Lajme nga vendi
Rreth 350 fëmijë romë do të kujdesen falas në kopshtet publike për fëmijë në 21 komuna
Rreth 350 fëmijë romë, të moshës prej tre deri gjashtë vjeç, do të qëndrojnë falas në kopshtet publike për fëmijë në 21 komuna në shtet. Në kuadër të projektit “Përfshirja e fëmijëve romë në institucionet publike komunale – kopshte për fëmijë”, sot janë nënshkruar marrëveshje për bashkëpunim mes Ministrisë së Politikës Sociale, Demografisë dhe Rinisë, komunat dhe kopshtet në territorin e tyre, ku do të kujdesen fëmijët nga ky komunitet etnik.
Ministri i Politikës Sociale, Demografisë dhe Rinisë, Fatmir Limani tha se përfshirja e fëmijëve romë në kopshtet për fëmijë do të mundësohet me bllok-dotacione, të cilat komunave do t’ua mundësojë Ministria.
“Përmes këtij bashkëpunimi, të gjithë së bashku kontribuojmë për përfshirjen e numrit sa më të madh të fëmijëve romë në procesin parashkollor edukativo-arsimor. Duhet të vazhdojmë të investojmë në arsimin e fëmijëve romë, prej çka përfitim ka tërë shoqëria jonë”, deklaroi Limani.
Projektin e kanë përshëndetur kryetarët e komunave, të cilët kanë marrë pjesë në ngjarjen.
Në pyetjen e gazetarëve pse kopshti i sapondërtuar për fëmijë në Haraçinë ende nuk është në funksion, ministri Limani u përgjigj se priten miratime për punësime, për të cilat komuna ka dërguar kërkesë deri te Ministria e Politikës Sociale, Demografisë dhe Rinisë.
“Ne dërguam kërkesë deri te Ministria e Financave, presim përgjigje prej tyre, të njëjtën e kthejmë te komunat dhe ky është tërë procesi para hapjes së kopshtit të ri. Domethënë, nuk mundet as pa punësime të reja, as pa fëmijë të hapet as kopsht, as shkollë, as ndonjë institucion tjetër”, tha Limani.
Mabera Kamberi nga Ministria e Politikës Sociale, Demografisë informoi se përfshirja e romëve në arsimin parashkollor ka filluar me projekt që në vitin 2006 në partneritet me Fondin edukativ rom.
“Nga viti 2006 deri tani kemi përfshirë rreth 5.500 fëmijë të moshës dy vjeçare para fillimit të arsimit fillor. Ky projekt ka kontribuar të kemi numër më të madh të fëmijëve romë në shkollën fillore, të mesme dhe në fakultet, me çka Republika e Maqedonisë së Veriut avancon nga të gjitha shtetet në fqinjësi. Kemi rreth 250 studentë romë në universitete, ndërsa shtetet tjera nuk mund ta arrijnë as numrin 50. Ky projekt me të vërtetë ka kontribuar të kemi numër aq të madh”, tha Kamberi.
Fëmijët romë në kopshte kanë dokumente, theksoi ajo, ndërsa për ata që nuk janë të evidentuar në Librin amë të të lindurve, ajo tha se të paevidentuarit vendosen në një evidencë të veçantë elektronike që më lehtë t’u sigurohen dokumente.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
