Lajme nga vendi
Bajrami shpreson se në kohë të shkurtër do të zbulohen autorët e ngjarjes
Një nga automjetet e djegura në Kumanovë është pronë e prokurorit publik, Xhelal Bajrami, i cili në deklaratë për MIA-n theksoi se pret në kohë sa më të shkurtë të gjenden kryesi/t e ngjarjes. Automjeti privat është shkatërruar tërësisht. “Është paraqitur që kur ndodhi rasti, nga ana e fqinjëve, të cilët i falënderoj me këtë rast. Ka ardh njësia zjarrfikëse, pjesëtarë të policisë. është shuar zjarri, asgjë nuk mbeti nga automjeti. Pres dhe shpresoj se së shpejti do të gjenden kryesi apo kryesit e kësaj vepre. Automjeti është privat, i parkuar para oborrit të shtëpisë para derës hyrëse, nuk ka dëme të tjera, automjeti është djegur tërësisht dhe presë që sa më parë të zbulohen personi apo personat të cilët qëndrojnë prapa ngjarjes”, deklaroi Bajrami.
Paraprakisht PPRMV informoi se prokurori kujdestar publik nga Prokuroria themelore publike Kumanovë kreu kontrolle në lokacionet ku janë djegur dy automjete dhe një hapësirë afariste. “Janë ndërmarrë të gjitha veprimet dhe po hetohen shkaqet dhe motivet e mundshme për vënien e zjarreve. Janë mbledhur gjurmë nga vendi i ngjarjes të cilat do të jenë lëndë ekspertize, ndërkaq po bëhet kontrolli edhe i kamerave për video mbikëqyrje”, informuan sot nga Prokuroria publike.
Nga SPB Kumanovë informuan se në orën 03:20 në polici ka pasur paraqitje se është djegur objekti afarist në rrugën ’11 Tetori’, pronë e M.J. nga Kumanova. Gjithashtu, ka apsur paraqitje se janë djegur tre automjete udhëtimi në rrugët ‘Trst’, ‘Vardarska’ dhe ‘Nikolla Vapcarov’ në Kumanovë, dhe atë automjet i motorizuar ‘folksvagen pasat’ me targa të Kumanoë, pronë e XH.B., automjeti ‘audi’ me targa të Kumanovës, pronë e A.E. dhe automjeti tjetër ‘audi’ po ashtu me targa të Kumanovës, pronë e M.SH.”, kumtoi policia. Nga atje shtojnë se është kryer ekspertizë nga ana e SPB Kumanovë, është njoftuar edhe prokurori publik dhe po ndërmerren masat për ndriçim të rastit.
Paraprakisht, këshilltari i BDI-së në Këshillin e komunës së Kumanovës, Fitor Jakupi në rrjetet sociale publikoi foto nga objekti i djegur afarist, shtypshkronja e tij.koha.mk/
Lajme nga vendi
MSH: Po trajnohen specializantë dhe studentë të mjekësisë, po krijojmë kapacitete sipas kritereve të larta evropiane
Në kuadër të Qendrës së Simulimit Mjekësor trajnohen specializantë, studentë të mjekësisë, ekipe të urgjencës, personel nga kujdesi intensiv, gjinekologjia dhe neonatologjia, krijohen kapacitete që i përshtaten kritereve më të larta evropiane dhe ku përgatitja e stafit vjen nga një model strategjik , i vendosur për edukim dhe punë të vazhdueshme, thonë nga Ministria e Shëndetësisë.
Me 600 specializantë të rinj dhe mbi 1.250 punësime në institucionet shëndetësore gjatë 45 ditëve të fundit, projektojmë shëndetësinë sipas nevojave reale të qytetarëve.
Simulatorët në QSM janë të teknologjisë më të avancuar, në të cilët mund të simulohen pothuajse të gjitha dukuritë dhe gjendjet patologjike të njeriut. Është një mjedis ku dija shndërrohet në përvojë, e përvoja bëhet siguri për çdo jetë që varet nga sistemi shëndetësor.
“Krijojmë kapacitete që i përshtaten kritereve më të larta evropiane dhe ku përgatitja e stafit vjen nga një model strategjik , i vendosur për edukim dhe punë të vazhdueshme. Me 600 specializantë të rinj dhe mbi 1.250 punësime në institucionet shëndetësore gjatë 45 ditëve të fundit, projektojmë shëndetësinë sipas nevojave reale të qytetarëve. Qasja jonë është e qartë – investojmë te njerëzit”, thonë nga Ministria e Shëndetësisë nga ku theksojnë se ky vizion shndërrohet në praktikë përmes funksionimit të suksesshëm të Qendrës së Simulimit Mjekësor.
MPB ka njoftuar se më datë 15.08.2025, në ora 07:37, në SPB Shkup është raportuar se në një hotel në rajonin e Bit Pazarit është gjetur i vdekur A.Z. (44) nga Turqia. Nga ana e mjekut të Ndihmës së Shpejtë është konstatuar vdekja pa shenja të dukshme dhune. Është kryer ekspertizë në vendngjarje nga ekipi i SPB Shkup, ndërsa me urdhër të prokurorit publik trupi i të ndjerit është dërguar për obduksion.
Lajme nga vendi
I morri 1700 euro për ta kaluar patent shoferin në Tetovë, denoncohet për mashtrim një person nga Shkupi
MPB njofton se me datë 15.08.2025, në orën 09:30, në Sektorin e Punëve të Brendshme të Tetovës, një 19-vjeçar nga një fshat i Tetovës ka raportuar se ishte mashtruar për 1700 euro nga F.I. nga Shkupi, i cili i kishte premtuar se do ta ndihmonte të kalonte provimin e patentë shofeeit. Sipas raportimit, pasi i dha paratë, F.I. nuk ka pranuar të kontaktojë me të, pas së cilës ai e ka kuptuar se ishte mashtruar. Po merren masa për zbardhjen e rastit.
BE pas Samitit Tramp-Putin: Ukrainës i nevojiten garanci për sovranitetin dhe integritetin
MSH: Po trajnohen specializantë dhe studentë të mjekësisë, po krijojmë kapacitete sipas kritereve të larta evropiane
Turist turk gjendet i vdekur në një hotel në Shkup
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve