Kuvendi i Maqedonisë së Veriut me 80 vota “për” dje pasdite miratoi Ligjin për Institucionet e Arsimit të Mesëm të Bashkësive Fetare, me të cilin nxënësve të shkollave fetare u lejohet të japin testin e maturës dhe të regjistrohen nëpër universitetet shtetërore.Votimi u mbështet edhe nga deputetët e Frontit Evropian të cilët votuan edhe në raundin me badenter.Kjo zgjidhje ligjore vjen pasi më 30 prill të këtij viti Gjykata Kushtetuese shfuqizoi vendimin e Qeverisë së kryeministri teknik Talat Xhaferi, me të cilin Medreseja Isa Beu mori statusin e shkollës së mesme private – gjimnaz.Sipas kushtetueses, vendimi i Xhaferit kishte qenë antikushtetues dhe antiligjor dhe me të njëjtin është shkelur parimi i sekularitetit të shtetit.Ligji që kaloi në kuvend tejkalon problemin shumëvjeçar të medresantëve të cilët nuk mundeshin të vazhdonin shkollimin e lartë në universitetet shtetërore.Korniza, sipas shumicës parlamentare është bërë në përputhje me Kushtetutën, ligjin për Arsim të Mesëm si dhe Ligjin për Statusin Juridik të Kishës, Bashkësisë Fetare Islame dhe Grupit Fetar në vend.Byroja për Zhvillimin e Arsimit do të jetë ombrella e përputhshmërisë së planprogrameve të këtyre shkollave fetare, konkretisht shkollës Teologjike Ortodokse Maqedonase “Shën Klimenti i Ohrit” Shkup dhe Shkollës së Mesme Islame “Medreseja Isa Beu” – Shkup.Planprogramet e këtyre shkollave do të përputhen me Konceptin për maturën shtetërore, Maturën shkollore dhe Provimin përfundimtar të miratuar nga Ministria e Arsimit.Duke falënderuar Qeverinë, Bashkësia Fetare Islame theksoi se me votimin e ligjin, nxënësit e Medresesë tash e tutje do të jenë të barabartë me nxënësit e të gjitha shkollave tjera në vend.

Më 8 shtator të këtij vitit bëhen katër vite nga tragjedia në Spitalin Modular të Tetovës ku humbën jetën 14 perona, shumica pacient që kuroheshin nga koronavirusi. Në vendin ku ndodhi tragjedia ishte planifikuar të ndërtohet një park për të kujtuar viktimat e tragjedisë. Por, në vendin ku ndodhi tragjedia tashmë është ndërtuar parking për vetura, kurse sipas njoftimeve të Ministrit të Shëndetësisë Azir Aliu, parku do të jetë afër vendit ku ndodhi tragjedia. Ai tha se sot nuk fillojmë ndërtimin e një parku, por fillojmë të ndërtojmë një park të kujtesës kolektive të vonuar.“Katër vite më parë në këtë vend ndodhi një tragjedi që nuk guxon të harrohet por megjithatë institucionet për katër vite me rradhë heshtën, nuk vepruan, zgjodhën të mos shohin dhe kjo heshtje ishte e padrejtë për ata që e humbën jetën dhe për ata që çdo ditë e kërkojnë drejtësinë. Ky park nuk është për tu dukur, nuk është zbukurim por është përgjegjsësia fatkeqësisht e vonuar që një sistem do të duhej ta kishte vënë që në fillim dhe sot më në fund fillon, por fillon ndryshe. Parku që ndërtohet nuk ndjek rrugë të drejtë sepse as jeta nuk e ishte e drejtë me këta njerëz” deklaroi Ministrit të Shëndetësisë Azir Aliu.Drejtësia e vonuar është padrejtësi. Kështu tha Arben Fetai, zëvendëskryeministër për qeverisje të mirë.Sipas tij, për katër vite me rradhë nuk është bërë asgjë në drejtim të zbardhjes së kësaj tragjedie dhe tragjedive tjera.“Sot e kësaj dite nuk ka drejtësi për viktimat, për familjet e viktimave të tragjedisë së Tetovës , njejtë siç nuk ka fatkeqësisht drejtësi për viktimat dhe familjet e tyre në rastin e tragjedisë në Llaskarcë dhe tragjedia me autobusin e Besa Trans-it dhe sikurse familjarët e këtyre tragjedive të rënda janë mësuar me këtë padrejtësi sepse drejtësia e vonuar është padrejtësi. Tashmë po bëhen katër vite nga kjo tragjedi dhe ende institucionet e drejtësisë nuk e kanë sjellur drejtësinë për këtë rast dhe rastet tjera” tha zëvendëskryeministri Arben Fetai Me këtë rast, në vendin ku do të ndërtohet parku memorial u vendosën kurora me lule nga Ministri I Shëndetësisë Azir Aliu, ministri për qeverisje të mirë Arben Fetai, deputet të zonës numër gjashtë dhe familjarët e viktimave.

Qytetarët besojnë se vendimi i Qeverisë për t’u kërkuar të gjitha institucioneve shtetërore të zëvendësojnë targat e automjeteve zyrtare me targa të reja të kuqe dhe të verdha deri më 15 shtator është i mirë dhe mund të çojë në ulje të keqpërdorimit të automjeteve zyrtare për qëllime private. Qytetarët me të cilët folëm thonë se në të kaluarën ky lloj i keqpërdorimit nga politikanët ishte në nivel të lartë.

“Do të ketë rend, por edhe ata që janë në pushtet mund të vendosin. Edhe ata që janë brenda dhe udhëtojnë duhet të kenë. A mendoni se automjetet zyrtare janë keqpërdorur shumë? Jo vetëm që janë keqpërdorur…ata janë zyrtarë, i kanë përdorur privatisht, kanë para sa të duan dhe e shfrytëzojnë këtë”, tha një qytetar.

“Shkonin në tregje me to, i çonin fëmijët në shkollë, i çonin në kopshte… Tani me vendimin e ri, a do të rregullohet? Mendoj se po”, u shpreh një qytetar.

“Mendoj se kjo do të ishte zgjidhje e mirë, mendoj se po, nuk jam shumë e njohur me këtë, por përafërsisht kështu mendoj unë, nuk mendoj se është ide e keqe”, shtoi një qytetar.

Sipas Qeverisë, një nga qëllimet e kësaj mase është pikërisht rritja e transparencës, llogaridhënies dhe vendosja e kontrollit mbi përdorimin e automjeteve zyrtare, diçka që ka qenë sfidë gjatë viteve. Keqpërdorimi i automjeteve zyrtare ndodh më shpesh gjatë periudhave zgjedhore, megjithatë, abuzime të tilla ndodhin vazhdimisht, siç është shembulli i ministrit pa resor, përgjegjës për zbatimin e strategjisë së përfshirjes së romëve, Shaban Saliu, i cili u kap duke mbërritur në gjykatë me automjet zyrtar. /Alsat.mk

Advertisement