Connect with us

Lajme nga vendi

Çellopek, Inspektorati paralajmëron masë disiplinore ndaj arsimtarit

Published

1 year ago

on

Inspektorati Shtetëror i Arsimit paralajmëron masë disiplinore ndaj arsimtarit qw organizoi shfaqjen me rastin e 28 nëntorit në Shkollën Fillore “7 Marsi” në Çellopek.
“Ju njoftojmë se Inspektorati Shtetëror i Arsimit nuk do të shqiptojë dënim për mësimdhënësin, por me Aktvendim me urdhër do ta udhëzojë shkollën që të fillojë procedurë disiplinore ndaj mësimdhënësit që ka kryer aktivitete që nuk janë planifikuar në programin vjetor të punës së shkollës si dhe në planin e aktiviteteve jashtëshkollore të mësimdhënësit”, thonë nga Inspektorati Shtetëror i Arsimit.
Nga ana tjetwr Ministrja e Arsimit, Vesna Janevska tha se përgjegjësi do të bart mësimdhënësi që ka organizuar këtë aktivitet pasi paraprakisht të vihen në dijeni drejtuesit e shkollës dhe ato të Komunës.
“Raporti për mbikëqyrjen në Çollopek është kryer. Inspektorët kanë konstatuar parregullsi, për çka përgjegjësi do të mbajë njëra nga mësueset që ka qenë organizuese e manifestimit, për këtë do të informohen edhe drejtori edhe kryetari i Komunës që të veprojnë sipas ligjit, por ajo që sipas meje është më e rëndësishme është se në këtë shkollë, por edhe në disa të tjera ku kemi pasur raportime për parregullsi, ku sinqerisht nuk janë konstatuar parregullsi, por ka pasur një lloj revolte, ne do të zhvillojmë trajnime për bashkëjetesën, multikulturalizmin, multietnicitetin dhe për këtë do të kërkojmë mbështetje edhe nga OSBE-ja”, tha Janveska.
Edhe pse në paraqitjen e parë para mediave, drejtori i Shkollës Jasin Rekae mori përsipër organizimin e manifestimit, pas vizitës së inspektorëve ai ndryshoi qëndrimin, dhe në deklaratën e tij dhënë inspektorëve të arsimit, është distancuar nga ky manifestim me pretekstin se ai nuk ka ditur asgjë për pikën që përgatitej nga arsimtari. Reka sot përmes një sms porosie tha se ky manifestim as që ka qenë pjesë e programit vjetor të Shkollës.
“Është shfaqje fëmijësh dhe asgjë më tepër. Nuk ka pasur prapavijë as politike as përcjellje mesazhi ndarjeje apo lufte mos dashtë Zoti, thjeshtë ka qenë një shfaqje për fëmijë një manifestim apo shënim i datave historike të shqiptarëve që tradicionalisht festohet jo vetëm në shkollën tonë por në gjitha shkollat e vendit. Edhe ne si çdo vit e kemi festuar të njëjtën dhe asgjë më shumë, për të rikujtuar vlerat dhe traditat tona dhe luftën heroike të popullit shqiptar, asgjë më shumë”, tha Jasin Reka. Drejtor i Sh. F. “7 Marsi” Çellopek.
Në fokus të Inspektoratit Shtetëror të Arsimit ishte edhe Shkolla e mesme e mjekësisë në Tetovë, por sipas informatave nga ky Institucion, tek kjo shkollë dhe shkolla të tjera nuk janë konstatuar shkelje dhe nuk ka masa të ndërmarra./TV KOHA/
Related Topics:
Advertisement

