Lajme nga vendi
Dimitrieska-Koçoska: Në buxhet kemi suficit dhe huamarrje më të ulët në tregun e brendshëm se sa ishte planifikuar, mund ta përmbyllim vitin me deficit më të ulët
Mjetet nga huaja e Hungarisë, aktualisht janë ende në llogari dhe nuk shfrytëzohen. Në llogarinë buxhetore kemi suficit dhe kjo rezulton në huamarrje më të ulët në tregun e brendshëm se sa ishte planifikuar. Kështu theksoi ministrja e Financave, Gordana Dimitrieska-Koçoska e ftuar në emisionin 360 Gradë.
“Mjetet nga huaja e Hungarisë janë ende në llogari dhe aktualisht nuk ka nevojë për shfrytëzimin e tyre. Në llogari kemi suficit buxhetor dhe kjo lë hapësirë për huamarrje më të ulët në tregun e brendshëm se sa ishte planifikuar. Pres që të fillojë zbatimi i projekteve dhe mjetet e huasë të shfrytëzohen deri në fund të muajit dhjetor, me ç’rast mosshfrytëzimi i tyre do të thotë se deficiti buxhetor do të realizohet në një masë më të vogël dhe do të transferohet bilanc më i madh në llogarinë buxhetore për vitin e ardhshëm. Me ribalancin është planifikuar të transferohet bilanc prej 502 milionë eurove”, potencoi ministrja Dimitrieska-Koçoska.
Ajo konfirmoi se ditën e dielë do të mbahet takim i ri me bankat afariste përmes Asociacionit Bankar të Maqedonisë, ku pritet edhe definimi përfundimtar i kushteve me të cilat mjetet do t’u ofrohen kompanive si shfrytëzues të fundit.
“Takimet po mbahen në vazhdimësi përmes Asociacionit Bankar të Maqedonisë. Takimi i ardhshëm do të mbahet të dielën, që është e caktuar tashmë dhe ku do të marrë pjesë edhe Kryeministri, me ç’rast presim që përfundimisht t’i përcaktojmë kushtet. Bëhet fjalë për normë interesi prej 3.25%, përkatësisht këtu nuk do të ketë ndryshim. Kjo është norma e interesit në bazë të së cilës është marrë kredia nga banka Eksport-import nga Hungaria. Patëm diskutim sa i përket çështjes në fjalë dhe për këtë bankat nuk bien dakord dhe kjo është që të marrin pjesë në një farë mënyrë në subvencionimin e normave të interesit dhe të tregojnë përgjegjësi shoqërore, si dhe të ndahet kjo përgjegjësi shoqërore.
Gjegjësisht, ne nuk bëjmë asgjë ndryshe se më parë, sepse që nga viti 2011 e deri më tani janë tërhequr mjete financiare në vlerë prej 650 milionë eurove nga linja të ndryshme kreditore për të cilat shteti ka subvencionuar interesin”, theksoi ministrja e Financave.
Ajo shtoi se njëra nga bankat ka shprehur interes se mund të jetë pjesëmarrëse në subvencionimin e interesit, si dhe për kushtet e afatit të shlyerjes, ku në këtë drejtim është edhe takimi i së dielës për arritjen e kushteve përfundimtare.
“Qëllimi ynë është që të gjitha bankat të jenë pjesëmarrëse edhe pse në praktikë mjetet mund të plasohen edhe përmes një banke. Por, synimi ynë është që të punohet me të gjitha bankat dhe në këtë mënyrë procesi për klientët do të jetë më i thjeshtë, përkatësisht ta marrin kredinë nga banka me të cilën punojnë”, theksoi ministrja.
Ajo bëri të ditur se aktualisht është duke u punuar në procesin e plasimit të mjeteve dhe se pritet të përfundojë procedura e transferimit të mjeteve në llogarinë buxhetore dhe si rrjedhojë edhe mënyra se si do të transferohen në Bankën Zhvillimore, prej ku ato duhet të transferohen më tej në bankat afariste dhe shfrytëzuesit e fundit.
Në intervistë ajo iu referua edhe mjeteve të destinuara për projekte komunale nga huaja e Hungarisë. Njëkohësisht, ajo theksoi se për projektet komunale janë siguruar 250 milionë euro dhe se pret realizimin e tyre, duke qenë se synimi ishte që të përkrahen projektet që janë të gatshme dhe ku realizimi në terren mund të kryhet në mënyrë të shpejt.
Ministrja theksoi lidhur me pritshmëritë për vitin e ardhshëm sa i përket realizimit të projekteve kapitale siç janë drejtimet rrugore për korridoret 8 dhe 10D, për të cilat janë ndarë 12 miliardë denarë, pastaj sa i përket realizimit të projekteve të përgjithshme, si dhe projekteve që financohen nga institucionet financiare ndërkombëtare që momentalisht janë ndërprerë.
