Sport
ATLETIKË: MAHUCHIKH DHE DUPLANTIS MË TË MIRËT E VITIT 2024 NË EUROPË
Kërcyesi suedez me shkop Armand “Mondo” Duplantis dhe kërcyesja ukrainase së larti janë shpallur atletët më të mirë të atletikës në Evropë për vitin 2024 nërëmjen “Golden Track” që u mbajt në Shkup.
Në organizim të Federatës Europiane të Atletikës të shtunën në sallën e madhe të Operës dhe Baletit kombëtar në Shkup u mbajt një gala mbrëmje ku u shpallën atletët më të mirë të Europës për vitin 2024. Epiteti atlet më të mirë për këtë vit u takoi Yaroslava Mahuçik rekordmenia botërore në kërcim së larti nga Ukraina dhe Armand Duplantis i Suedisë, i cili ka arritur rekordin botëror të kërcimit me shkop në lartësi 6 metra e 26 centimetra dhe është fitues i medaljes së artë në Lojërat e Parisit.
Një çmim special Team Spirit u fitua nga skuadra italiane e cila kryesoi tabelën e medaljeve në Kampionatin Evropian të Atletikës Roma 2024 me 11 medalje ari. Çmimi u mor nga Antonella Palmisano dhe Leonardo Fabbri, kampionët e garës së ecjes 20 kilometra dhe të hedhjes së gjyles. Sportistët e rinj më të mirë për vitin 2024 u shpallën serbe, Adriana Vilagos, e cila garon në hedhjen e shtizës dhe holandez, Nils Laros, i cili është finalisti më i ri në finalen olimpike në 1500 metra dhe rekordmeni evropian në këtë disiplinë nën moshën 20 vjeç.
Kryetari i Federatës Europiane të Atletikës Dobromior Karamarinov ,në fjalën e tij të rastit para të pranishmëve tha se pas një jave shumë intensive pune në Shkup, Atletika Evropiane ka shpallur sportistët më të mirë të vitit, në ceremoninë e Golden Tracks.
“Ishte një javë shumë e ngarkuar, kishim takim të Bordit Ekzekutiv, takim të Këshillit, konventa filloi me disa punëtori, disa seminare dhe mbledhje, dhe mundet me shumë besim të them se gjatë kësaj periudhe Shkupi ishte kryeqyteti i atletikës evropiane” tha Dobromir Karamarinov kryetar i Federatë Europiane të Atletikës .
I pranishëm në kë ceremoni madhështore ishte njeriu i parë i atletikës botërore, Sebastian Koe, i cili konsiderohet edhe kandidati më serioz për president të ri të Komitetit Olimpik Ndërkombëtar,përfaqësues nga të gjitha Federata Kombëtare të Atletikës, në Europë dhe Ministri i Sportit në Qeverinë Maqedonisë Veriut Borko Ristovski dhe shumë emra të njohur të atletikës nga vende të ndryshme./TV KOHA/ Shaban Sinani
Java e 11-të e Ligës së Parë hapet të premten me ndeshjen që do të zhvillohet në Kratovë mes Sileksit dhe Shkëndijës së Haraçinës.
Skuadra vendase në 10-të xhirot e zhvilluara ka grumbulluar 13 pikë, ndërsa Shkëndija Haraçinës 14 pikë.
Kjo do të thotë se dy ekipet do të luajnë pa kalkulime për të fituar tre pikët shumë të vlefshme për t`i ikur zonës së rrezikut.
Trajner i haraçinasve Berat Imeri për Tv Koha tha se në Kratovë udhëtojnë për një paraqitje pozitive.
‘’Në tre ndeshjet e fundit arkëtuam një pikë edhe pse patëm rival relativisht më të fortë se ne , edhe pse ne me pikët jemi ok nga mesi i tabelës . Përveç 20 minutave të para kundër Strugës , unë mendoj se në të gjitha ndeshjet tjera kemi qenë aty, aty me kundërshtarët tonë. Edhe pse kundërshtarët ishin pak më lartë se ne me kualitet . Por mendoj se do mundohemi pikërisht këtë aspektin psikologjik të cilën e kemi në fillim të ndeshjes ta përmirësojmë dhe që nesër në Kratovë t shkojmë të bëjmë paraqitje pozitive, të japim maksimumin dhe pse jo të kthehemi me rezultat pozitivi‘’ deklaroi trajneri Berat Imeri
Trajneri Berat Imeri nuk fsheh ambicjet nga ndeshja në Kratovë. Do të ishte i kënaqur edhe më nje barazim, por sipas tij, skuadra çdoherë synon fitoren.
‘’Ne çdo ndeshje e përgatisim për fitore. Ne dimë forcën e kundërshtarit. Sileksi është një ekip shumë serioze një ekip me përvojë e cila disa vite me radhë ka të njëjtin ekip, të njëjtin trajner. Ne do shkojmë atje për ta fituar ndeshjen, por besoj që edhe me barazim do jemi të kënaqur ‘’ tha trajneri Imeri
Të dielën mbyllet java e 11-të me ndeshjet Arsimi – Bregallnica që fillon në ora 12:00 dhe Tikveshi – Bashkimi që fillon në ora 14:00.
Shtatë fitore të skuadrave vendase dhe katër të atyre mysafire është epilogu i ndeshjeve hapëse në kampionatin amerikan të basketbollit NBA.
Sezoni i ri i Ligës Profesionale Amerikane të Basketbollit (NBA, e 81-ta me radhë, nisi të martën.
Legjenda e basketbollit, LeBron Xhejms, është transferuar te Filadelfia, qendra greke Janis Adetokumbo ka kaluar te Majami, ndërsa Kavai Leonard është rikthyer në Toronto. Gjatë verës, skuadrat kanë ndryshuar edhe rreth dhjetë basketbollistë të tjerë që janë përzgjedhur për ndeshjen All-Star, shumica prej të cilëve kanë qenë pjesë edhe e pesësheve më të mira të NBA-së.
Synimi i të gjithëve është i njëjtë – ta zbresin Njujork Niksin nga froni i kampionit.
Në ndeshjet e zhvilluara mbrëmë, fitore në cilësinë e vendasit kanë realizuar Uashingtoni në përballjen me Millvokin , Toronto ndaj Çikagos , Memfisi ndaj UTAH, Hjustoni ndaj Dallasit, Lakers ndaj Golden State , Portland kundër Feniksit dhe Klipers ndaj Sakramentos.
Ndërkasq si mysafirë fitore kanë realizuar Atlanta ndaj Orlandos , Sharlote ndaj Bruklyn , Minnesota ndaj Miamit dhe Indiana në përballjen me Nju Orleans.
Raundi i dytë i kampionatit amerikan NBA vazhdon nesër dhe pasnesër me ndeshjet e raundit të dytë ku pritetn ndeshje spektakolare.
REZULTATET E NBA-së
Orlando – Atlanta 125-132
Uashington – Milwaukee 128-116
Brooklyn – Sharlotte 103-110
Miami – Minnesota 106-131
Toronto – Chicago 135-92
Memphis – Utah 123-103
Nju Orleans – Indiana 120-123
Houston – Dallas 128-110
Lakers – Golden State 127-105
Portland – Phoenix 124-83
Clippers – Sacramento 121-96
Mbrëmja e së mërkurës në UEFA Liga e Kampionëve ka dhuruar një spektakël të jashtëzakonshëm futbolli, ku u regjistruan 34 gola , përmbysje e por edhe zhgënjime . Pas kompletimit të tre xhirove të fazës së ligës pesë ekipe kryesojnë me nga 9 pikë
Vëmendja kryesore e të gjithë adhuruesve të futbollit ishte e përqendruar në “Allianz Arena” të Munihut, në sfidën super-derbi mes Bayern Munih dhe Arsenalit,. Dy gjigantët e futbollit evropian dhuruan një përballje fantastike që përfundoi në barazim 2-2. Anglezët kaluan të parët në avantazh me anë të Eberechi Eze në minutën e 25-të, por bavarezët u përgjigjën shpejt duke barazuar me Alphonso Davies në minutën e 35-të. Në pjesën e dytë, Harry Kane përmbysi shifrat nga pika e bardhë e penalltisë për Bayernin në minutën e 61-të, por Arsenal nuk u dorëzua dhe gjeti golin e barazimit 2-2 falë një goditjeje të saktë nga Declan Rice tetë minuta para fundit të kohës së rregullt.
Në ndeshjet e tjera të mbrëmjes, Real Madridi tregoi edhe një herë forcën e tij absolute në “Santiago Bernabéu”, duke mposhtur bindshëm RB Leipzigun me rezultatin e thellë 4-1. Për madrilenët shënuan Bernardo Silva, Arda Güler, Kylian Mbappé dhe Yan Diomandé, ndërsa golin e vetëm për gjermanët e realizoi Gomis.
Fitore mjaft të rëndësishme arriti edhe Interi që mposhti me rezultat minimal 1-0 Shakhtar Donetskun në një përballje mjaft me taktika. Me të njëjtin rezultat 1-0, Real Betisi triumfoi në shtëpi përballë holandezëve të Feyenoord.
Aston Villa vazhdoi ecurinë e saj pozitive duke mposhtur 3-1 norvegjezët e Viking në shtëpi, ndërsa belgët e Club Brizh dominuan plotësisht ndaj francezëve të Lens duke fituar me shifrat e pastra 3-0. Befasia më e madhe e kësaj mbrëmjeje u regjistrua në Lisbonë, ku austriakët e LASK arritën të përmbysnin Sportingun e Lisbonës dhe të merrnin një fitore të madhe me rezultatin 3-2 në transferta, duke mbyllur kështu një mbrëmje të magjishme të Ligës së Kampionëve. Como befasoi Mançester Junajtedin duke deklasuar me rezultatin 4-1, ndërsa Lille në cilësinë e vendasit pësoi 2-4 nga Gallatasaray.
Pas kompletimit të raundit të tretë pesë ekipe kryesojnë me nga 9 pikë maksimale si PSZH, Aston Villa, Liverpulli, Real Madridi dhe Betisi
Raundi i katërt i fazës së ligës në UEFA Liga e Kampionëve vazhdon më 3 dhe 4 nëntor.
Kronika e zezë – Tetovë dhe Gostivar, 22 Tetor
“Stolat” e betonit u rrokullisën në bulevard, Rama ironizon pedagogët dhe refuzimin e tyre për dialog: Erdhën përsëri…
Në shtator, tetë burra në Maqedoni u diagnostikuan me HIV, vetëm këtë vit janë regjistruar 49 raste të reja
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
