Lajme nga bota
Çfarë dihet deri tani nga atentati i dytë ndaj Trump, si shpëtoi ish-presidenti
FBI tha se Donald Trump “duket se ishte objekt i një përpjekjeje për atentat” në klubin e tij të golfit në West Palm Beach të Floridës të dielën, vetëm nëntë javë pasi kandidati republikan për president i mbijetoi një tjetër atentati ndaj tij. Ish-presidenti tha se është mirë dhe jashtë rrezikut.
Si u vu re i dyshuari?
Incidenti ndodhi në klubin ndërkombëtar të golfit Trump në West Palm Beach, rreth 15 minuta nga rezidenca e Trump në Florida, Mar-a-Lago.
I armatosuri u pa për herë të parë nga agjentët e Shërbimit Sekret, të cilët po mbikqyrnin fushën e golfit teksa ish-presidenti po luante.
Gryka e një pushke – e përshkruar fillimisht si një pushkë e stilit AK-47 nga Sherifi i Qarkut Ric Bradshaë – u dallua përmes shkurreve që rrethojnë fushën e golfit. Në atë kohë Trump ishte rreth 272-557 m larg nga personi i armatosur.
Sherifi i Qarkut Palm Beach, Ric Bradshaë tha se agjentët e Shërbimit Sekret të SHBA-së qëlluan në drejtim të personit që kishte drejtuar armën drejt fushës së golfit, ndërsa Trump ishte duke luajtur golf.
Zoti Bradshaë tha se personi i armatosur kishte gjithashtu dy çanta shpine të varura në një gardh dhe një kamerë GoPro të cilat i la në vendngjarje. Pasi shërbimi sekret hapi zjarr personi hodhi armën dhe iku me një fuoristradë dhe më pas u arrestua në një distrikt aty pranë.
Si u kap i dyshuari?
Agjentët hapën zjarr kur panë personin e armatosur dhe qëlluan katër deri në pesë fishekë.
I dyshuari hodhi pushkën dhe u largua me një automjet, duke e braktisur armën së bashku me dy çantat dhe kamerën që kishte marrë për të filmuar atentatin.
Një dëshmitar e pa burrin duke ikur nga shkurret dhe duke hipur në një foristradë “Nissan” të zi. Dëshmitari kapi një foto të makinës dhe ia ofroi organeve të rendit.
I dyshuari u kap nga policia duke vozitur drejt veriut në autostradën I-95 pasi kaloi në Martin County, afërsisht 61 km nga fusha e golfit të Trump.
Kush është i dyshuari?
Disa media amerikane e identifikuan të dyshuarin si Ryan Wesley Routh, 58 vjeç, nga Havai, duke cituar zyrtarë të paidentifikuar të organeve të zbatimit të ligjit.
BBC Verify ka gjetur profilin në media sociale që përputhet me atë emër. Ata tregojnë se Routh bëri thirrje që luftëtarët e huaj të shkonin në Ukrainë për të luftuar kundër forcave ruse.
Në profilin e tij ka edhe mesazhe pro-palestineze, pro-Tajvanit dhe kundër Kinës, duke përfshirë pretendimet për “luftën biologjike” kineze dhe referenca për virusin Covid-19 si një “sulm të qëllimshëm”.
Routh, i cili nuk kishte përvojë ushtarake, i tha New York Times në vitin 2023 se ai kishte udhëtuar në Ukrainë menjëherë pas pushtimit të Rusisë në vitin 2022 për të gjetur rekrutë ushtarakë mes ushtarëve afganë që kishin ikur nga talebanët.
Ai duket se ka qenë i përfshirë në përpjekjet e rekrutimit që në këtë verë, duke shkruar në Facebook në muajin korrik: “Ushtarë, ju lutem mos më telefononi. Ne jemi ende duke u përpjekur që Ukraina të pranojë ushtarë afganë dhe shpresojmë të kemi disa përgjigje në të ardhmen. Ju lutem kini durim.”
Routh ishte një person me precedent të theksuar kriminal. Sipas burimeve të CBS, Ryan Routh u akuzua dhe u dënua për vepra të shumta penale në Guilford County në Karolinën e Veriut midis viteve 2002 dhe 2010.
