Lajme nga vendi
Me dëgjimin e ekspertëve vazhdoi gjykimi i Maksim Dimitrievskit për keqpërdorim të pozitës zyrtare
Gjykimi i kryetarit të Komunës së Kumanovës, Maksim Dimitrievski, i akuzuar nga Prokuroria Themelore Publike (PTHP) Kumanovë për keqpërdorim të pozitës dhe autoritetit zyrtar, pas denoncimit të dy kumanovarëve, vazhdoi me dëgjimin e ekspertëve nga fusha e ndërtimit dhe operacioneve ekonomike dhe financiare në Gjykatën Themelore të Kumanovës,
Ekspertët përsëritën konstatimet dhe mendimin e tyre mbi bazën e të cilit është ngritur aktakuza kundër të akuzuarit Dimitrievski, se ai nuk e ka respektuar ligjin dhe i ka shkaktuar dëme kompanive private.
“Si njëri, si tjetri ekspert konfirmuan se me veprimet e tij në pjesën e ndërtimit, kryetari i komunës ka shkelur ligjin e ndërtimit me atë që nuk ka nxjerrë në kohë përllogaritjen e kompensimit për ndërtimin e tokës, ndërsa në pjesën ekonomike sa është shuma e dëmit që kanë pësuar dy personat juridikë të dëmtuar. Mbrojtja u përpoq të zvogëlojë masën e dëmit, kërkon të paraqesë disa shpenzime si shpenzime të nevojshme, por kjo është thjesht e pamundur, me atë nuk do të ndryshojë kualifikimi ligjor, vetëm qëndrimi i të njëjtit nen. Në ndërkohë kryetari i komunës ka nënshkruar lejen e ndërtimit, por kjo nuk e zvogëlon fajin, sepse nuk ka vepruar në kuadër të kompetencave të dhëna nga ligji për ndërtim dhe me këtë ka shkaktuar dëmin”, tha avokati i biznesmenit, Viktor Bozhinovski.
Kompanitë “UPM-GRUP” dhe “Hromak” kërkojnë dëmshpërblim prej 3,3 milionë denarë, mjete të cilat i kanë shpenzuar për dokumentacionin e nevojshëm për marrjen e lejes së ndërtimit, si dhe për 4 kontrata dhe pagesa për tri kompani për fillimin e punimeve terren në përgatitje për aktivitetet e ndërtimit. Me faktin që Dimitrievski nuk e ka firmosur lejen e tyre në afatin e parashikuar ligjor, por pas 1 viti, kanë pësuar dëme, të cilat tani kërkojnë dëmshpërblim.
Mbrojtja i ka marrë në pyetje ekspertët për më shumë se 2 orë, pas së cilës ka thënë se nuk i pranon konstatimet dhe mendimet e tyre, sepse i konsideron jo objektive dhe të njëanshme dhe se deklarata gojore është në kundërshtim me konstatimet dhe mendimet e shkruara. Avokatët thanë se ekspertimi është bërë në bazë të provave selektive, pa praninë e mbrojtjes. Për këtë arsye ata kërkuan nga gjykata që të mos pranohen gjetjet e paraqitura, pasi nuk kanë vlerë provuese.
Sipas aktakuzës, nga prilli i vitit 2023, si kryetar i Komunës së Kumanovës, Dimitrievski nuk e ka kryer detyrën zyrtare dhe nuk e ka nënshkruar vendimin për ndërtim dhe përllogaritjen për kompensim për zhvillimin e tokës ndërtimore të subjekteve juridike “UPM-GRUP”. dhe “Hromak” nga Kumanova. Me këtë ka kryer veprën penale Keqpërdorim i pozitës dhe autoritetit zyrtar nga neni 353 paragrafi 4 i Kodit Penal.
Dimitrievski më pas tha se akuza është ngritur për të dëmtuar reputacionin e tij dhe për ta diskredituar para zgjedhjeve. Biznesmenët i kërkuan të mos luajë “viktimën” por të respektojë ligjin dhe vendimet e institucioneve kompetente dhe gjykatave më të larta.
Seanca e radhës është caktuar për datën 2 tetor, kur do të paraqiten provat me shkrim të prokurorisë dhe mbrojtjes, si dhe të dëshmitarëve të mbrojtjes.Portalb.mk.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
