Dështim spektakolar i Frontit Evropian nën udhëheqjen e BDI-së për të mbrojtur Ligjin për përdorimin e gjuhëve. Qeveria e hoqi statusin juridik të Inspektoratit për gjuhët – dhe e realizoi thuajse pa pengesa. Kështu e nis statusin e tij në rrjetet sociale analisti politik, Sefer Selimi, ndërsa shkruan se kishte reagimim të zbehtë dhe qaraman të opozitës, reagim ky që sipas Selimit, vetëm sa e trimëron VMRO-në për të vazhduar me revizionizmin politik.

Statusi i plotë i analistit Sefer Selimi:

Dështim spektakolar i Frontit Evropian nën udhëheqjen e BDI-së për të mbrojtur Ligjin për përdorimin e gjuhëve. Qeveria e hoqi statusin juridik të Inspektoratit për gjuhët – dhe e realizoi thuajse pa pengesa.

“Bravo” për Qeverinë dhe posaçërisht për përfaqësuesit shqiptarë që do ta shesin si arritja e radhës.

Ndërkohë, reagimi i zbehtë dhe qaraman i opozitës vetëm sa e trimëron VMRO-në për të vazhduar me revizionizmin politik, me plot elan dhe me më shumë këmbëngulje.

Advertisement

Për ironi të fatit, në të njëjtën ditë kur qeveria njëetnike e drejtuar nga VMRO-DPMNE miratoi Propozim-Ligjin për Përfaqësim të Drejtë dhe Adekuat, institucionet shtetërore vazhduan të thellojnë diskriminimin dhe përjashtimin e qytetarëve shqiptarë nga administrata publike.

Nëpërmjet Agjencisë për Administratë, Fondi Pensional dhe Invalidor i Maqedonisë së Veriut shpalli konkurse për 23 vende pune, të gjitha të vendosura në rajonin lindor të vendit – zona ku nuk jetojnë shqiptarë. Kjo praktikë përjashtuese është shembulli më i qartë i asaj që nënkupton “përfaqësim i drejtë” në versionin e ligjit të Karakamishevës: 23 punësime për maqedonas, 0 për shqiptarë.

Po atë ditë, në Agjencinë për Ushqim dhe Veterinari, përmes një konkursi të brendshëm (nr. 02/2025, i publikuar më 04.04.2025), u avansuan tetë zyrtarë maqedonas dhe vetëm një shqiptar – edhe ky shembull konkret se si zbatohet “merita” në administratën e re.

Ndërkohë, në mbrëmje, kryeministri i VLEN-it Hristijan Mickoski, në një intervistë në TVM1, deklaroi se për një vit janë realizuar 10 deri në 12 mijë punësime të reja, duke e rritur numrin e të punësuarve në vend nga 690.000 në 702.000.

E pyesim publikisht liderin e VLEN-it, Izet Mexhiti: Nga këto 12 mijë punësime, sa janë shqiptarë? Apo ndoshta për këtë informacion duhet të kërkojë leje nga shefi i tij, Hristijan Mickoski?

Advertisement

Sipas dinamikës aktuale të konkurseve dhe avansimeve, është e qartë se numri i shqiptarëve të përfshirë nuk e kalon as shifrën katërshifrore, gjë që e bën edhe më të zymtë realitetin në të cilin ligji i shumëpropaganduar nuk është as simbolikisht funksional, e aq më pak efektiv.

Me këtë ritëm dhe me ligjin e Karakamishevës, shqiptarët po përshëndeten nga administrata shtetërore, duke u përjashtuar sistematikisht nga institucionet publike – një proces që e zhvesh përfaqësimin nga çdo kuptim real.

Prandaj, theksojmë edhe njëherë nevojën urgjente për një ligj të ri, gjithëpërfshirës dhe funksional, të hartuar me pjesëmarrje të vërtetë të përfaqësuesve shqiptarë, ekspertëve të komunitetit dhe institucioneve përkatëse. Mjaft më me makijazh politik dhe manipulime me emrin e barazisë!

Ky nuk është përfaqësim. Kjo është dorëzim. Dhe Aleanca për Shqiptarët nuk do të heshtë përballë kësaj padrejtësie.

Aleanca për Shqiptarët

Advertisement

Janë realizuar 11 projekte për 11 muaj në Klinikën e Sëmundjeve të Fëmijëve në Shkup, u tha në prezantimin e sotëm të aktiviteteve projektuese përfundimtare, në të cilën morën pjesë kryeministri Hristian Mickoski, ministri i Shëndetësisë Azir Aliu, drejtori i klinikës Rexhep Memedi dhe drejtori i FSSH Sasho Klekovski.

Drejtori Memedi sqaroi se bëhet fjalë për projekte të rëndësishme, prej të cilave një pjesë janë infrastrukturore dhe një pjesë janë furnizim i aparaturës bashkëkohore medicinale, me të cilat dukshëm do të avancohet cilësia e shërbimeve shëndetësore dhe do të përmirësohet kujdesi medicinal dhe pacientët më të vegjël.

“Këto projekte në fakt janë zgjidhje për shumë probleme dhe mangësi që i identifikuam në fillim të mandatit korrik – gusht të vitit të kaluar. Vlera totale e këtyre 11 projekteve të zbatuara është rreth 40 milionë denarë, nga të cilat 7,6 milionë denarë janë donacione të pajisjeve mjekësore”, informoi drejtori.

Ai shtoi se këto rezultate nuk do të ishin të mundshme pa mbështetjen e Qeverisë, Ministrisë së Shëndetësisë, Fondit të Shëndetësisë, Katedrën e Pediatrisë, ekipet mjekësore dhe ekipin e administratës si dhe donatorët e shumtë me zemër të madhe të cilët pozitivisht iu përgjigjën thirrjes që ta ndihmojnë Klinikën e Sëmundjeve të Fëmijëve.

“Vlerësoj se të gjithë ne kemi përgjegjësi që ta ruajmë dhe avancojmë këtë Klinikë, sepse bëhet fjalë për më të çmuarën që e kemi, ndërsa ai është shëndeti i fëmijëve tanë”, theksoi Memedi.

Advertisement

Kryeministri Mickoski shprehu kënaqësi nga projekti i realizuar dhe tha se patën takim me ministrin e shëndetësisë për projekte të ardhshme.