Qeveritë e të dy vendeve nesër në Washington do të vazhdojnë “dialogun strategjik” midis tyre, pas më pak se dy muaj pasi që të palët arriten pajtim për kornizën e marrëveshjes tregtare midis të dy vendeve.
Ministri i Jashtëm Timço Mucunski e udhëheq delegacionin nga Shkupi në të cilin janë edhe ministrat e punëve të brendshme, mbrojtjes, transformimit dixhital dhe energjisë, e i cili do të takohet me Zëvendës Sekretarin Amerikan të Shtetit i SHBA-së, Christopher Landau, dhe zyrtarë të tjerë të qeverisë amerikane.

Sipas përbërjes së delegacionit të qeverisë së vendit, në rend dite pritet që të jenë çështja e vizave, çështje bashkëpunimi ushtarak, teknologjia dixhitake dhe sektori i energjisë.
Në muajin Shkurt qeveritë e të dy vendeve ranë dakord për një kornizë për një marrëveshje tregtare.

Sipas kornizës, Maqedonia e Veriut do të eliminojë tarifat doganore për të gjitha mallrat industriale dhe bujqësore të SHBA-së të eksportuara në Maqedoninë e Veriut, ndërsa SHBA-të do të mbajnë një tarifë prej 15% për produktet e Maqedonisé sé Veriut.

E kjo kornizë për tregëti pritet që të jetë pjesë e bisedimeve përsëri për një marrëveshje përfundimtare, e cila do të mund të përfshijë edhe heqjen e mundshme të tarifave për produkte të caktuara të Maqedonisë së Veriut të eksportuara në SHBA.

Në vitin 2024, SHBA-të kishin një deficit tregtar mallrash prej 112.8 dollarësh amerikanë me Maqedoninë e Veriut, duke eksportuar 60.6 milionë dhe duke importuar 173.5 milionë.
Në njëmbëdhjetë muaj të vitit 2025 (janar-nëntor) deficiti u rrit në 203.7 milionë, sipas të dhënave tregtare të SHBA-së.

Advertisement

Takimi nesërm bëhet edhe në kohën kur tash Maqedonia e Veriut është duke ndërtuar tubacionin e gazit për t’u lidhur me Greqinë për të importuar gazin e lengshëm (ang.LNG) Amerikan nga terminali grek Aleksandropolos, për të prodhuar energji elektrike në termocentralin e cili duhet ende të ndërtohet në rrethin e Manastirit, por edhe ndonjë tjetër të paralajmëruar javë më parë nga kryeministri Hristijan Mickoski.

Komisioni Rregullator për Energjetikë ka miratuar vendimin për të ndryshuar çmimet e derivateve të naftës.

Çmimi me pakicë I benzinës EUROSUPER BS – 95 ulet për 0.50 denarë dhe nga mesnata do të jetë 83.50 den për litër, kurse i benzinës EUROSUPER BS-98 nuk do të ndryshohet dhe mbetet në nivelin e njëjtë prej 85.50 den.

Çmimi me pakicë I dizelit rritet për 2.50 denarë për litër dhe do të jetë 98 denarë

KRRE ka njoftuar se nëse nuk intervenonte Qeveria në akcizat dhe TVSH-në, çmimi I benzinës do të ishte më I lartë për 8.50 denarë, kurse I dizelit për 12 denarë.

Qeveria ka vendosur të ulë akcizën për dizelin me katër denarë, ndërsa për benzinat me dy denarë.

Advertisement

Njëkohësisht, vazhdon të zbatohet masa për uljen e TVSH-së për karburantet nga 18% në 10%.

Gjithashtu, me kompaninë OKTA është arritur marrëveshje që të vazhdojë edhe zbritja shtesë – dy denarë për benzinat dhe tre denarë për dizelin, të paktën deri në fund të muajit prill.

