Lajme nga vendi
RMV, numri i personave të infektuar me Covid-19 është në rritje, por pa forma të rënda të sëmundjes
Numri i personave të infektuar me Covid-19 në vend po rritet, por nuk kemi forma të rënda të sëmundjes, pothuajse të gjitha rastet trajtohen në baza ambulatore, thotë për Sakamdakazam.mk Zllate Mehmedoviq nga Komisioni për Sëmundje Infektive, transmeton Portalb.mk.
Sipas të dhënave të fundit nga Instituti i Shëndetit Publik (IShP), nga data 29 korrik deri më 4 gusht janë testuar 342 materiale për Covid-19 në Institut dhe janë regjistruar 116 raste të reja pozitive. Krahasuar me një javë më parë, janë kryer 30 përqind më shumë testime dhe numri i rezultateve pozitive është rritur me 48,7 përqind, pra nga 78 në 116 rezultate pozitive.
“Gjithçka është nën kontroll, nuk ka vend për panik, pozitiviteti i rasteve të zbuluara me Sars Cov-2 është në rritje, por nuk kemi forma të rënda të sëmundjes, pothuajse të gjitha rastet trajtohen në baza ambulatore. Ka variante të reja të virusit që më lehtë i shmangen imunitetit dhe lidhen më lehtë me receptorët në trupin e të infektuarit dhe kjo është një nga arsyet kryesore të shtimit të rasteve në këtë periudhë”, tha doktor Mehmedoviq.
Në lidhje me atë nëse masat mbrojtëse janë të nevojshme, Mehmedoviq thotë se masa është respektimi i rregullave për vizitat në spital, rekomandimet për përdorimin e maskave në ambiente të mbyllura dhe vaksinimi i grupeve të rrezikut.
Sipas mediave amerikane, numri i të infektuarve me Covid-19 është në rritje këtë verë, por ndryshimi nga periudha e pandemisë është se tani rastet kanë simptoma më të lehta.
“Covid-19 nuk u largua kurrë. Dallimi është se tani spitalet nuk po kthehen në qendra krizash”, tha Amesh Adaya nga Universiteti Johns Hopkins.
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi1 week agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë