VLEN përgëzon të gjithë nëpunësit dhe shërbyesit publikë me rastin e Ditës së Nëpunësve Publikë dhe Shërbimeve Publike, një ditë që na rikujton rolin kyç të tyre në funksionimin e shtetit dhe në forcimin e besimit të qytetarëve ndaj institucioneve.

Në këtë kuadër, zëvendëskryeministri Arben Fetai mori pjesë në konferencën e organizuar nga Ministria e Administratës Publike, ku theksoi se nëpunësit publikë janë fytyra e institucioneve dhe bartës të përgjegjësisë për ofrimin e shërbimeve cilësore, të drejta dhe të barabarta për të gjithë qytetarët. “Nëpunësit publikë e mbajnë shtetin në lëvizje. Profesionalizmi, etika dhe sjellja e tyre e përkufizojnë nivelin e besimit që qytetarët kanë në institucionet tona. Shërbimi publik është nder, por edhe përgjegjësi – të jesh korrekt, i qasshëm, efikas dhe mbi të gjitha i ndershëm”, u shpreh zëvendëskryeministri Fetai.

VLEN riafirmon përkushtimin për të ndërtuar një administratë publike moderne dhe profesionale, që vepron me transparencë, efikasitet dhe integritet, në shërbim të qytetarëve, një administratë që është imune ndaj presioneve politike, abuzimeve dhe korrupsionit.

Shërbimi publik nuk është privilegj për individin, por përgjegjësi ndaj qytetarit dhe shtetit. Në këtë rrugëtim, VLEN do të jetë gjithmonë në mbështetje të reformave që forcojnë administratën dhe rrisin besimin e qytetarëve në institucionet publike.

Ish-deputeti i PDSH-së, Bekim Fazliu, ka reaguar përmes një statusi në Facebook lidhur me miratimin e Ligjit për Përfaqësim të Drejtë dhe Adekuat nga Qeveria, duke kritikuar ashpër ish-qeverisjen e BDI-së për paaftësinë dhe mungesën e vullnetit politik për ta zgjidhur këtë çështje themelore për shqiptarët.

Fazliu shkruan se, megjithëse për 20 vjet BDI kishte në dorë gjithë pushtetin, përfshirë edhe kryeparlamentarin dhe kryeministrin e parë shqiptar, asnjëherë nuk e sollën një ligj të tillë. Ai thekson se tani kur ky ligj kalon nga një qeveri me shumë më pak pushtet, të njëjtët individë që heshtën për dy dekada, dalin kundër. “Tani, kur dikush tjetër, me shumë më pak pushtet, siç e pranoni ju, e kalon këtë ligj në Qeveri, ju nuk bëheni pjesë për ta përmirësuar. Përkundrazi, ngriheni dhe thoni: ‘Nuk kalon!’ Jo pse mendoni se ligji nuk është i mirë, por sepse ju nxjerr zbuluar. Sepse ky ligj ua kujton paaftësinë dhe heshtjen tuaj 20-vjeçare përballë një kërkese të drejtë të shqiptarëve”, shkruan Fazliu.

Ai sjell një krahasim të ashpër mes periudhës së qeverisjes së kaluar dhe asaj aktuale, duke thënë se më parë përmendeshin afera të montuara, burgje të mbushura me shqiptarë, kazino dhe korrupsion, ndërsa sot flitet për ligje të rëndësishme si ai për përfaqësimin e drejtë, përdorimin e gjuhës shqipe dhe përpjekjet për luftë kundër korrupsionit.

“Ka ndryshim të madh ndërmjet kazinos dhe korrupsionit që çojnë në shkatërrim, dhe Ligjit për Gjuhën Shqipe, afrimit me Kosovën, përfaqësimit të drejtë, që çojnë në zhvillim, dinjitet dhe një rrugë të drejtë”.

Në fund të reagimit, Fazliu pranon se ligji mund të ketë mangësi, por thekson se është një përpjekje e vlerësueshme pas dy dekadash heshtjeje. Ai u bën thirrje të gjithëve që të kontribuojnë për përmirësimin e tij, dhe jo të pengohet për arsye politike.
Statusin e përmbyll me një mesazh simbolik nga Arbën Xhaferi: “Më mirë një ligj sesa një post”.

Advertisement

jupço Palevski-Palço, Bore Videvski, Vlatko Keshishev dhe Velibor Manev janë dënuar me burgim të përjetshëm për rrëmbimin dhe vrasjen e Vanja Gjorçeskës. Babai i Vanjës, Aleksandar Gjorçevski, është liruar nga akuzat. Shpenzimet e tij gjyqësore do të mbulohen nga shteti.

“Secili prej të pandehurve dënohet individualisht me burgim të përjetshëm”, tha gjykatësi Ivica Stefanovski.

Ata u liruan gjithashtu nga akuzat për rrëmbimin e Pance Zhezhovskit.

“Të pandehurit Manev, Videvski, Keshishev, Palevski lirohen nga akuza se më 22 nëntor 2023 rreth orës 9 të mëngjesit në Veles, të pandehurit rrëmbyen Pançe Zhezhovskin me qëllim që ta detyronin të jepte diçka, përkatësisht një makinë. Prokurori publik nuk vërtetoi se ata e kryen krimin, përtej çdo dyshimi të arsyeshëm”, tha Stefanovski.

Katër të parët akuzoheshin se janë bashkëkryerës në planifikimin e rrëmbimit të 14-vjeçares Vanja me qëllim kërkimin e një shpërblimi. Aleksandar Gjorçevski, babai i vajzës, akuzohej për ndihmë dhe inkurajim në kryerjen e një krimi duke dhënë informacione rreth rutinës së përditshme dhe lëvizjeve të vajzës së tij.

Advertisement