Sipas Qeverisë, këto masa synojnë të zbusin presionin e çmimeve mbi qytetarët dhe të ruajnë standardin jetësor.

Autoritetet qeveritare thonë se pavarësisht rritjes së ndjeshme të kërkesës – veçanërisht në rajonet kufitare, ku është trefishuar shitja e derivateve të naftës – për momentin nuk ka nevojë për kufizimin e sasisë së karburanteve që blejnë shtetasit e huaj.

Nëse kriza vazhdon, Qeveria po shqyrton edhe masa shtesë, përfshirë uljen e TVSH-së për produktet bazë ushqimore nga 5% në 0%, si dhe riaktivizimin e masës për ngrirjen e marzheve.

Advertisement

Gjithashtu po analizohet mundësia që efektet e kësaj mase të zgjasin edhe pas heqjes së saj formale, me qëllim që të parandalohet një rritje e menjëhershme e çmimeve.

E diela e 5 Prillit, e zgjoi nga letargjia e dimrit Bozovcën.

Zhurma e tupanave dhe këmbanave jehoi nëpër sokaqet e ngushta të këtij fshati, duke paralajmëruar nisjen e një tradite të lashtë ilire me histori gati 3 mijë vjeçare – Karnavalet Ilire.

Të veshur me gëzofë dhe lëkurë prej deleje, sipas traditës, banorët  besojnë se do t’i trembin gjërat e këqija dhe shpirtrat e këqij që të qëndrojnë sa më larg fshatit, që të mos dëmtojnë burimet e ekzistencës.

“Ky manifestim e ka këtë qëllim – ringjalljen e traditave që të mos vijmë deri tek harresa sepse përmes këtyre zhurmave, këmbanave dhe kësaj natyre të bukur tregojmë se erdhë pranvera dhe përcollëm atë periudhë të vështirë që ishte në 6 muajt dimër”

Maskat dhe veshja kreative e karnevalistëve ishin kryefjala e këtij manifestimi në Malësinë e Tetovës.

Advertisement

Nuk munguan edhe studiues e etnograf që kishin mbërritur nga Kosova e Shqipëria. Njëzëri pohojnë rëndësinë e ruajtjes së traditave të lashta ilire.

“E kemi kulturën dhe duhet ta ruajmë. Duhet që edhe shteti edhe populli, duhet investime më shumë të ruhet kjo kulturë, përndryshe shumë popuj dëshirojnë ta kenë, por nuk e kanë”  

“Unë me kënaqësinë më të msdhe po marrë pjesë në këtë karneval dhe po më pëlqen jashtëzakonisht se po ruhen tradita tona dhe uroj që kjo traditë të ruhet, të kultivohet ndër breza se tregon më së miri rrugëtimin tonë ndër breza”

“Rëndësia e tij është jo e veçantë por e jashtëzakonshme sepse shqiptarët e Malësisë së Sharrit e kanë që nëpërmjet këtij manifestimi kanë shpërfaqur jo vetëm vlerat e trashëgimisë shpirtërore por edhe ato kombëtare. Sepse përmes këtyre manifestimeve ata kanë protestuar kundër pushtetuesve të trojeve shqiptare”

Organizatorët e Karnavaleve Ilire në Malësi të Tetovës thonë se po përballen me vështirësi gjatë organizimit të këtij manifestimi.

Advertisement

“Nuk është e vështirë nëse kemi përkrahje institucionale. Këtë vit na ka përkrah me përkrahje simbolike Komuna e Tetovës dhe na kanë përkrah edhe individë”

Karnavali në Bozovcë daton nga kohërat e lashta ilire dhe e trashëguar brez pas brezi pavarësisht kushteve të vështira kanë arritur ta ruajnë si traditë.

Ndryshe, krahas banorëve të Malësisë së Tetovë, për të ndjekur katë manifestim kishin ardhur edhe shumë qytetarë nga Tetova por edhe qytete të tjera shqiptare.TV KOHA