Lajme nga vendi
Perinski: Stacioni i ri kundër zjarreve për Vrapçishtin dhe Bogovinën do të garantojë siguri për popullatën vendase
Ministri i Vetëqeverisjes Lokale, Zllatko Perinski sot ka qenë për vizitë pune në komunën e Vrapçishtit dhe është njohur me realizimin e deritanishëm të projektit “Mbrojtja ndërkufitare nga zjarri – Fireshield” financuar nga programi i BE-së për bashkëpunim ndërkufitar ndërmjet Maqedonisë dhe Shqipërisë, bartës i së cilit janë dy komunat e Maqedonisë së Veriut si dhe komuna shqiptare e Çerikut dhe OJQ Karitas nga Shqipëria.
Ministri Perinski ka mbikëqyrë edhe objektin e ri të ndërtuar enkas për stacionin territorial kundër zjarreve për komunën e Vrapçishtit dhe Bogovinës ku theksoi se është një nga disa projekte që janë në fazën përfundimtare dhe në realizimin e të cilit ministria ka pjesë partneriteti. Përveç realizimit të deritanishëm të projektit, Perinski me nikoqirët diskutoi mundësitë për ndihmë të mundshme në trajtimin aktual të zjarreve në të gjithë vendin.
“Tani, kur në të gjithë vendin dominojnë stuhitë e zjarrit, nuk ka dyshim se projekti në thelb do të funksionojë për të mbrojtur rajonin në çdo aspekt. Ndërkohë, ne tashmë mund t’i vëmë në funksion këto kapacitete për shuarjen e zjarreve aty ku ka nevojë për mbështetje logjistike”, tha Perinski.
Ai tha se ky projekt garanton sigurinë e mbi 65.000 të popullsisë vendase në pronat e tyre si dhe të 8.000 hektarë terren malor dhe brez pyjor në rajonin ndërkufitar.
Sipas ministrit Perinski përveç qëllimit kryesor për stacionin territorial kundër zjarreve për komunat Vrapçishtë dhe Bogovinë, projekti është një rëndësi e madhe edhe për Parkun kombëtar Mali Sharr i cili kufizohet me dy komunat.
Vlera e përgjithshme e projektit është 860.000 euro. Komuna e Vrapçishtit dhe Bogovinës participojnë me 545.000 euro, Ministria e ndihmon projektin me 81.750 euro, ndërsa pjesa tjetër sigurohet përmes Programit të BE-së për bashkëpunim ndërkufitar ndërmjet Maqedonisë dhe Shqipërisë. Është parashikuar që projekti të finalizohet në fund të nëntorit.
Dje në orën 12:15, DPB Strugë u njoftua se në ujërat e Liqenit të Ohrit në bregdetin e Strugës është gjetur një trup i pajetë i një mashkulli.
Nga masat e marra dhe inspektimi i kryer, është përcaktuar se personi ishte I.D. (55) nga Shkupi.
Një mjek nga Shërbimi i Mjekësisë së Shpejtë ka konstatuar se vdekja ka qenë pa gjurmë të dukshme dhune, ndërsa me urdhër të prokurorit publik, trupi i të ndjerit është dorëzuar për autopsi.
Kuvendi i Maqedonisë së Veriut ka njoftuar se deri te ata ka arritur dorëheqja e deponuar nga kryetarja e Komisionit Shtetëror për Parandalim të Korrupsionit, Tatjana Dimitrovska, njofton TV21.
“Kabineti i Kryetarit të Kuvendit e njofton opinion publik, se Kryetarja e Komisionit Shtetëror për Parandalimin e Korrupsionit (KSHPK), znj. Tatjana Dimitrovska, sot ia parashtroi dorëheqjen nga posti i saj Kryetarit të Kuvendit, z. Afrim Gashi. Njëkohësisht, ju njoftojmë se Kuvendi do të veprojë në përputhje me procedurat e parapara, për të cilat do të informoheni me kohë”, thonë nga Kabineti i Gashit.
Kujtojmë se Dimitrovska është e përfshirë në rast gjyqësor për shkak të dyshimit se ka shpërndarë “sekret zyrtar”.
Lajme nga vendi
Nikolloski: Deri në vitin 2029 do të kemi një autostradë të plotë nga kufiri në kufi në Korridorin 8
Ambicia jonë është që të kemi një lidhje autostrade dhe rrugën ekspresë në Korridorin 8 jo më vonë se viti 2029, kufiri me kufirin ose nga pika kufitare Qafë Thanë deri në pikën kufitare Deve Bair me Bullgarinë, thotë zv. kryeministri dhe ministri i Transportit, Aleksandar Nikolloski.
Ai në emisionin “Ha Burek”, e elaboroi në detaje planin e Qeverisë dhe Ministrisë së Transportit në lidhje me korridoret e transportit.
Siç tha ai, rruga Ohër – Kërçovë do të përfundojë deri në fund të vitit të ardhshëm me një degëzim deri në Strugë, dhe Trebenishtë – Qafë Thanë nuk mund të punohet për shkak të ndalimit të UNESCO-s.
“Me BERZH-in, po punojmë në kryqëzimin 11-kilometrësh Kërçovë – Bukojçan. Pres që kërkesa për oferta financiare të lëshohet atje të hënën, ndërsa afati i fundit për të mbërritur ofertat është 10 tetori, ndërsa afati i përfundimit është tre vjet. Bukojçani – Gostivari ose Strazha e njohur, tashmë po punohet shumë intensivisht nga “Bechtel” duke i kursyer shtetit 250 milionë euro atje.
Ne filluam Gostivar – Tetovë, në fakt po përfundon shpejt, por ka shumë popullsi në të dyja anët dhe nuk duam ta ngadalësojmë trafikun, por do të shkojë paralelisht me Bukojçanin – Gostivar. Pra, pas tre vitesh, duhet të përfundojë edhe ajo. Tetovë – Shkup ka një autostradë, Shkup – Bypass – Kumanovë ka një autostradë, për autostradën Kumanovë – Stracin tani po kërkojmë para nga BE-ja, dhe Stracin – Kriva Pallankë e nisëm në janar të këtij viti”, theksoi Nikolloski.
Ai gjithashtu informoi se aktualisht po punohet për rindërtimin e plotë të pikës kufitare Deve Bair me Bullgarinë.
NOVI PAZAR: PËRLESHJE MES TIFOZERISË, SHKAK KOSOVA
Një 55-vjeçar nga Shkupi u gjet i vdekur në ujërat e Liqenit të Ohrit
Kryetarja e Antikorrupsionit jep dorëheqje, e deponon në Kuvend
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve