LSDM akuzon kryeministrin, Hristijan Mickoski se po shet interesat kombëtare të vendit.

“Orbani, i cili tashmë është fishkëllyer nga mbështetësit e tij në tubime, është simbol i një politike që Bashkimi Evropian nuk e toleron më. Një politikë korruptive që i shërben biznesit dhe interesave ruse, në vend të vlerave evropiane dhe të ardhmes së qytetarëve të saj. Ndërsa qytetarët e Hungarisë po zgjedhin rrugën evropiane, Mickoski po e shtyn Maqedoninë në drejtimin e kundërt – drejt izolimit, pasigurisë dhe regresit që do të zgjasë me dekada”, thotë LSDM për vizitën e kryeministrit Hristijan Mickoski në Budapest dhe takimin me kryeministrin hungarez.

Sipas LSDM-së, siç thonë ata, Mickoski po shet interesat kombëtare maqedonase dhe sot ai shkoi te Orbani për të negociuar kthimin e ish-kryeministrit Nikolla Gruevski.

“Çfarë marrëveshjesh të tjera po bëhen pas dyerve të mbyllura? Çfarë do të ndodhë me 40% të mediave në Maqedoni kur të bjerë Orbani, të cilat kontrollohen nga OBRM-PDUKM-ja? Çfarë do të ndodhë me bizneset e Orbanit në Maqedoni, në energji dhe telekomunikacion”, thonë nga LSDM.

Në takim, siç informojnë nga Qeveria, “u konfirmua vendosmëria e përbashkët për të thelluar partneritetin strategjik midis dy vendeve”.

Advertisement

Deklarata e njërit nga liderët e VLEN-it Bilall Kasamit se kongresi i parë i VLEN-it pritet të mbahet më 9 maj, në Ditën e Evropës, nuk është thjeshtë një njoftim i zakonshëm mbi datën e një ngjarjeje politike, por kjo duket që është një simbolikë e fortë politike për orientimin e anëtarëve dhe udhëheqësve të partive, shkruan Zhurnal.

Simbolika e Ditës së Evropës 

Zgjedhja e 9 majit si datë për kongresin e parë të VLEN-it është një akt me porozi të qartë të bashkimit, në këtë rast bashkimit tëpesë partive dhe shndërrimit në një të vetme.

Dita e Evropës përkujton fillimin e projektit të integrimit evropian, një vizion i paqes dhe bashkëpunimit pas Luftës së Dytë Botërore në kontinent.

Për një subjekt politik që synon të afirmohet si alternativë moderne dhe pro-evropiane, kjo datë është një shenjë e qartë e orientimit strategjik. Me zgjedhjen e kësaj date për shpalljen zyrtare të partisë, VLEN-i dëshiron të identifikohet me vlerat e demokracisë, integrimit dhe perspektivës evropiane.

Advertisement

Kasami sqaroi se vendimi nuk është ekskluzivisht i tij, por i pesë liderëve që duhet të arrijnë konsensus. Ky detaj është i rëndësishëm, sepse tregon natyrën kolektive të strukturës së VLEN-it dhe mënyrën e bashkëpunimit dhe vendimarrjes sëudhëheqësve të saj.

“Një ndër propozimet është edhe Dita e Evropës, më 9 maj. Pra, nuk jam unë ai që vendos ekskluzivisht, janë pesë liderë që, me konsensus, duhet të vendosin për shumë çështje”, ka deklaruar, Bilall Kasami, një nga liderët e VLEN-it në intervistë për Alsat.

Vendosja e kongresit në Ditën e Evropës është një porosi i drejtpërdrejtë për elektoratin shqiptar dhe më gjerë, me të cilën VLEN-i synon të paraqitet si forca që e lidhë politikën e brendshme dhe synimet me perspektivën evropiane.

Në një kohë kur integrimi në BE është ende një proces i ngadalshëm dhe shpesh i bllokuar nga faktorë të brendshëm dhe të jashtëm, ky akt është një përpjekje për të kapitalizuar mbi aspiratat e qytetarëve për një të ardhme evropiane.

