Lajme nga vendi
Në 30-vjetorin e Universitetit të Tetovës, Fakulteti i Arteve e hapi ekspozitën “30 Vjet Art”
Në kuadër të përvjetorit të 30-të të Universitetit të Tetovës, një sërë aktivitetesh dhe ngjarjesh festive janë organizuar për të shënuar këtë moment të rëndësishëm. Njëra prej këtyre ngjarjeve është edhe ekspozita grupore e mësimdhënësve të Artit Figurativ nga Fakulteti i Arteve, e cila u realizua, më 26 nëntor 2024, në galerinë “Çifte Hamam” në Shkup. Ky aktivitet është organizuar në përkujdesjen e kuratores Prof. Dr. Jëlldëz Asani dhe kritikut të artit Prof. Dr. Mixhait Pollozhani, si pjesë e pandashme e këtij jubileu të rëndësishëm për Universitetin e Tetovës.
Këtë event me prezencën e tij e nderoi Rektori i Universitetit të Tetovës, Prof. Dr. Jusuf Zejneli i cili i përshëndeti mësimdhënësit për këtë organizim madhështor për nder të 30-vjetorit të Universitetit të Tetovës. Ky jubile, në thelb, është një dëshmi e fuqishme e angazhimit të Universitetit për arsimin e lartë dhe një thirrje për të gjithë ata që janë pjesë e tij, për të vazhduar të punojnë me pasion dhe përkushtim, duke kontribuuar për një të ardhme akoma më të ndritur.
Fjalë rasti pati edhe njëri nga themeluesit e Fakultetit të Arteve, profesor Miftar Memeti i cili foli për sfidat dhe sukseset e Fakultetit ndër vite.
Po ashtu edhe profesor Mixhait Pollozhani duke u bazuar në vështrimin e përgatitur në parathënien e katalogut, shkurtimisht diskutoi mbi konceptet dhe idetë që qëndrojnë pas punimeve të realizuara për ekspozitën nën moton “30 Vjet Art dhe Art”
Ndërsa profesoresha e Historisë së artit, Jëlldëz Asani si kuratore dhe koordinatore e ekspozitës theksoi se ky event është një moment i veçantë, pasi për herë të parë janë bashkuar të gjithë artistët e artit figurativ të Fakultetit të Arteve të Universitetit të Tetovës në Galerinë Kombëtare të Maqedonisë – “Çifte Hamam”, edhe pse secili prej tyre ka pasur ekspozita individuale në galeri prestigjioze nëpër botë. Po ashtu ana tjetër e mirë e kësaj ekspozite lidhet me strukturën e pjesëmarrësve prej tre brezash artistësh, disa prej të cilëve janë themelues dhe ndërtues të këtij institucioni të shenjtë arsimor, kurse pjesën tjetër e përbëjnë krijues dhe mësimdhënës që gjatë këtyre 30 viteve të kaluara kanë dalë nga dyert e Universitetit të Tetovës.
Për ta prezantuar veten dhe Fakultetin në mënyrën më dinjitoze, mësimdhënësit vendosën që veprat të jenë në përputhje me karakterin stilistik dhe dorëshkrimin e tyre krijues. Veprat brenda mureve të galerisë “Çifte Hamam” reflektojnë një manifestim të jetës, përpjekjeve njerëzore dhe evolucionit të artit dhe krijimtarisë. Ekspozita është një rezultat i dinamizmit të krijimtarisë, pasioneve që lidhen me identitetin kulturor dhe artistik, dhe një thirrje për të reflektuar mbi vlerat që na bashkojnë.
Pra me këtë event, ne dëshirojmë të tregojmë se mësimdhënësit e Fakultetit të Arteve synojnë të arrijnë të njëjtat ideale si themeluesit tanë—të jemi një krenari e kombit. Prandaj, le të jetë kjo ekspozitë një shprehje e përkushtimit tonë për ruajtjen dhe promovimin e vlerave tona kulturore dhe kombëtare, si dhe një burim frymëzimi për brezat e rinj në zhvillimin e rrugëtimit të tyre artistik.
Në këtë ngjarje ishin të pranishëm Kryetari i Senatit të Universitetit të Tetovës Prof. Dr. Kenan Ferati, dekani i Fakultetit të Arteve, Prof. Ord. Senad Abduli, mësimdhënësit e Fakultetit të Arteve, si dhe artdashës dhe studentë të cilët i dhanë jehonë të madhe aktivitetit në fjalë.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