Lajme nga vendi

NDOTET LUMI VARDAR, KOMUNA E GOSTIVARIT NIS HETIMET PËR ZBULIMIN E AUTORIT

Published

2 hours ago

on

April 4, 2026

By

Qytetarë të shqetësuar kanë alarmuar institucionet mëngjesin e sotëm, duke dërguar materiale fotografike që dëshmojnë për ndotje të lumit Vardar në territorin e Gostivarit.
Pas denoncimeve, Komuna e Gostivarit ka reaguar menjëherë, duke angazhuar shërbimet inspektuese për të verifikuar gjendjen në terren dhe për të identifikuar burimin e ndotjes.
Nga Komuna theksojnë se mbrojtja e lumit Vardar mbetet prioritet, duke e cilësuar atë si një nga pasuritë më të rëndësishme të përbashkëta dhe simbol të qytetit.
Autoritetet lokale paralajmërojnë masa të rrepta ndaj çdo subjekti apo individi që rezulton përgjegjës për ndotjen. “Nuk do të lejojmë degradimin e lumit nga papërgjegjësia e askujt. Çdo shkelje do të sanksionohet pa kompromis”, thuhet në reagimin zyrtar.
Inspektimet pritet të vijojnë edhe gjatë ditës, ndërsa rezultatet e para nga verifikimet në terren pritet të bëhen publike në vijim.
Continue Reading

Lajme nga vendi

Studentët kërkojnë mbështetje për protestën: Jurisprudenca edhe në shqip

Published

2 hours ago

on

April 4, 2026

By

Unionet e studentëve nga Universiteti i Tetovës, Universiteti “Nënë Tereza” dhe Universiteti i Evropës Juglindore kanë intensifikuar thirrjet për mbështetje ndaj protestës së paralajmëruar më 6 prill në ora 12:30 në Shkup.

Në një komunikatë publike, ata i janë drejtuar mediave, shoqërisë civile dhe aktivistëve, duke kërkuar përfshirje dhe mbështetje për kauzën e tyre. Studentët theksojnë se po përballen me padrejtësi të vazhdueshme, pasi nuk u lejohet dhënia e provimit të jurisprudencës në gjuhën shqipe, një të drejtë e garantuar me Kushtetutë dhe ligj.

Protesta do të nisë me një marsh nga Ura e Gurit në Shkup. Çështja ka tërhequr vëmendje të shtuar kohët e fundit, pasi 385 studentë shqiptarë nga tre universitetet kanë nënshkruar një peticion që kërkon organizimin e provimit të jurisprudencës edhe në gjuhën shqipe, në përputhje me të drejtat e tyre ligjore.

Continue Reading

Lajme nga vendi

Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027

Published

2 hours ago

on

April 4, 2026

By

Për pacientët onkologjikë për momentin mungon vetëm një ilaç – palbociklibi të cilin e përdorin 142 nga gjithsej 7000 paciente femra me kancer në gji.

Drejtori i Fondit për Sigurim Shëndetësore (FSSH), Sasho Klekovski deklaroi se ilaçi së shpejti do të jetë në dispozicion dhe se sasitë për vitin 2026 janë rritur për 50 për qind.

Në konferencën për shtyp në Klinikën për Radioterapi dhe Onkologji ku u shpallën rezultatet për rritjen e jetëgjatësisë së pacientëve me tre lloje kanceri, që është për shkak të terapisë efikase dhe një buxheti më të madh për trajtim, Klekovski tha se mungesa e palbociklibit është për shkak të faktit se në dhjetor 2025 u përballën me një nevojë dukshëm të shtuar për këtë ilaç (për 142 pacientë), ndërsa vitin e kaluar sasitë ishin planifikuar për 80 pacientë.

“Kur ka një numër dukshëm më të madh pacientësh se sa është planifikuar, nuk është e lehtë të plotësohen nevojat, kështu që buxheti për vitin 2026 do të rritet për 50 për qind për dy barna në këtë kategori, ku përveç këtij është edhe një ilaç tjetër. Presim që thirrja e re për barna të shpallet brenda dy javësh që do të mbulojë vitet 2026-2027”, tha Klekovski.

Së shpejti në Onkologji do të jenë të kapshëm edhe markerët- tumoralë që janë në mungesë, por Klekovski theksoi se kjo nuk është mungesë në të gjithë vendin dhe se pacientët mund të bëjnë markerë- tumoralë në spitale dhe laboratorë të tjerë.

Advertisement
Continue Reading

Më të lexuarat