Lajme nga vendi
MEPSO si dhuroi para për portale, klube fitnesi, shkolla vallëzimi…
Edhe pse kompania shtetërore MEPSO kishte planifikuar që këtë vit të shpenzojë 12.300.000 denarë për sponsorizime dhe donacione, deri në qershor të këtij viti janë shpenzuar 22.712.500 denarë, pak më shumë se 10 milionë denarë se sa ishte planifikuar, shkruan portali MKD.
Sipas dokumenteve, në listën prej 33 donacionesh dhe sponsorizime të ndara, më të shumtat janë klubet sportive, ndërsa pjesa më e madhe e parave janë ndarë për burgun Idrizovë në Shkup (5.945.000 denarë), për Shtëpinë e Shëndetit Shkup. (2.900.000 denarë) dhe të ISHP Nënë Tereza (2.767.500 denarë).
Megjithatë, mbetet e paqartë se me cilat kritere MEPSO ka ndarë 400 mijë denarë, për shembull Asociacionin për liri të fjalës dhe raportim profesional Brianion nga Demir Hisari. Kjo shoqatë figuron si botuese e portaleve sportm.mk, 4news.mk, sofra.mk dhe onix.mk.
Në listë është edhe Shoqata e qytetarëve për promovimin e 22 Nentorit-Ditës së Alfabetit Shqip, e cila në shkurt të këtij viti ka marrë 120.000 denarë.
Për disa nga përfituesit e donacioneve, si SESON dhe OF të Maqedonisë, në internet nuk gjenden të dhëna.
Klubi Reno Karting ka pranuar 150.000 denarë si donacion nga MEPSO. Në muajin prill, shkolla e vallëzimit Prima danza ka marrë 300.000 denarë sponsorizim.
MEPSO ka dhënë para edhe për kineastët – kompania për prodhim filmik dhe audiovizual PIK Production nga Prilepi ka pranuar donacion prej 300.000 denarë. Dhe ajo që është më interesante, dhe se si menaxhmenti i MEPSO-s mund ta shpjegojë donacionin për fitnes klubin Dynamix nga Kërçova prej 200 mijë denarë.(INA)
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë