Lajme nga vendi
Limani: Le t’u përafrohemi qytetarëve tanë duke zhvilluar më shumë shërbime sociale sipas nevojave të tyre dhe të gjithë familjes
Ministri i Politikës Sociale, Demografisë dhe Rinisë, Fatmir Limani, me rastin e përkujtimit të Ditës Ndërkombëtare të Kujdesit dhe Mbështetjes, mori pjesë në një tryezë të rrumbullakët dhe në prezantimin e Rekomandimeve të politikave në lidhje me vendosjen e një qasjeje familjare gjatë hartimit dhe zbatimit të shërbimeve të kujdesit dhe trajtimit.
Në fjalën e tij para të pranishmëve, Limani shprehu pritjen se nga këto rekomandime do të dalin gjetje të vlefshme dhe thelbësore që do të ofrojnë hartëzimin dhe identifikimin e hapave të ardhshëm të nevojshëm në krijimin e politikave të përshtatshme për nevojat e qytetarëve.
“Qeveria e Republikës së Maqedonisë së Veriut, Ministria përkatëse e Politikës Sociale, Demografisë dhe Rinisë dhe të gjitha palët e tjera të përfshira ndajnë mendimin se është e nevojshme të afrohemi më shumë me qytetarët tanë duke zhvilluar më shumë shërbime sipas nevojave të tyre dhe nevojave të gjithë familjes për një jetë më të përshtatshme dhe cilësore. Politikat tona duhet t’i orientojmë drejt përmirësimit të sistemeve ekzistuese dhe ballafaqimit me sfidat që janë para nesh”, theksoi Limani.
Ai vuri në dukje faktin se kompensimet në të holla ende janë mënyra më e preferuar për të mbuluar nevojat e përfituesve të kujdesit, duke shkaktuar kështu presion mbi buxhetin e shtetit, si dhe se duhet të fokusohemi në zhvillimin dhe zgjerimin e shërbimeve në nivel lokal, më afër përfituesve. E gjithë kjo, duke marrë parasysh pamjen demografike në vend, plakjen e popullsisë dhe nevojën në rritje për të ofruar shërbime për të moshuarit, personat me aftësi të kufizuara dhe kategori të tjera.
Programi i OKB-së për Zhvillim, në partneritet me Ministrinë e Politikës Sociale, Demografisë dhe Rinisë, prej disa vitesh po e zbaton programin “Ekonomia e Kujdesit”.
“Është me rëndësi të madhe zbatimi i një programi të tillë, i cili njëkohësisht aktivizon kategoritë e qytetarëve të vështirë për t’u punësuar, në radhë të parë femrat, në tregun e punës dhe, nga ana tjetër, mundëson edhe ofrimin e shërbimeve sociale nga kujdestarët për më të cenuarit. Me këtë, praktikisht realizohen angazhimet nga Konventa e OKB-së për të Drejtat e Njeriut”, theksoi zv/përfaqësuesja e përhershme e UNDP-së, Ana Çernishova.
Violeta Stojanoviq nga Agjencia për Punësim e Republikës së Maqedonisë së Veriut iu referua Programit “Ekonomia e Kujdesit”, qëllimi i të cilit është që personat e papunë të fitojnë njohuri, shkathtësi dhe kompetenca për ofrimin e shërbimeve të kujdesit në komunitet. Gjatë kësaj, ajo i veçoi dy masat aktive për punësim: Punën e dobishme komunale dhe Trajnimin dhe punësimin e personave për ofrimin e shërbimeve të përkujdesjes në shtëpi dhe në komunitet. Masat zbatohen në bashkëpunim me UNDP-në dhe Njësitë e vetëqeverisjes lokale.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
