Kryetari i Komunës së Gostivarit, Valbon Limani, ka hapur sonte edicionin e pestë të Festivalit Folklorik Ndërkombëtar “Rudina Fest”, një ngjarje e cila ka ndihmuar në promovimin e trashëgimisë kulturore dhe krijimin e lidhjeve ndërkombëtare mes komunitetit të Gostivarit dhe ansambleve artistike nga e gjithë bota.

Ky festival, i cili do të zhvillohet në periudhën 20-23 korrik 2025, do të sjellë në Gostivar ansamble folklorike dhe grupe artistike nga shtete të ndryshme, duke promovuar vlerat dhe traditat kulturore të rajonit dhe më gjerë. Festivali iso sonte nga Çegrani, ndërsa netët finale do të mbahen në qendrën e Gostivarit më 22 dhe 23 korrik.

Këtë vit, “Rudina Fest” do të ketë pjesëmarrës nga shtetet:
Spanja
Kroacia
Bosnja dhe Hercegovina
Shqipëria
Kosova
Maqedonia e Veriut

Në fjalimin e tij, Kryetari Valbon Limani theksoi rëndësinë e këtij festivali për promovimin e kulturës dhe turizmit në komunën e Gostivarit, duke ftuar të gjithë qytetarët dhe vizitorët e tjerë të marrin pjesë në këtë ngjarje të veçantë dhe të shijojnë magjinë e folklorit ndërkombëtar.

“Festivalet si ‘Rudina Fest’ janë mundësi të jashtëzakonshme për të njohur traditat e popujve të ndryshëm dhe për të krijuar një atmosferë harmonike dhe bashkëpunuese mes komunitetit tonë dhe të huajve. Ky event është një mundësi për të pasur një verë të paharrueshme në Gostivar, ku kultura, muzika dhe vallja janë në qendër të çdo momenti,” tha Limani.

Advertisement

Pjesëmarrësit kishin mundësinë të shijojnë performanca të ndryshme muzikore, valle tradicionale dhe aktivitete kulturore, duke u bërë pjesë e një festimi të madh përmes artit dhe kulturës.

Zgjidh Gostivarin, sepse në Gostivar vera është

Një burrë nga fshati Volinë, komuna e Debarcës, u mbyt dje në ujërat e Liqenit të Ohrit pranë Strugës, njoftoi sot Policia e Ohrit.

Sipas policisë, në orën 16:30, Policia e Strugës raportoi se një trup i pajetë mashkullor ishte vërejtur në ujërat e Liqenit të Ohrit.

“Pas marrjes së masave dhe kryerjes së një inspektimi, u përcaktua se personi ishte K.I. (49) nga fshati Volino, Komuna e Debarcës, tek i cili ekipi i Shërbimeve të Emergjencës Mjekësore konstatoi vdekjen pa gjurmë dhune” tha zëdhënësi policisë Stefan Dimoski.

Ministria e Shëndetësisë përmes një komunikate për media njofton se për pak më shumë se një muaj janë realizuar apo janë në fazën përfundimtare mbi 950 vende pune në profile të ndryshme shëndetësore: mjekë, infermierë, laborantë, ndihmës mjekësorë, teknikë, psikologë, punonjës socialë, higjienistë dhe personel tjetër i domosdoshëm.

Sipas Ministrisë, procesi vazhdon edhe në ditët në vijim do të hapen procedura të reja për punësim në disa institucione shëndetësore publike në shtet.

“Zhvillimi profesional dhe forcimi i burimeve njerëzore përbëjnë pjesë kyçe të qasjes së re në sistemin shëndetësor, të shpallur nga ministri i Shëndetësisë, Azir Aliu. Shëndetësia nuk mund të funksionojë pa njerëzit që çdo ditë kujdesen për mbarëvajtjen e saj. Ministria e Shëndetësisë mbetet e përkushtuar në ndërtimin e një sistemi shëndetësor të qëndrueshëm dhe funksional, i cili nis me investimin në njerëzit, që janë themeli i tij”, thekson Ministria.

Kujtojmë se ministër i ri i Shëndetësisë u zgjodh Azir Aliu në fillim të muajit qershor, pasi paraardhësi i tij Arben Taravari vendosi të largohet nga qeveria.