Lajme nga vendi
Mbeturinat inerte prej tash e tutje qytetarët e Tetovës do të mund t`I dërgojnë në qendrën grumbulluese që ndodhet në rugën Tetovë-Trebosh
Mbeturinat inerte prej tashe tutje qytetarët e Tetovës do të mund t`I dërgojnë në qendrën grumbulluese që ndodhet në rugën Tetovë-Trebosh. Lokacionin e ka siguruar komuna e Tetovës ndërsa me këtë qendër grumbulluese do të menaxhojë operatori për grumbullimin e mbeturinave në Tetovë Saubermacher, e cila ka bërë edhe investimet përkatëse duke sigruruar kontajnier adekuat për mbeturinat inerte. Këtë qendër grumbulluese e vizitoi kryetari I komunës së Tetovës Bilall Kasami dhe përfaqësues të Saubermacher-it, të cilët theksuan se me këtë hap, pritet që të zvogëlohen mbeturinat inerte në rrugët e Tetovës.Krahas kësaj, kryetari Kasami tha se ky lokacion është shumë afër për qytetarët.Bëhet fjalë për një projekt të rëndësishëm në drejtim të krijimit të kushteve më të mria për sa I pëket pastërtisë së qytetit dhe unë besoj se në bashkëpunim me qytetarët, kjo do të jetë një hap drejt zgjidhjes përfundimtare sa I përket çështjes së pastërtisë , sqaroi Kasami.“Bëhet fjalë për vendosjen e 10 kontajnierëve me përmasa 5 metër kub ku do të mund qytetarët të sjellin mbeturina apo mbetje të ndryshme të mbeturinave që qytetarët i hudhin afër ose në kontajniera nëpër qytet, ku bëhet fjalë për mbeturina të drurit, metaleve të ndryhme, qelq, letër, karton, plastikë, pra janë mbeturina të cilët për momentin paraqesin problem për menaxhimin e mbeturinave tjera në qytet. Apeloj deri tek qytetarët, me të cilët pajtohemi se duhet të kemi një qytet më të pastër, që mbeturinat e forta t`I sjellin këtu ku kompania Saubermacher në mënyrë profesionale do të bëjë trajtimin e tyre. Me këtë dëshirojmë që të arrijmë deri qëllimi final që është zero mbetje në komunën e Tetovës”, deklaroi Kasami.Ndërkohë, përfaqësuesit e Saubermacher-it, theksuan se hapja e një qendre të këtillë, ka qenë prioritet i tyre që nga fillimi.Ata kanë falënderuar kryetarin e komunës së Tetovës që është angazhuar në gjetjen e një lokacioni që ka qasje të mirë për qytetarët dhe në fazën e parë do të grumbullohen mbeturina si ato plastike, elektronike dhe letra , ndërsa planifikohet që në të ardhmen të zgjerohet kjo veprimtari.“Poashtu mendojmë që nëse kjo qendër pranohet mirë nga qytetarët, të njejtën ta hapim edhe në anën tjetër të qytetit të Tetovës, pra të jetë një qendër e cila do të jetë më afër për qytetarët që nuk do të kenë mundësi të sjellin këto lloje të mbeturinave deri këtu.Kjo qendër do të jetë pa pagesë dhe kjo nënkupton që çdo qytetar i cili nuk ka borxh ndaj kompanisë për pjesën tjetër të mbeturinave këtu do të mund të hedh mbeturinat inerte.Apeloj deri tek qytetarët që të bëjnë pagesat ndaj kompanisë sonë, për shkak se niveli i pagesës është i ulët sepse nuk është në atë nivel që e kemi pritur. Në periudhën e ardhshme do të jemi të detyruar që të bëjmë pagesën e dhunshme përmes përmbaresuve,por dëshirojmë që të mos vijmë deri tek kjo situatë dhe nëse ka ndonjë paqartësi, qytetarët mund të vijnë dhe të zgjidhim të gjitha problemet që kanë në lidhje me grumbullimin e mbeturinave” tha Robert Gajçiç, përfaqësues I Saubermacher-it.
Sipas informacioneve, opertori për grumbullimin e meturinave në Tetovë, në këtë rast Saubermacher, ka për detyrim që të grumbullojë vetëm mbeturinat e amvisërive por jo edhe të mbeturinave inerte. Kryetari I komunës së Tetovës Bilall Kasami tha sejanë instaluar edhe gjashtë kamera shtesë për të identifikuar të gjithë ata qytetarë që mbeturinat I hedhin në vende ku nuk duhet dhe ndajh tyre do të merren masa adekuate. Ndërkohë, ai njoftoi se në qytet janë vendosur edhe kontajnierë për hedhjen e mbeturinave elektronike. /TV KOHA/
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Deputeti i VLEN-it, Adnan Azizi, ka reaguar me një mesazh publik lidhur me përurimin e bulevardit të ri në Tetovë, duke vlerësuar lart punën e kryetarit të Komunës, Bilall Kasami.
