Për të lehtësuar paraqitjen e ankesave nga qytetarët, shoqata Inxhinierët e Maqedonisë informon se është hartuar formular për raportimin e një shkeljeje në rastet kur përdoruesve nuk u ofrohet qasje vizuale në orëmatësit e rrymës, transmeton Portalb.mk.

“Bazuar në përgjigjen zyrtare të marrë nga Ministria e Energjisë, Minierave dhe Burimeve Minerale, shoqata Inxhinierët e Maqedonisë ka hartuar një formular për paraqitjen e një ankese në Inspektoratin Shtetëror për Energjinë, Minierat dhe Burimet Minerale, i cili mund të përdoret nga çdo qytetar që beson se e drejta e tij për qasje vizuale në orëmatësit e tij të energjisë elektrike është shkelur”, thotë shoqata, duke shtuar se kushdo i prekur mund ta shkarkojë formularin, ta plotësojë dhe ta dorëzojë atë elektronikisht ose me postë.

Ata shtojnë se ky inspektorat është përgjegjës për kryerjen e inspektimeve në rastet kur operatori i sistemit të shpërndarjes së energjisë elektrike (EVN Maqedoni) nuk ofron qasje në pajisjen matëse.

“Kjo përbën shkelje të nenit 164 paragrafi (1) pika 19 të Ligjit për Energjetikë. Njëkohësisht, kjo kundërvajtje sanksionohet me gjobë prej 1.000 deri në 3.000 euro në kundërvlerë denarë në përputhje me nenin 286 të të njëjtit ligj”, thonë “Inxhinierët e Maqedonisë”.

Kujtojmë se disa muaj më parë, “Inxhinierët e Republikës së Maqedonisë” (IRM) kërkuan të futet leximi i detyrueshëm mujor i orëmatësve aktualë të rrymës.

Advertisement

Nga atje thanë se Komisioni Rregullator për Energjetikë (KRRE) duhet të ndryshojë rregullat për furnizim me energji elektrike dhe të vendosë leximin e detyrueshëm mujor të orëmatësit.

Gjatë ceremonisë solemne të hapjes së çerdhes “Bambi” në Çair, zëvendëskryeministri i parë, Izet Mexhiti, vuri në pah rëndësinë e këtij objekti, i cili konsiderohet më i madhi, më moderni dhe më atraktivi në Maqedoni.

Mexhiti falënderoi veçanërisht Fatmir Limanin dhe Visar Ganiun për përkushtimin dhe punën e tyre në realizimin e projektit. Ai njoftoi se në muajt e ardhshëm do të fillojë ndërtimi edhe i dy çerdheve tjera moderne “Vesëza” dhe “Borëbardha”.

“Ky objekt i cili është më i madhi, më moderni dhe më atraktivi në Maqedoni,  dua të falënderoj edhe Fatmir Limanin edhe Visarin Ganiun për punën që kanë bë. Të ju informoj se kjo ka kushtuar afërsisht 2 milionë euro. Gjithashtu nga qeveria janë ndarë mbi 3.5 milionë euro për ndërtimin e dy çerdheve kështu të njejta dhe për të shkuar në histori barakat e vjetra komuniste në Çair, që ishin me kushte jo të mira për fëmijët, për gjeneratat e tashme dhe të ardhme. Pra kështu njejt shumë shpejt do të fillojmë muajt në vijim çerdhen Vesëza dhe çerdhen Borëbardha. Pra do jenë edhe dy çerdhe me këto përmasa dhe aq atraktive me kushte shumë më të mira për fëmijët tanë”, deklaroi Mexhiti.

Zëvendëskryeministri Mexhiti theksoi se këto investime synojnë përmirësimin e kushteve të jetesës dhe edukimit për fëmijët e komunitetit, duke krijuar ambiente më të sigurta dhe më të përshtatshme për zhvillimin e tyre.

Advertisement

Një shtetase 75-vjeçare e RMV-së dje u nxor pa shenja jete në plazhin e Sozopolit në komunën e Nea Propontidës, në Halkidiki. Asaj iu dha menjëherë ndihma e parë nga ekipi i shërbimit të urgjencës mjekësore, pas së cilës u dërgua në spital, por mjekët e shpallën të vdekur.

Pas mbërritjes së një ambulance, asaj iu dha ndihma e parë dhe më pas u transferua në Qendrën Shëndetësore të Nea Moudanias, ku u shpall e vdekur.

Ata raportuan gjithashtu se si pjesë e hetimit paraprak, u urdhërua një autopsi në Institutin e Mjekësisë Ligjore në Selanik.

Ky është rasti i katërt i mbytjes së shtetasve të RMV-së në plazhet greke këtë sezon.