Ish-deputeti i PDSH-së, Bekim Fazliu, ka reaguar përmes një statusi në Facebook lidhur me miratimin e Ligjit për Përfaqësim të Drejtë dhe Adekuat nga Qeveria, duke kritikuar ashpër ish-qeverisjen e BDI-së për paaftësinë dhe mungesën e vullnetit politik për ta zgjidhur këtë çështje themelore për shqiptarët.

Fazliu shkruan se, megjithëse për 20 vjet BDI kishte në dorë gjithë pushtetin, përfshirë edhe kryeparlamentarin dhe kryeministrin e parë shqiptar, asnjëherë nuk e sollën një ligj të tillë. Ai thekson se tani kur ky ligj kalon nga një qeveri me shumë më pak pushtet, të njëjtët individë që heshtën për dy dekada, dalin kundër. “Tani, kur dikush tjetër, me shumë më pak pushtet, siç e pranoni ju, e kalon këtë ligj në Qeveri, ju nuk bëheni pjesë për ta përmirësuar. Përkundrazi, ngriheni dhe thoni: ‘Nuk kalon!’ Jo pse mendoni se ligji nuk është i mirë, por sepse ju nxjerr zbuluar. Sepse ky ligj ua kujton paaftësinë dhe heshtjen tuaj 20-vjeçare përballë një kërkese të drejtë të shqiptarëve”, shkruan Fazliu.

Ai sjell një krahasim të ashpër mes periudhës së qeverisjes së kaluar dhe asaj aktuale, duke thënë se më parë përmendeshin afera të montuara, burgje të mbushura me shqiptarë, kazino dhe korrupsion, ndërsa sot flitet për ligje të rëndësishme si ai për përfaqësimin e drejtë, përdorimin e gjuhës shqipe dhe përpjekjet për luftë kundër korrupsionit.

“Ka ndryshim të madh ndërmjet kazinos dhe korrupsionit që çojnë në shkatërrim, dhe Ligjit për Gjuhën Shqipe, afrimit me Kosovën, përfaqësimit të drejtë, që çojnë në zhvillim, dinjitet dhe një rrugë të drejtë”.

Në fund të reagimit, Fazliu pranon se ligji mund të ketë mangësi, por thekson se është një përpjekje e vlerësueshme pas dy dekadash heshtjeje. Ai u bën thirrje të gjithëve që të kontribuojnë për përmirësimin e tij, dhe jo të pengohet për arsye politike.
Statusin e përmbyll me një mesazh simbolik nga Arbën Xhaferi: “Më mirë një ligj sesa një post”.

Advertisement

jupço Palevski-Palço, Bore Videvski, Vlatko Keshishev dhe Velibor Manev janë dënuar me burgim të përjetshëm për rrëmbimin dhe vrasjen e Vanja Gjorçeskës. Babai i Vanjës, Aleksandar Gjorçevski, është liruar nga akuzat. Shpenzimet e tij gjyqësore do të mbulohen nga shteti.

“Secili prej të pandehurve dënohet individualisht me burgim të përjetshëm”, tha gjykatësi Ivica Stefanovski.

Ata u liruan gjithashtu nga akuzat për rrëmbimin e Pance Zhezhovskit.

“Të pandehurit Manev, Videvski, Keshishev, Palevski lirohen nga akuza se më 22 nëntor 2023 rreth orës 9 të mëngjesit në Veles, të pandehurit rrëmbyen Pançe Zhezhovskin me qëllim që ta detyronin të jepte diçka, përkatësisht një makinë. Prokurori publik nuk vërtetoi se ata e kryen krimin, përtej çdo dyshimi të arsyeshëm”, tha Stefanovski.

Katër të parët akuzoheshin se janë bashkëkryerës në planifikimin e rrëmbimit të 14-vjeçares Vanja me qëllim kërkimin e një shpërblimi. Aleksandar Gjorçevski, babai i vajzës, akuzohej për ndihmë dhe inkurajim në kryerjen e një krimi duke dhënë informacione rreth rutinës së përditshme dhe lëvizjeve të vajzës së tij.

Advertisement

Kryeministri i RMV-së, Hristijan Mickoski ka kërkuar një administratë publike të përgjegjëse dhe profesionale në mënyrë që kryhen reformat në vend.

“Pa një administratë publike të fuqishme, profesionale, përgjegjëse dhe të respektuar, nuk ka as shtet, as reforma, as demokraci të vërtetë. Urime festa për punën tuaj, për përkushtimin tuaj, për qëndrueshmërinë tuaj, ndonjëherë edhe në kushte të vështira dhe dekurajuese”, thotë Kryetari i Qeverisë së Republikës së Maqedonisë së Veriut, Hristijan Mickoski, në ngjarjen e sotme me rastin e Ditës Ndërkombëtare të Administratës Publike.

Mickoski theksoi se dita e sotme nuk është vetëm një formalitet, por një thirrje për reforma dhe, më në fund, kapërcim të sëmundjeve që prej shumë kohësh e gërryejnë administratën publike.

“Por dita e sotme nuk është vetëm një formalitet. Ajo është edhe një thirrje. Thirrje për një kthesë. Thirrje për reformë. Thirrje për t’i tejkaluar përfundimisht sëmundjet që prej shumë kohësh e gërryejnë administratën publike dhe për të cilat duhet të jemi të vetëdijshëm: partizimi, nepotizmi, joefikasiteti, klientelizmi”, tha Mickoski.

Mickoski shtoi se erdhi koha për ndryshim. Ndryshim të vërtetë.

Advertisement

“Po i ndërtojmë themelet e ndryshimeve. Për kohën tënde që po vjen. Për një kohë në të cilën dija dhe puna do të jenë më të rëndësishme se libreza partiake. Për një kohë në të cilën institucioni do t’i shërbejë qytetarit, e jo qytetari institucionit. Për një kohë në të cilën profesionalizmi do të jetë standard, e jo përjashtim. Për një kohë në të cilën nëpunësi do të jetë krenar që është pjesë e administratës publike, ndërsa qytetari do të dijë se do të marrë shërbim me respekt, në mënyrë efikase dhe digjitale”, tha Kryeministri.

Kryeministri Mickoski theksoi se gjatë vitit të kaluar ka filluar aksioni “Të gjithë së bashku për një administratë publike profesionale dhe cilësore”, i cili paraqet bazë për transparencë dhe shumë projekte të tjera.

“Në këto 12 muaj, nuk kemi premtuar – por kemi punuar. E kemi nisur aksionin “Të gjithë së bashku për një administratë publike profesionale dhe cilësore”, si bazë për një proces transparent dhe të qëndrueshëm të konsultimeve gjatë hartimit të ligjeve.