Nga ana tjetër, zgjedhja e një date simbolike mund të shihet edhe si strategji për të fituar vëmendje mediatike dhe për të dalluar kongresin nga aktivitetet rutinë të partive politike.

Advertisement

Sfida e kongresit të parë 

VLEN-i si një projekt politik i ri ka nevojë të pozicionohet qartë. Duke e lidhur kongresin me Ditën e Evropës, veçse bëhet një veprim i tillë. Betonon se është një alternativë e re, e orientuar drejt reformës dhe integrimit në bllokun evropian.

Kjo e bënë të qartë se e është një subjekt politik që e sheh të ardhmen e shqiptarëve dhe të gjithë qytetarëve të Maqedonisë së Veriut brenda familjes evropiane. Ky është një akt i vigjilent në politikë, pasi simbolika e datës përdoret si instrument për të ndërtuar identitetin e subjektit.

Megjithëse data ka rëndësi simbolike, sfida e vërtetë e VLEN-it do të jetë përmbajtja e vendimeve në këtë kongres. A do të arrijë ky subjekt të artikulojë një platformë të qartë, të besueshme dhe të dallueshme nga partitë e tjera? A do të mund të shfaqet si një alternativë reale për elektoratin shqiptarë që për vite kanë qenë të zhgënjyer?

Nëse VLEN-i do të arrijë që të shndërrojë këtë simbolikë në një platformë konkrete që i flet qytetarëve me besueshmëri dhe qartësi, natyrisht që ky subjekt politik do të ngulitet si projekt afatgjatë në Maqedoninë e Veriut, në të kundërtën do të jetë kalimtar, sepse elektorati kërkon rezultate dhe ai di që të zhvendoset sa herë mbetet i paknaqur. /Zhurnal.mk

Advertisement

Studentët që kanë punuar në Gjermani përmes programit “Work and Travel” po marrin këto ditë njoftime nga DAP se duhet të paguajnë tatim, raportoi “Studentaria”, ndërsa lajmin e transmetoi edhe Тelma.

Sipas informacioneve, studentëve u kërkohet të dorëzojnë deklaratë elektronike tatimore (E-PDD) dhe të raportojnë të ardhurat e tyre, edhe pse ato tashmë janë tatimuar në Gjermani.

Për më tepër, atyre u kërkohet të paguajnë rreth 10% tatim mbi shumën e kthyer të tatimit që kanë marrë nga Gjermania, pasi kjo shumë është transferuar në një llogari valutore në Maqedoni. Studentët tregojnë se njoftimet u kanë ardhur si me postë, ashtu edhe elektronikisht, dhe më së shumti po preken ata që kanë bërë kthimin e tatimit nga Gjermania në një llogari në Maqedoni.

Në Gjermani, punëdhënësit mbajnë automatikisht tatimin nga paga, ndërsa punëtorët kanë të drejtë të kërkojnë kthimin e një pjese ose të gjithë shumës pas përfundimit të punës. Megjithëse RMV dhe Gjermania kanë marrëveshje për shmangien e tatimit të dyfishtë, dilema lind te trajtimi i kthimit të tatimit.

DAP e konsideron këtë kthim si “të ardhur”, edhe pse në thelb është para që janë mbajtur më parë. Nga “Studentaria” thonë se nuk është ende e qartë mbi çfarë baze po dërgohen këto kërkesa dhe pse ka interpretime të ndryshme nëpër zyrat e ndryshme të UJP-së.

Advertisement

Ata kanë kërkuar sqarime zyrtare nga institucioni. Sipas informacioneve aktuale, këto njoftime i kanë marrë vetëm studentët që e kanë pranuar kthimin e tatimit nga Gjermania në një llogari në Maqedoni.

Afati për dorëzimin e deklaratave tatimore është 31 mars. Ndërkohë, studentët po reagojnë me paqartësi dhe pakënaqësi, duke theksuar mungesën e udhëzimeve të qarta dhe informacionet kontradiktore nga institucionet, gjë që e bën situatën edhe më të vështirë.