kërkesë zyrtare për armëpushim midis Izraelit dhe Hamasit, si dhe për garantimin e qasjes humanitare në të gjithë Gazën, ku kequshqyerja është e përhapur dhe ndihmat janë shumë të vogla.
Lajme nga bota
Dy persona me motoçikletë hedhin granatë dore në një qendër argëtimi në Stamboll, 7 të plagosur

Një qendër argëtimi në Kağıthane të Stambollit është sulmuar me granatë dore nga sulmues të paidentifikuar, ku si pasojë shtatë persona mbetën të plagosur nga shpërthimi.
Incidenti ka ndodhur rreth orës 01:40 në rrugën Park në Kağıthane, transmeton Telegrafi.
Sipas mediave turke, një granatë dore u hodh nga 2 persona me motoçikletë në katin e dytë të një ndërtese 5-katëshe në rrugë, e cila përdorej si lokal argëtimi.
Si pasojë e sulmit me bombë, 7 persona u plagosën, 3 prej të cilëve rëndë.
Ekipet mjekësore, sigurisë, ekspertë të bombave, operacioneve speciale, kundërterrorizmit dhe zjarrfikës, u dërguan në vendngjarje pas raportimit.
Përveç kësaj, ekipet ekzaminuan pamjet e kamerave të sigurisë në zonë për të kapur sulmuesit. E shtatë persona, tre prej të cilëve u plagosën rëndë, u dërguan në spital.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve