Lajme nga vendi
Janë finalizuar aktivitetet e projektit për identifikimin e zonave të reja Natura 2000 dhe zbatimit të CITES
Sot në Shkup u mbajt ngjarja përfundimtare e projektit të financuar nga BE-ja, “Përmirësimi i kapaciteteve për Natura 2000 dhe CITES”, i cili është kyç në përforcimin e kapaciteteve për mbrojtjen e mjedisit dhe ruajtjen e natyrës në vendin tonë. Në këtë aktivitet u prezantuan arritjet dhe rezultatet e aktiviteteve për identifikimin e zonave të reja që u bënë pjesë e rrjetit ekologjik të Bashkimit Evropian, të quajtur Natura 2000.
Zëvendësministrja e Mjedisit Jetësor dhe Planifikimit Hapësinor Ane Lashkoska, në fjalimin e saj hapës e shprehu kënaqësinë që me këtë projekt, i cili po zbatohet në mënyrë aktive që nga qershori i vitit 2022, është arritur një mbrojtje më e mirë e natyrës dhe biodiversitetit në vendin tonë, që është një nga shtyllat kryesore të Marrëveshjes së Gjelbër Evropiane dhe të Agjendës së Gjelbër për Ballkanin Perëndimor.
– Qëllimi kryesor i projektit ishte forcimi dhe përmirësimi i kapaciteteve administrative për harmonizimin dhe zbatimin e legjislacionit të BE-së për ruajtjen e natyrës. Në kuadër të projektit u kryen aktivitete për përmirësimin e kuadrit ligjor dhe institucional, nëpërmjet përgatitjes së draft formularëve standard të të dhënave për zonat e mundshme të NATURA 2000, një Ligji të ri për CITES, si dhe forcimin e kapaciteteve administrative në nivel kombëtar. – theksoi Lashkoska, duke shtuar se Ministria do të mbetet e përkushtuar ndaj këtyre aktiviteteve dhe do të përpiqet që të sigurojë qëndrueshmëri të rezultateve të projektit.
Vlera totale e projektit “Përmirësimi i kapaciteteve për Natura 2000 dhe CITES” është 2,214,100 euro dhe përbëhet nga dy komponentë kryesorë me të cilët janë përcaktuar zonat dhe është hartuar legjislacioni përkatës. Ekipi i projektit përbëhej nga konsorciumi NIRAS së bashku me Shoqatën Polake për Mbrojtjen e Zogjve, EFTAS, Stichting BirdLife, si dhe përfaqësuesit tanë maqedonas në konsorciumin Farmahem dhe Shoqërinë Ekologjike Maqedonase.
Në ngjarjen përfundimtare mori pjesë edhe shefi i Delegacionit të Bashkimit Evropian, Stefan Hudolin.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13