Veprat përfshijnë mbajtjen e një arme pa leje, rezistencë ndaj arrestimit nga një oficer policie, drejtimin e mjetit me patentë të hequr, posedimin e pasurisë së vjedhur.
Incidenti është zhvillimi i fundit tronditës në një vit fushate të shoqëruar me ngjarje të pashmebullta dhe ndodh pothuajse dy muaj pasi zoti Trump u qëllua gjatë një atentati në një tubim në Pensilvani dhe një plumb e plagosi në vesh.
Vetëm një javë më pas presidenti Joe Biden u tërhoq nga gara.
Në një email drejtuar mbështetësve të tij, zoti Trump tha: “Pati të shtëna armësh pranë (meje), por përpara se spekulimet ta dalin jashtë kontrollit, doja që të isha i pari që t’ju thoja: JAM I SIGURT DHE NË GJENDJE TË MIRË! Asgjë nuk do të më ngadalësojë. Nuk do të dorëzohem kurrë!” tha ish-presidenti.
Ish-Presidenti Trump ishte kthyer në Florida këtë fundjavë nga një udhëtim fushate në pjesën perëndimore të vendit, përfshirë një tubim të premten mbrëma në Las Vegas dhe një aktivitet për mbledhje fondesh në Utah.
Masat e sigurisë për kandidatin republikan janë shtuar pas atentatit ndaj tij në korrik.
Shtëpia e Bardhë tha se presidenti Joe Biden dhe Nënpresidentja Kamala Harris, kandidatja demokrate për presidente, ishin informuar për ngjarjen dhe do të vazhdojnë të marrin informacion për hetimin.
Shtëpia e Bardhë shtoi se ata ishin “të lehtësuar” që zoti Trump ishte jashtë rrezikut. Kandidatja demokrate për Presidente Harris, në një deklaratë tha se është “e kënaqur” që zoti Trump është mirë, duke shtuar se “dhuna nuk ka vend në Amerikë”.
Në një postim në platformën X, senatori republikan Lindsey Graham, një nga aleatët kryesorë të Kongresit të Trump, tha se kishte folur me ish-Presidentin Trump pas incidentit dhe se ai ishte “në humor të mirë” dhe e karakterizoi si “një nga njerëzit më të fortë që kam njohur ndonjëherë”./euronews/
Lajme nga bota
Trump paralajmëron “luftë ekonomike” ndaj Iranit: Kush e ndihmon, do të përballet me pasoja
Presidenti amerikan, Donald Trump, paralajmëroi një „luftë ekonomike“ dhe izolim të Iranit në përmasa të paprecedenta, në kushtet e ngecjes së negociatave me Teheranin. Njëkohësisht, ai paralajmëroi se edhe vendet që do t’i ofrojnë mbështetje ekonomike Iranit do të përballen me pasoja të rënda ekonomike.
“Askush nuk i ka dhënë Republikës Islamike të Iranit mundësi më të madhe se unë për të arritur një marrëveshje”, shkroi Trump në platformën e tij „Truth Social“, duke shtuar se Teherani “nuk e shfrytëzoi atë”.
“Prandaj, sot po shpall OPERACIONIN EKONOMIK MË TË ASHPËR që është ndërmarrë ndonjëherë kundër cilitdo shtet”, shkroi presidenti amerikan. Trump shtoi se bëhet fjalë për “luftë ekonomike dhe izolim në përmasa të paprecedenta”.
Ai paralajmëroi se vendet, institucionet financiare, kompanitë, aeroportet apo strukturat shtetërore të të cilave do t’i ofrojnë “çfarëdo lloj ndihme shpëtimi Iranit”, do të përballen edhe vetë me “pasoja të mëdha ekonomike”.
Njoftimi paraqet një forcim të mëtejshëm të presionit amerikan ndaj Teheranit, në kushtet e ngecjes së vazhdueshme të përpjekjeve për arritjen e një marrëveshjeje.
Mediat iraniane sot nuk shfaqin shqetësim të madh lidhur me kërcënimet e Trumpit, duke vlerësuar se bëhet fjalë për vazhdimësi të politikës amerikane të presionit ndaj Teheranit, raportoi DPA.
