Lajme nga vendi
Fillon debati në komision mbi Propozim- buxhetin për vitin 2025
Në Komisionin parlamentar për financim dhe buxhet, sot fillon debati për Propozim-buxhetin për vitin 2025. Sipas ueb faqes së Kuvendit, seanca duhet të fillojë në orën 11.
Qeveria e miratoi Propozim- buxhetin më 29 tetor dhe në të është projektuar rritje ekonomike në nivelin 3.7 për qind, deficiti buxhetor në 4 për qind të BPV-së dhe inflacioni 2.2 për qind.
Të ardhurat e përgjithshme në Buxhet për vitin 2025 janë planifikuar në 358 miliardë denarë që është për 13 për qind më shumë nga buxheti për vitin 2024, ndërsa shpenzimet e përgjithshme janë projektuar në nivel të 400 miliardë denarëve që është rritje për 10 për qind në krahasim me buxhetin për vitin 2024. Rritja ekonomike është planifikuar në nivel prej 3,7 për qind, deficiti buxhetor në katër për qind, inflacioni 2,2 për qind.
Buxheti për vitin 2025 përmban masa për konsolidim fiskal dhe shpenzime të disiplinuara tatimore dhe masa e politika për nxitjen e rritjes ekonomike.
“Me një fjalë krijuam një buxhet që duhet të sjellë zhvillim real të vendit. Shpenzimet kapitale janë në nivel prej 50,65 miliardë denarë, që paraqet rritje prej 13 për qind ose 6 miliardë denarë në raport me ribalancin e Buxhetit për këtë vit. Kjo është pikërisht ajo mbi të cilën ne e bazojmë zhvillimin tonë. Gjithashtu, shuma e shpenzimeve kapitale është më e lartë se shuma nominale e deficitit. Ajo që është më e rëndësishme është që ne të krijojmë zgjidhje për të arritur realizimin real të shpenzimeve kapitale dhe për të ndryshuar situatën e së kaluarës. Këtu do të jetë fokusi ynë dhe për këtë kemi ndryshuar edhe politikën. Politika thotë të mbështesim projekte dhe projekte cilësore që mund të realizohen në një kohë të shpejtë dhe të japin kontribut në rritjen ekonomike”, deklaroi ministrja e Financave, Gordana Dimitrieska-Koçoska në konferencën për media të organizuar pas miratimit të Propozimit të Buxhetit nga Qeveria.
Opozita ka paralajmëruar se nuk do ta mbështesë Propozim- buxhetin e propozuar sepse sipas tyre është joreal dhe jozhvillimor. Deputetët e LSDM-së kanë dorëzuar mbi 200 amendamente.
“Ky Buxhet, siç është propozuar, është hartuar t’i përmbushë nevojat e pushtetit dhe jo të qytetarëve. Qeveria parasheh rritje të BPV-së prej 3,7 për qind për vitin 2025, të cilin nuk do të mund ta realizojë, ndërsa konfirmim për atë janë projeksionet e Bankës popullore, e cila e caktoi në 3,3 për qind dhe dukshëm vlerësimi më real i Bankës botërore 2,5 për qind. Projeksioni qeveritar për rritje të lartë të BPV-së është vendosur në bazë joreale dhe ka për qëllim të arsyetojë deficit më të madh buxhetor. Qasja e këtillë do të thotë edhe rritje e borxhit publik pas sjellë kurrfarë zhvillimi. Me fjalë të tjera do të shpenzojmë më shumë nga ajo që fitojmë, ndërsa borxhin do të duhet ta kthejmë në të ardhmen me siguri me tatime shumë më të larta apo me shkurtim të parave për shërbime të tjera më të mira publike. Të gjitha këto të dhëna tregojnë se Qeveria është e gatshme t’i detyrojë qytetarët deri në tre brreza të ardhshëm, pa krijuar zhvillim”, deklaroi dje lideri i LSDM-së, Venko Filipçe.
Lidhur me amendamentet, Filipçe theksoi se për të gjitha ka arsyetim solid dhe siç tha, ato janë parashtruar pas analizave serioze të sektorëve nga ekspertë të cilët punojnë me vite në ata sektorë.
Me amendamentet e parashtruara LSDM opozitare propozon ndarje të 3.500.000.000 denarë nga Buxheti për vitin e ardhshëm për rritje të rrogave në sektorin publik. Me amendament i cili i referohet arsimit, LSDM propozon ndarje të 996.406.000 denarëve për rritje të rrogave për mësimdhënësit nga arsimi fillor dhe i mesëm. Në polici, me amendament LSDM propozon rritje të rrogave prej 20 për qind, përderisa, për rrogat e zjarrfikësve të ndahen 1.000.000.000 denarë në Buxhetin për vitin 2025.
Edhe nga Bashkimi Demokratik për Integrim (BDI) vlerësojnë se Propozim- buxheti është jozhvillimor, ka rritje të shpenzimeve buxhetore, ndërsa borxhi publik do të rritet edhe më shumë.
“Buxheti i viti 2025 nuk i respekton rregullat fiskale të definuara me ligj. Në propozim buxhetin e vitit 2025 ka të ardhura dhe shpenzime më të larta se ai vitit 2024, në strukturën e buxhetit shpenzimet kapitale janë më ulëta 12.6% krahasuar me 13.1 % të vitit të kaluar. Ka deficit më të lartë në krahasim me buxhetin fillestar të vitit 2024 të rebalancit nga qeveria pa legjitimitet”, ka thënë Ahmeti.
Sipas Rregullores së re, diskutimi në komision mund të zgjasë deri më 30 nëntor, pas së cilës Propozim- buxheti duhet të miratohet në seancë plenare. Kryetari i Kuvendit, Afrim Gashi në intervistën për MIA-n, tha se në gjysmën e dytë të dhjetorit pritet që Propozim- buxheti të gjendet në seancë plenare.
“Sipas Rregullores së re, tashmë është përcaktuar fundi i nëntorit, gjegjësisht 30 nëntori si data e fundit kur duhet të përfundojë debati i komisionit. Pastaj propozimi dërgohet në Qeveri, presim që Qeveria ta plotësojë propozimin dhe në javën e dytë të dhjetorit të mbahet seanca plenare, e cila zgjat pesë ditë dhe shpresojmë që brenda këtyre katër-pesë ditëve të miratohet buxheti për vitin 2025”, deklaroi Gashi në intervistë për MIA-n.
Situata me përmbytjet që gjatë fundjavës goditi më shumë rajone të vendit, si pasojë e reshjeve të rrëmbyeshme të shiut, mbetet e pandryshuar, kurse autoritetet kompetente vazhdojnë të jenë në terren, ku janë duke intervenuar për thithjen e ujit nga objektet. Metereologët edhe për sot paralajmërojnë reshje shiu, por për shkak të depërtimit të ajrit të ftohtë, do të kalojnë edhe në reshje dëbore.
I gjithë territori i vendit sot gjendet në alarm të verdhë paralajmërues për shkak të rreshjeve të shiut dhe erës së fuqishme që lokalisht pritet të arrijë mbi 70 km në orë.
Pikërisht për këtë sërish rriten rreziqet nga përmbytje të reja dhe dalje të lumejve nga shtretërit, veçanërisht në pjesët veriperëndimore të vendit, ku lokalisht priten rreshje mbi 30 litra në metër katror.
Sipas njoftimit të mëngjesit të Qendrës për Menaxhim me Kriza, në rajonin e Tetovës nuk ka denoncime të reja për daljen nga shtrati të lumit Vardar në fshatin Forinë dhe pjesët tjera ku pati përmbytje.
Ndërkohë banorë të rrugëve dhe lagjeve në rajonin e Kërçovës, shtëpitë e të cilëve ishin përmbytur, vahdojnë të jenë të akomoduar në një sallë sportive. Bëhet fjalë për 250 të evakuar, të cilëve u janë siguruar ushqime, ujë dhe mjete higjienike.
Metereologët thonë se nën ndikimin e një sistemi ciklonik me qendër në Gjirin e Gjenovës dhe zgjerimit të tij drejt Detit të Jonit I cili do të mbërrijë edhe në vendin tonëdo të sjellë ndryshim të ri të motit.
Reeshjet e shiut, për shkak të depërtimit të ajrit të ftohtë nga veriu do të kalojnë në reshje dëbore, fillimisht në viset malore kurse më vonë reshje bore do të ketë edhe në viset më të ulëta, vecanërisht në pjesën veriperëndimore dhe perëndimore të vendit.
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
Lidhja e Sindikatave të Maqedonisë bllokoi sot dyert e Qeverisë. Paralajmëruan se masa e ardhshme do të jetë greva e përgjitrhshme. Kërkesat e tyre mbeten të njëjta, mbështetje për propozimin për 600 euro pagë minimale dhe 100 euro rritje të pagave tjera. Sipas tyre, standardi I qytetarëve nuk mund t`u bëjë ballë rritjes së çmimeve.
Nëse nuk respektohen kërkesat e punëtorëve për rritjen e pagës minimale në 600 euro deri më shkurt, në mars paralajmërohet grevë e madhe e përgjithshme e punëtorëve. Paralajmërimi erdhi nga Lidhja e Sindikatave të cilët, pas Kuvendit dhe Odave Ekonomike, sot bllokuan Qeverinë.
Sipas tyre, jehona e dobët e protestës së sotme, është për shkak se punëtorët janë në vendet e tyre të punës. Paralajmërojnë që protesta e radhës do të mbahet në ditë jo pune në mënyrë që punëtorët ta shprehin pakënaqësinë nga paga minimale.
SLOBODAN TRENDAFILOV – LSM
“24 ministra, në seancën e sotme qeveritare duhet të propozojnë ndryshime dhe plotësime të Ligjit për pagë minimale, nëse duan të jenë me punëtorët. Deri në fillim të marsit nuk përjashtohet mundësia për bllokimin e institucioneve të targetuara në brendësi të vendit. Nëse vendosin në seancë qeveritare ta rrisin pagën minimale në 600 euro dhe pagat tjera për 100 euro, nuk do të më shohin më në TV, nëpër rrjetet sociale. Deri atëherë vazhdojmë aty ku qëndrojmë sot – në rrugë”
Lidhja e Sindikatave nuk heq dorë nga përpjekjet për të siguruar 10.000 nënshkrime që të kenë mundësi në Kuvend të dorëzohen ndryshime ligjore për uljen e pagave të funksionarëve dhe rritjen e pagës minimale.
RESHJET: ALARMI I VERDHË NË GJITHË TERRITORIN E VENDIT!
VOLEJBOLL: DISFATA E KATËRT RADHAZI E KV UNIVERSITETI I TETOVËS
SONTE NIS SPEKTAKLI I PLAY-OFF-IT NË LIGËN E KAMPIONËVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
