Lajme nga vendi
Do të sanksionohen kyçjet ilegale në ujësjellës!
Kyçjet ilegale në sistemin e ujësjellësit vazhdojnë të jenë një dukuri e zakonshme në Tetovë dhe jo vetëm. Brenda një muaji, ka nga dy ose tre raste të kësaj natyre që evidentohen nga Ndërmarrja Publike Komunale Sharri në Tetovë. Këto raste Ndërmarrja Publike Komunale Sharri së fundmi I ka denoncuar edhe publikisht. Kësisoj, Ndërmarrja Publike Komunale “Sharri”-Tetovë pas vërejtjeve të dërguara për keqpërdorim të ujit përsëri ka hasur në qytetar të pandërgjegjshëm të cilët keqpërdorin ujin për pije, prandaj bëhet e ditur se së bashku me inspektoratin komunal ka filluar me shqiptimin e dënimeve. “Muajin e fundit janë regjistruar tre ose katër raste të kyçjeve ilegale. Për këto raste janë shqiptuar dënime, por apelojmë tek qytetarët që kyçjen në ujësjellës ta bëjnë në mënyrë legale sepse çmimi është i njëjtë, pra nuk ka ndonjë dallim nga kyçja legale apo vet qytetarët që angazhojnë persona për të bërë kyçje ilegale”, deklaroi Valon Zeqiri, drejtor i Ndërmarrjes Publike Komunale Sharri në Tetovë.
Kyçjet ilegale në masë të madhe e dëmtojnë furnizimin me ujë të pijshëm qytetin e Tetovës, prandaj nga komuna paralajmërojnë se nuk do të ketë tolerime. Në shumë lagje të Tetovës apo në rrugë kryesore ka shumë defektet në rrjetin e ujësjellësit të Tetovës, dhe tashmë këto defekte janë shpeshtuar. Për pasojë ka ndërprerje të shpeshta të furnizimit me ujë në shumë lagje të Tetovës.
“Dëmet janë të mëdha, sepse ka kompani private të cilët I kryejnë këto kyçje, nuk kanë njohuri për tërë rrjetin e ujësjellësit apo edhe të kanalizimit dhe gjatë kryerjes së punëve ata shkaktojnë dëme në këtë rrjet dhe kjo reflektohet edhe me mungesë të ujit të pijshëm por edhe harxhime shtesë për vet ndërmarrjen e cila duhet të bëjë sanimin e problemit”, deklaroi Zeqiri.
Këto kyçje zakonisht këta raste ndodhin gjatë ndërtimeve të objekteve të ndryshme apo lokaleve, por edhe pallateve, por deri më tash nuk ka informacione se është iniciuar ndonjë padi penale, sepse kyçjet ilegale zakonisht dëmtojnë edhe rrjetin e ujësjellësit edhe infrastrukturën rrugore. Qyteti i Tetovës ka një rrjet të vjetruar të ujësjellësit kryesor më shumë se gjysmë shekulli, dhe defektet në pjesë të ndryshme të qytetit të Tetovës janë të përditshme në të gjitha periudhat e vitit. Sipas deklaratave të deritanishme, një nga shkaktarët përveç vjetërsisë së gypave është se sistemi aktual është projektuar për një numër të caktuar të popullsisë në kohët e mëhershme, kurse që nga vitet e 90-ta e këndej qyteti i Tetovës është shtuar dukshëm për nga numri i banorëve si pasojë e shpërnguljeve nga fshatrat e Malësisë së Sharrit për në qytet prandaj ka edhe shumë kyçje ilegale në këtë rrjet.
Një lajm i hidhur ka ardhur nga Struga. Ka ndërruar jetë biznesmeni i njohur Berat Beqiri, pronar i hotelit “Prestige”, një figurë e respektuar në fushën e hotelerisë dhe biznesit lokal.
Beqiri për vite me radhë ishte aktiv në zhvillimin e sektorit të turizmit dhe shërbimeve në Strugë dhe Ohër, duke u dalluar për profesionalizëm, korrektësi dhe përkushtim në punën e tij. Përmes aktivitetit të tij afarist, ai krijoi bashkëpunime të shumta dhe kontribuoi në promovimin e ofertës turistike të rajonit.
Lajmi për ndarjen e tij nga jeta ka pikëlluar familjarët, miqtë, bashkëpunëtorët dhe komunitetin më të gjerë.
Ngushëllime familjes dhe të afërmve të të ndjerit.
Nëse në vitin 2021 një lirë ari kushtonte 350 euro, sot çmimi i saj arrin 970 euro, ndërsa para disa ditësh ishte 1080 euro.
Në Çarshinë e Vjetër të Shkupit, dy familje që së shpejti do ta kurorëzonin djalin dhe vajzën. Shkonin nga dyqani në dyqan për të kërkuar çmimet më të lira të arit.
”Shumë çmimet e larta. Keni dasmë? – Po, për djalë. Dhe sa arë duhet të blini? Diku 20 apo 30 mijë euro. Çmimi i arit është i lartë dhe shkon në rritje” tha një qytetar .