Agjencia iraniane e lajmeve “Fars” në “Telegram” vlerësoi se deklaratat e fundit të Trumpit janë pjesë e „luftës psikologjike dhe fushatës propagandistike“ së zakonshme, duke kujtuar se presidenti amerikan edhe në të kaluarën ka paralajmëruar rënien e Iranit dhe masa me përmasa historike.
Agjencia iraniane „Tasnim“ vlerësoi se mesazhi i Trumpit “nuk përbën ndonjë zhvillim të ri”, pasi SHBA-ja prej vitesh përpiqet të bllokojë lidhjet financiare dhe ekonomike me Iranin.
Megjithatë, Irani “ka mësuar se si t’i anashkalojë këto kufizime dhe është bërë shumë i aftë në këtë drejtim”, raportoi “Tasnim” në “Telegram”.
Presidenti amerikan Donald Trump ka dalë në mbështetje të presidentit të FIFA-s, Gianni Infantino, në një moment kur kreu i futbollit botëror po përballet me presion të madh.
Pavarësisht inflacionit të lartë dhe çmimit të benzinës gjithashtu për shkak të luftës ndaj Iranit, presidenti i SHBA-ve, Donald Trump, gjen kohë për të mbrojtur Gianni Infantino-n nga kritikat për planin e tij në lidhje me shitjen e kuotave të Kupës së Botës te privatët.
Trump ka paralajmëruar federatat se do të bënin një “gabim të tmerrshëm”, nëse do ta detyronin Infantino-n të japë dorëheqjen.
Në një mesazh të publikuar në “Truth Social” të hënën në mbrëmje, Trump shkruan se FIFA “nuk do të kishte kurrë të njëjtin sukses, apo të njëjtat të ardhura, nëse nuk do të ishte Infantino.
FIFA do të bënte një gabim të madh nëse, për çdolloj arsye, do ta merrte në konsideratë hipotezën për të zëvendësuar presidentin Gianni Infantino”.
Trump mori disa muaj më parë çmimin e FIFA-s për paqen nga duart e Infantino-s.
Ai ndërhyri, duke “futur hundët” edhe te çështjet e rregullores.
Presidenti amerikan telefonoi kreun e qeverisë së futbollit botëror për ta shtyrë të hiqte skualifikimin e sulmuesit Folarin Balogun, që sipas tij, ishte ndëshkuar padrejtësisht.
Dronët ukrainas goditën gjatë natës rafinerinë ruse të naftës në Jaroslavl, të pestën më të madhe në vend, rreth 700 kilometra nga kufiri me Ukrainën.
Lajmin e raportuan mediat lokale, sipas të cilave nga sulmi janë goditur edhe disa banesa të civilëve.
Nga ana tjetër, tre civilë mbetën të vrarë gjatë një sulmi rus në Balakliia, në Ukrainë. Lajmin e bënë të ditur autoritetet lokale përmes Telegramit.
Ndërkohë një avion i DHL u përplas në një lartësi prej 400 metrash me një objekt fluturues të paidentifikuar mbrëmjen e djeshme në qiellin mbi Lajpcig të Gjermanisë. Më pas, avioni u ul në mënyrë të sigurt në Hanover, ku u konstatuan dëmtime në pjesën e përparme të tij.
Lajmin e raportoi gazeta Bild, pasi në të njëjtin aeroport u gjet një dron me lëndë shpërthyese pranë një avioni ukrainas. Ende nuk është e qartë nëse ngjarjet janë të lidhura me njëra-tjetrën dhe nëse bëhet fjalë për të njëjtin dron, i cili fillimisht u përplas me avionin e mallrave të DHL-së dhe më pas u gjet në tokë pranë avionit ukrainas, apo për dy objekte të ndryshme.
Sistemi kundër dronëve i aeroportit kishte identifikuar në fakt dy dronë. Qeveria Federale, në një konferencë për shtyp, deklaroi se “hetimet janë ende në vazhdim”.
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
VLEN: BDI-ja e ka humbur betejën me shqiptarët, zgjedhjet do ta vulosin fundin
Mickoski për vendimin e Abazit: 14 persona u dogjën të gjallë në spitalin modular në Tetovë, ndërsa Prokuroria nuk konstatoi përgjegjësi, rasti nuk ka përfunduar, gjithmonë mund të dalin detaje të reja
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