Po ashtu theksoi se nuk do të ketë transferta ndaj EMV-së, si dhe probleme me furnizimin me energji elektrike dhe se me Propozimin e buxhetit për vitin 2025 janë siguruar mjete për rritjen e pagave në arsim, shëndetësi, si dhe në administratë sipas marrëveshjeve kolektive.
Sot, me krenari dhe emocione të veçanta, u shënua 31-vjetori i ligjëratave të para në Universiteti i Tetovës, një ngjarje historike që mbetet gurthemel i arsimit të lartë në gjuhën shqipe në vend. Kjo ditë përkujton fillimin e një rrugëtimi të vështirë, por të lavdishëm, të mbushur me përkushtim, sakrificë dhe vizion për të ardhmen. Me këtë rast u organizua një akademi solemne në ambientet e Universitetit të Tetovës, ku morën pjesë profesorë, studiues, aktivistë dhe përfaqësues të shumtë nga bota akademike. Prania e tyre dëshmoi edhe një herë rëndësinë që ka kjo datë për arsimin, kulturën dhe identitetin kombëtar.
Në fjalimin e rektorit Jusuf Zejneli u theksua roli historik i universitetit si vatër e dijes, rezistencës intelektuale dhe emancipimit shoqëror. U rikujtuan sfidat e para, përkushtimi i themeluesve dhe sakrifica e atyre që besuan në idealin e një universiteti në shërbim të studentëve dhe shoqërisë.
31 vite më pas, Universiteti i Tetovës qëndron krenar si institucion i konsoliduar, me mijëra studentë të diplomuar, me staf akademik të përkushtuar dhe me bashkëpunime të shumta ndërkombëtare. Ai vazhdon të jetë qendër e rëndësishme e formimit profesional dhe shkencor, duke kontribuar në zhvillimin e vendit dhe më gjerë.
KY përvjetor nuk është vetëm një moment reflektimi për të kaluarën, por edhe një thirrje për të vazhduar përpara me të njëjtin ideal, përkushtim dhe vizion, në shërbim të dijes, progresit dhe brezave që vijnë.
Situata me përmbytjet që gjatë fundjavës goditi më shumë rajone të vendit, si pasojë e reshjeve të rrëmbyeshme të shiut, mbetet e pandryshuar, kurse autoritetet kompetente vazhdojnë të jenë në terren, ku janë duke intervenuar për thithjen e ujit nga objektet. Metereologët edhe për sot paralajmërojnë reshje shiu, por për shkak të depërtimit të ajrit të ftohtë, do të kalojnë edhe në reshje dëbore.
I gjithë territori i vendit sot gjendet në alarm të verdhë paralajmërues për shkak të rreshjeve të shiut dhe erës së fuqishme që lokalisht pritet të arrijë mbi 70 km në orë.
Pikërisht për këtë sërish rriten rreziqet nga përmbytje të reja dhe dalje të lumejve nga shtretërit, veçanërisht në pjesët veriperëndimore të vendit, ku lokalisht priten rreshje mbi 30 litra në metër katror.
Sipas njoftimit të mëngjesit të Qendrës për Menaxhim me Kriza, në rajonin e Tetovës nuk ka denoncime të reja për daljen nga shtrati të lumit Vardar në fshatin Forinë dhe pjesët tjera ku pati përmbytje.
Ndërkohë banorë të rrugëve dhe lagjeve në rajonin e Kërçovës, shtëpitë e të cilëve ishin përmbytur, vahdojnë të jenë të akomoduar në një sallë sportive. Bëhet fjalë për 250 të evakuar, të cilëve u janë siguruar ushqime, ujë dhe mjete higjienike.
Metereologët thonë se nën ndikimin e një sistemi ciklonik me qendër në Gjirin e Gjenovës dhe zgjerimit të tij drejt Detit të Jonit I cili do të mbërrijë edhe në vendin tonëdo të sjellë ndryshim të ri të motit.
Reeshjet e shiut, për shkak të depërtimit të ajrit të ftohtë nga veriu do të kalojnë në reshje dëbore, fillimisht në viset malore kurse më vonë reshje bore do të ketë edhe në viset më të ulëta, vecanërisht në pjesën veriperëndimore dhe perëndimore të vendit.
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
AKADEMI SOLEMNE – 31 VJET LIGJËRATAT E PARA NË UT
RESHJET: ALARMI I VERDHË NË GJITHË TERRITORIN E VENDIT!
VOLEJBOLL: DISFATA E KATËRT RADHAZI E KV UNIVERSITETI I TETOVËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