Në reagimin e tij, Azizi thekson se puna, ndryshimi dhe transformimi i Tetovës janë të lidhura drejtpërdrejt me emrin e Bilall Kasamit, të cilin e cilëson si “kryetarin më të suksesshëm të të gjitha kohërave”.
“Urime bulevardi i ri të gjithë qytetarëve”, ka shkruar deputeti Azizi, duke nënvizuar se projektet infrastrukturore janë dëshmi konkrete e angazhimit për zhvillimin e qytetit dhe përmirësimin e jetës së përditshme të banorëve të Tetovës.
Sipas tij, investimet e realizuara në infrastrukturë po e shndërrojnë Tetovën në një qytet më funksional, modern dhe të denjë për qytetarët e saj, ndërsa përurimi i bulevardit të ri paraqet një hap të rëndësishëm në këtë drejtim.
Lajme nga vendi
Nënshkruhet Marrëveshja për hua me BERZH-in me vlerë 20.9 milionë euro – do të furnizohen lokomotiva elektrike për HRMV Transport
Një marrëveshje për hua midis HM Transport dhe Bankës Evropiane për Rindërtim dhe Zhvillim (BERZH) në vlerë prej 20.9 milionë euro është nënshkruar sot në Qeveri. Me huanë do të do të furnizohen lokomotiva elektrike me pjesë rezervë, ndërsa qëllimi është transport më i madh i mallrave dhe gjenerimi i të ardhurave për ndërmarrjen.
Siç u tha para nënshkrimit, projekti është një hap i rëndësishëm drejt modernizimit të HM Transport, si dhe drejt përmirësimit të sigurisë dhe efikasitetit të transportit hekurudhor të mallrave.
Kushtet nën të cilat u siguruan mjetet – një periudhë afatgjatë e shlyerjes, një periudhë e favorshme grejs dhe një normë interesi konkurruese, janë në përputhje të plotë me strategjinë për menaxhim të përgjegjshëm të borxhit publik dhe sigurimin e financave publike të qëndrueshme.
“Sot po flasim për diçka që është lënë pas dore me dekada, por që është me rëndësi thelbësore për ekonominë, eksportin dhe të ardhmen evropiane të Maqedonisë, dhe kjo është hekurudha. Gjendja që trashëguam ishte katastrofike. Deri vonë, HM Transport nuk kishte asnjë lokomotivë plotësisht funksionale”, nënvizoi kryeministri Hristijan Mickoski, sipas të cilit kjo është një ripërtëritje sistematike e sektorit hekurudhor.
Mickoski informoi edhe se Marrëveshjes për hua i parapriu një analizë e nevojave, funksionalitetit dhe operueshmërisë së HM Transport.
Sipas zëvendëskryeministrit dhe ministrit të Transportit Aleksandar Nikolloski dhe ministres së Financave Gordana Dimitrieska-Kochoska, nënshkrimi i Marrëveshjes është një hap kyç për transformimin e plotë të HRMV Transport në një ndërmarrje moderne që do t’u përgjigjet nevojave të klientëve të saj.
“Lokomotivat e reja do ta ndryshojnë plotësisht pamjen dhe, së bashku me ato ekzistuese, do të jenë në gjendje t’i shërbejnë plotësisht transportit”, tha Nikolloski.
Ministrja Dimitrieska-Koçoska theksoi se Marrëveshja për hua është rezultat i negociatave intensive dhe konstruktive dhe është një konfirmim i besimit që institucionet financiare ndërkombëtare kanë në politikat tona dhe në drejtimin në të cilin po lëviz vendi.
“Me ngjarjen e sotme dhe nënshkrimin e Marrëveshjes për borxh për financimin e projektit “Rinovimi i flotës së mjeteve” drejtpërdrejtë investojmë në rritjen e kapaciteteve dhe efikasitetit të Hekurudhave të Republikës së Maqedonisë – Transport SHA Shkup, përmes furnizimit të lokomotivave të reja të cilat do të mundësojnë vëllim dhe siguri më të madhe në transportin hekurudhor transportues. Kjo do të thotë lidhshmëri më e mirë, konkurrencë më e madhe e ekonomisë vendore dhe mundësi të reja për gjenerimin e të ardhurave. Veçanërisht është e rëndësishme që projekti përfshin edhe vendosjen e sistemit bashkëkohor ERP, me të cilin krijohet bazë për menaxhim më të mirë me burimet, efikasitet të rritur operativ dhe nivel më të lartë të menaxhimit korporativ në sektorin hekurudhor”, theksoi ministrja.
Ky është një shembull, shtoi, i një qasjeje të integruar – jo vetëm investime në infrastrukturë, por edhe forcim institucional dhe menaxhues.
Në nënshkrim, përveç përfaqësuesve të BERZH-it, morën pjesë përfaqësues të Ministrisë së Transportit dhe menaxhmentit të HRMV Transport.
Miratohet buxheti i Tetovës, mbi 17 milionë euro për projekte kapitale
Adnan Azizi: Puna, ndryshimi dhe transformimi i Tetovës kanë emër – Bilall Kasami
Zjarr në Prizren, humb jetën një fëmijë njëvjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
