Në një kohë kur të rinjtë përballen me dilema të mëdha në zgjedhjen e së ardhmes së tyre profesionale, dhe kur shumë prej tyre e shohin emigrimin si zgjidhje, investimi në arsim nuk është luks është nevojë emergjente. Iniciativa e fundit e Qeverisë së RMV-së për të financuar me 50 milionë denarë 1.570 bursa për nxënësit në arsimin e mesëm dual, nuk është thjesht një masë ekonomike është një investim strategjik për të ardhmen, shkruan Zhurnal.

Zgjohen institucionet kthehet fokusi në vendin e duhur, investime në arsim –

Në fillim të vitit shkollor 2025/2026, nxënësit që do të regjistrohen në paralelet duale do të përfitojnë 3.500 denarë në muaj për nëntë muaj radhazi. Por më e rëndësishme se shifra është filozofia që qëndron pas kësaj mase: lidhja konkrete midis shkollës dhe tregut të punës. Përmes bashkëpunimit me 550 kompani vendore, arsimi i mesëm profesional nuk do të jetë më një “sistem paralel” i izoluar, por pjesë përbërëse e zhvillimit ekonomik të vendit.

Arsimi dual i cili kombinon orët teorike në shkollë me trajnimin praktik në kompani përfaqëson një nga modelet më të suksesshme të arsimit profesional në vendet me ekonomi të zhvilluar si Gjermania, Zvicra apo Austria. Zbatimi i tij në Maqedoninë e Veriut është një hap i guximshëm drejt reformës së thellë të sistemit arsimor, duke e shndërruar shkollën në një mjedis ku dija lidhet drejtpërdrejt me nevojat e tregut.

Ky model jo vetëm që e rrit shanset për punësim të të rinjve pas mbarimit të shkollës, por edhe i fuqizon ata si individë të pavarur ekonomikisht dhe të motivuar për të qëndruar në vend. Në këtë mënyrë, luftohet njëkohësisht edhe papunësia rinore, edhe braktisja e arsimit profesional, që shpesh shihet si zgjedhje e “dytë” në raport me gjimnazin apo universitetin.

Advertisement

Në komunikatën e Qeverisë thuhet me të drejtë: “Arsimi është shtylla më e rëndësishme e zhvillimit të Maqedonisë”. Dhe nëse kjo nuk do të mbetet vetëm një deklaratë, duhet që ky investim të mos jetë masë e vetme dhe afatshkurtër, por pjesë e një strategjie të qëndrueshme kombëtare, ku çdo nxënës që zgjedh rrugën e arsimit profesional të ndjehet i barabartë në mundësi dhe dinjitet me çdo nxënës tjetër.

Ky është momenti për të ndërtuar një sistem arsimor që nuk prodhon vetëm diploma, por kuadro të zotë, të përgatitur, të aftë të kontribuojnë në ekonomi, në komunitet dhe në demokracinë vendore.

Të investosh në arsim, do të thotë të investosh në shpresë –

Të rinjtë nuk janë thjesht pasqyra e së ardhmes ata janë forca lëvizëse e çdo të tashme që synon përparimin. Nëse një shtet dëshiron të ecë përpara, nuk ka rrugë tjetër përveçse të ndërtojë me kujdes themelin mbi të cilin rritet çdo brez, arsimin.

Të investosh në arsim do të thotë të japësh një mesazh të qartë se secili i ri, pavarësisht prejardhjes apo statusit, ka vend në ndërtimin e shoqërisë. Kur një sistem arsimor nuk mbështet vetëm njohuritë teorike, por edhe aftësitë praktike, kur i ndihmon të rinjtë të ndërtojnë rrugën e tyre drejt jetës së pavarur ai sistem bëhet motor i zhvillimit dhe i drejtësisë shoqërore.

Advertisement

Në këtë kontekst, paralelet duale nuk janë thjesht një alternativë e re, por një transformim thelbësor i mënyrës se si e kuptojmë shkollimin profesional. Ato ofrojnë mundësinë që mësimi të mos kufizohet brenda katër mureve të klasës, por të zgjerohet nëpër kompani, industri dhe fusha konkrete të punës aty ku formohen jo vetëm profesionistët, por edhe qytetarët aktivë dhe të përgjegjshëm.

Kur të rinjtë ndihen të vlerësuar, të përfshirë dhe të përgatitur për sfidat reale, ata nuk e kërkojnë më rrugën e emigrimit, por rrënjët e kontributit. Ata nuk shohin më të ardhmen jashtë, por e ndërtojnë brenda.

Në fund të ditës, ky nuk është vetëm një investim financiar. Është një investim në besimin që të rinjtë kanë tek shteti, në aftësinë e shoqërisë për të dëgjuar nevojat e tyre dhe për t’u përgjigjur me politika që sjellin dinjitet, jo varësi. Është një investim në shpresën kolektive, në një vend që nuk e sheh të ardhmen si rrezik për t’u shmangur, por si mundësi për t’u përqafuar së bashku. /Zhurnal.mk

Raporti nga mbikëqyrja për progres të punëve për akset e autostradës së Korridoreve 8 dhe 10D, që i ndërton konzorciumi “Behtel dhe Enka” për periudhën prej 1 deri më 30 prill të këtij viti tregon se kanë përfunduar 95 për qind e projektimeve për eksproprijim për aksin e autostradës Tetovë-Gostivar, 46 për qind për Gostivar-Bukojçan, ndërkaq 78 për qind për aksin Prilep-Manastir.

Sipas Raportit, të publikuar dje në ueb faqen e Ndërmarrjes Publike për Rrugë Shtetërore (NPRRSH), për aksin Bukojçan-Gostivar, janë realizuar 73 për qind e hulumtimeve gjeoteknike, ndërsa për aksin Prilep-Manastir 63 për qind.

Mbikëqyrja regjistroi përparim prej 60 për qind të punëve për specifikimin dhe projektimin e autostradës Tetovë-Gostivar, ndërsa 30 për qind për aksin Bukojçan-Gostivar, ndërkaq prej 49 për qind për aksin Prilep-Manastir.

Nga aktivitetet ndërtimore që po zhvillohen në tre akset (Tetovë-Gostivar, Gostivar-Bukojçan dhe Prilep-Manastir) janë punë tokësore në trasenë kryesore, sanim i lëshimeve, armim dhe betonim i urave, rregullim i regjimeve të përkohshme rrugore, po bëhen gërmime dhe po kryhet mbrojtja e shpateve. Të gjitha aktivitetet po zhvillohen me dinamikë të shtuar.

Kompanisë “Behtel dhe Enka” deri më tani i janë paguar gjithsej 301.088.222,79  euro. Në prill të këtij viti, sipas Raportit të mbikëqyrjes, ka pasur dy pagesa nga shteti përmes NPRRSH, prej 599.794.350 denarëve, më datë 22, dhe prej 524.972.228 denarëve më datë 30.

Advertisement

Për aktivitetet, kryesi përfshi në muajin prillin, ka angazhuar 1833 persona dhe 1082 makina ndërtimi.

Ndaj kompanisë “Behtel dhe Enka” për ndërtimin e autostradave të korridoreve 8 dhe 10d përfundimisht me vitin e kaluar janë pagur 261 milionë euro, ndërsa këtë vit, për atë dedikim në buxhetin e Ministrisë së Transportit janë paraparë 130 milionë euro. Është planifikuar të punohet tërësisht në tërë trasenë Tetovë-Gostivar në gjatësi prej 17 kilometrave, në Gostivar-Bukojçan përafërsisht 17 kilometra dhe Prilep-Manastir 25 kilometra.

Marrëveshja me “Behtel dhe Enka” në vlerë prej 1,3 miliardë eurove ishte arritur në mars të vitit 2023.

Shkruan Ilire Dauti nga Aleanca për Shqiptarët e Ziadin Selës.

Ka pyetje që duhet t’u përgjigjemi për të kuptuar: kush? çka?

Dalja e Arben Taravarit me grupin e vet nga Qeveria, pa e marrë gjithë VLEN-in me vete, ashtu siç i futi aty: e forcoi apo e dëmtoi përfaqësimin institucional të shqiptarëve në Qeveri?
Përgjigjja është e thjeshtë: e dëmtoi.
Pra, një herë hyri si humbës.
Tash, doli vetë, pa e marrë gjithë VLEN-in me vete, ashtu siç i mori kur hyri.

Për të qenë përgjigjja “i ndihmoi shqiptarët”, veprimet duhej të ishin:

Me komplet VLEN-in të dilte nga Qeveria, me fuqinë për të nxitur zgjedhje të parakohshme parlamentare;
Të vazhdonte të luftonte brenda Qeverisë për përfaqësimin e shqiptarëve.
Nuk e bëri as njërën, as tjetrën.
Pyetja tjetër: në Frontin Evropian, pse ka ardhur dhe kujt i shërben?!…

Advertisement

Konkluzë:
Dalja e Arben Taravarit, si një nga krijuesit kryesorë të VLEN-it, nga Qeveria, pa e marrë gjithë krijesën e tij me vete jashtë, nuk është vepër kombëtare, por tregtare, tani, në prag të zgjedhjeve lokale. Sepse që nga dita e parë në politikë, ai kurrë nuk ka qenë pa pushtet, sidomos pa pushtet lokal.

Arsyetim:
Nuk mundet t’i krijosh të gjitha parakushtet për bashkëpunimin me Mickoskin:
– fillimisht të përçashë Aleancën për Shqiptarët,
– të dalësh kandidat për president, që do ndihmosh kandidaten e VMRO-së për t’i maksimalizuar votat,
– ta votosh në raundin e dytë atë,
– t’i japësh dorën Mickoskit në Shkup për bashkëqeverisje ende pa mos e ditur rezultatin e zgjedhjeve, duke u thënë shqiptarëve: “Edhe po nuk na zgjodhët ju, na ka zgjedhur Mickoski”,
– të hysh në Qeveri si humbës duke votuar programin e VMRO-së “Makedonija povtorno tvoja”, dhe ta bësh program tëndin,
– të realizosh pikat kyçe të atij programi,
– të shkelësh jo vetëm votën e qytetarëve por edhe nënshkrimin tënd se nuk bëhesh pjesë e Qeverisë pa ndryshimet kushtetuese,
– të jesh mbrojtësi kryesor i veprimeve kundër shqiptarëve, ndaj çdo poshtërimi,
– të tallesh me përpjekjet e çdo shqiptari, politikani tjetër që don kombin dhe vihet në mbrojtje të tij, qoftë për gjuhën, qoftë për çdo të drejtë tjetër.
Pasi ti nënshkruan thirrjet publike me dhjetëra miliona euro në Shëndetësi, të dalësh dhe të thuash: “Mjaft ishte, unë dola.”

Më falni, por sorra mendtë nuk na ka pirë që të biem në këtë nivel, e shqiptarëve hiç më pak!

P.S. Nuk është personale. Është më shumë se aq, është borxh brezash, që askujt nuk i takon ta falë. As mua.

Advertisement