(”Erdhëm nga Koçani që të blejmë arë por shumë shtrenjtë. Çmimet janë shumë të larta. ”Keni dasmë? Po, bëhemi gati për dasmë, martojmë vajzën”, u shpreh një qytetar.
Shitësit ankohen se për shkak të çmimeve të larta të arit është ulur ndjeshëm shitja.
”Momentalisht ari në bursë është 145 dhe për tre a katër orë ka lëvizur dhe kjo ka ndikuar edhe tek shitja por edhe tek blerja. Pra nuk ka blerje si më herët? Po nuk ka shitje”, tha shitësi.
”Blejnë por çmimi momentalisht është shumë i lartë, më herët me 100 euro blinin tre apo katër gram”, u shpreh shitësi, shkruan Alsat.mk.
Lajme nga vendi
Jurisprudenca vetëm në maqedonisht, Bashkim Selmani: Ministrat kanë qenë shqiptarë, dikush nuk i ka kryer obligimet
Selmani thotë se gjuha shqipe është kategori kushtetuese dhe Ligji për përdorimin e gjuhëve e mundësojnë që provimi i jurisprudencës të jepet edhe në gjuhën shqipe.
“Fatkeqësisht kjo e drejtë u është mohuar studentëve shqiptarë pa të drejtë për arsye se gjuha shqipe është zyrtare gjithë aty ku flitet dhe komunikohet në gjuhën shqipe dhe shteti është i detyruar t’i përshtatet të drejtës ligjore”, tha Selmani.
Ai thotë se ky diskriminim është bërë në bazë gjuhësore dhe është cenim i barazisë para ligjit.
Megjithatë ai kritikon se ka pasur neglizhencë të ekspertëve gjuhësorë dhe subjeketeve, pasi me sjelljen e Ligjit për përdorimin e gjuhëve, i njëjti ligj për gjuhën shqipe duhej të përfshihej edhe në ligjet tjera.
Për arsye, ai thotë se ligji i gjuhëve nuk përfshi edhe në sistemin gjyqësor dhe kjo e ka vështirësuar ushtrimin e të drejtës gjuhësore.
Ai thotë se ministrat e drejtësisë kanë qenë shqiptarë, dhe se nuk e kanë kryer këtë detyrim ashtu siç e parasheh kushtetuta dhe ligji.
“Institucionet, në këtë rast Ministria e Drejtësisë mban një përgjegjësi jashtëzakonisht të lartë dhe janë të detyruara tu mundësojnë dhënien e provimit në gjuhën shqipe, të harmonizohen aktet nënligjore me kushtetutë dhe ligjin për gjuhë dhe të garantohet barazi reale dhe jo formale në sistemin e drejtësisë. Drejtësia nuk matet vetëm me ligje, por me barazi dhe qasje reale. Pa gjuhën shqipe në provimin e gjyqësorit nuk ka drejtësi gjithëpërfshirëse dhe as shtet multietnik”, tha Selmani.
Ai thotë se mos ofrimi i provimit të jurisprudencës në gjuhën shqipe ndikon direkt edhe në Akademinë për Prokurorë dhe Gjykatës.
“Nëse merret për bazë dëmi që është shkaktuar do të shohim në emërimet e fundit prej 120 studentëve maqedonas 1 ose 2 janë shqiptarë, për sa i përket emërimeve është 19 me 1, sa u përket bashkëpunëtorëve profesionalë është 19 me 1, sa u përket praktikantëve e kështu me radhë, pra shqiptarët nuk kanë qasje në sistemin gjyqësor”, tha Selmani.
Ai thotë se pasi gjuha shqipe të zbatohet në proceset e lartpërmendura, faza e dytë është edhe mbajtja e seancave gjyqësore në shqip.
“Ne kemi raste kur i gjithë trupi gjykues janë shqiptarë ndërsa procedurat mbahen në gjuhën maqedonase. Detyrimisht duhet aty ku është 20% i paraparë në bazë të aspektit ligjor, të gjitha seancat dhe zhvillimet kanë të drejtë të zhvillohen në gjuhën shqipe”, tha Selmani.
Profesori thotë se sistemi i drejtësisë është baza me të cilën funksionojnë të gjitha të drejtat dhe detyrimet, dhe nëse neglizhohet ajo pse vendi të pretendojë Bashkimin Evropian.
“Janë disa procese me të cilat detyrimisht duhet të ndërhyhet dhe të mundësohet që studentët të japin provimin e gjyqësorit në gjuhën shqipe, provimin e përmbaruesit dhe provimin e noterëve, sepse është kategori kushtetuese”, përfundoi Selmani.Portalb.mk
Ndërroi jetë biznesmeni i njohur strugan
Ndryshimi i vazhdueshëm i çmimit të arit, ja sa kushton një lirë sot
Jurisprudenca vetëm në maqedonisht, Bashkim Selmani: Ministrat kanë qenë shqiptarë, dikush nuk i ka kryer obligimet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
