Connect with us

Lajme nga vendi

VOLEJBOLL: FITOJNË UNIVERSITETI I TETOVËS DHE SHKËNDIJA

Published

on

Dy skuadrat tetovare në Ligën e parë të volejbollit vendor me fitoret kundër Rabotniçkit  dhe Vardarit  edhe zyrtarisht kanë  siguruar pjesëmarrje në fazën play off.

 Mbrëmë në Tetovë janë zhvilluara dy ndeshje të kampionatit vendor të volejbollit  në kategorinë e meshkujve.  Ekipi Universiteti i Tetovës  ka  zhvilluar ndeshjen e anuluar me Rabotniçkin, ndërsa Shkëndija ka zhvilluar ndeshjen e xhiros së 11-të me Vardarin  e Shkupit më çka kanë siguruar pjesëmarrjen në fazën e play off-it

Skuadra studentore Universiteti i Tetovës me një lojë të shkëlqyeshme shënoi fitore 3-1 në sete 25:14 21:25 25:22 dhe 25:21 kundër ekipit të Rabotniçkit. Në javën e  11-të është mysafire e liderit Strumica. Universiteti i Tetovës në 10  xhirot e  zhvilluara  të sezonit vjeshtor ka  7 fitore dhe  3 humbje.

 Nga ana tjetër ekipi i Shkëndijës pasi që shënoi 50 vjetorin e  themelimit mbrëmë në sallën sportive te gjimnazi i Tetovës në ndeshjen e parë të javës së 11-të mundi e me lojë rutinore mundi ekipin e Vardarit me rezultat maksimal 3-0 në sete 25:13, 25:20 dhe 25:19.  Për ekipin kuqezi ishte kjo fitorja e 9-të sezonale  kundrejt  2 disfatave dhe përforcon pozitën e vet në katër ekipet e para.

 Nndeshjet tjera të javës së 11-të takohen: Janta Volej – Rabotniçki,  UGD Shtipi – Susheva, Vesna Probishtip – Makedonija  Xhio dhe Boreci – Skopje

Advertisement

Liria e  Zherovjanit  është e lirë.

 Rezultatet e mbrëmshme

Shkëndija – Vardari 3-0 në sete  25:13, 25:20 dhe 25:19

Universiteti Tetovës – Rabotniçki 3:1 në sete 25:14 21:25 25:22 dhe 25:21

 Shaban Sinani / TV Koha

Advertisement

Lajme nga vendi

Brenda një muaji janë sekuestruar 734 metra kub dru në Maqedoni, janë regjistruar 147 raportime

Published

on

Në aksionet e intensifikuara të Policisë Pyjore, të kryera gjatë tetorit, kundër prerjes së paligjshme të drurëve, transportit dhe tregtisë së drurit me origjinë të paligjshme, u sekuestruan 734 metra kub dru dhe u ngritën 147 kallëzime për kundërvajtje dhe penale, njoftojnë nga Ministria e Bujqësisë.

Pjesa më e madhe e sasisë së sekuestruar përbëhet nga lisi dhe ahu, përkatësisht u sekuestruan 288 metra kub lisi dhe 274 metra kub ahu. Pjesa tjetër e drurit të sekuestruar përfshin 51 metra kub dru të përzier dhe 121 metra kub dru teknik (trunj).

Në kuadër të aksioneve kundër hajdutëve të drurit, Policia Pyjore sekuestroi përkohësisht 11 automjete mallrash dhe 15 automjete pasagjerësh, tetë traktorë, 13 rimorkio dhe 18 sharrë elektrike. Përveç kësaj, janë paraqitur 122 kallëzime për kundërvajtje në gjykatat kompetente dhe 25 kallëzime penale në Prokurorinë Themelore Publike.

“Individët fitojnë para nga vjedhja e drurit, ndërsa të gjithë qytetarët vuajnë dëmin. Prandaj, vazhdojmë me kontrolle të intensifikuara dhe do të veprojmë me vendosmëri kundër çdo aktiviteti të paligjshëm që shkatërron pyjet. Do të kërkojmë përgjegjësi si nga ata që presin ilegalisht ashtu edhe nga ata që e rishesin drurin. Pyjet janë një thesar i përbashkët dhe është detyrimi ynë t’i mbrojmë ato”, tha Ministri i Bujqësisë, Pylltarisë dhe Ekonomisë së Ujërave, Borçe Serafimovski.

Continue Reading

Lajme nga vendi

Mickoski akuzon BDI-në për nxitje të tensioneve

Published

on

Kryeministri Hristijan Mickoski drejtoi kritika të ashpra ndaj Bashkimit Demokratik për Integrim, duke e akuzuar këtë parti se po e politizon çështjen e provimit të Jurisprudencës. Ai tha se BDI, ndonëse ka qenë pjesë e pushtetit për rreth dy dekada dhe ka drejtuar disa herë institucione përgjegjëse për këtë fushë, nuk ka ndërmarrë hapa për zgjidhjen e problemit.

“Ndjej keqardhje që pas 20 viteve dhe disa ministrave të BDI-së, ata nuk kanë bërë asnjë hap në zgjidhjen e këtij problemi dhe tani me arrogancë mundohen të sulmojnë dikë që mundohet të ketë një përparim”, deklaroi Mickoski. Kryeministri shkoi edhe më tej, duke vlerësuar se retorika e BDI-së lidhur me këtë çështje mund të ndikojë negativisht në marrëdhëniet ndëretnike.

“Kjo është sjellje arrogante dhe shërben vetëm për ndezjen e tensioneve ndëretnike, diçka që më së paku na nevojitet si shtet. Kjo nuk është çështje etnike apo politike, kjo është çështje e sundimit të së drejtës”, theksoi ai.

Çështja e provimit të jurisprudencës në gjuhën shqipe vazhdon të mbetet e hapur, ndërsa propozimi i dërguar në Komisionin e Venecias nuk ofron mundësinë e zhvillimit të të gjithë provimit në shqip. Përndryshe, studentët shqiptarë kanë deklaruar se janë kundër propozimit të Qeverisë dhe kanë paralajmëruar protesta të tjera. (koha.mk)

Continue Reading

Lajme nga vendi

ADIL ADEMI NË KRYE TË POLICISË SË GOSTIVARIT, MERR MBËSHTETJE UNANIME NGA KËSHILLTARËT

Published

on

Adil Ademi është zgjedhur komandant i Stacionit Policor në Gostivar, me mbështetjen unanime të Këshillit Komunal. Vendimi është marrë në seancën e sotme, ku para këshilltarëve ishte paraqitur lista me tre kandidatë për këtë pozitë.
Ademi ishte emëruar në këtë detyrë nga Ministria e Punëve të Brendshme më 28 maj 2025, ndërsa me votimin e sotëm merr edhe mbështetjen zyrtare të Këshillit Komunal, në përputhje me procedurën e paraparë në Ligjin për Policinë.
Sipas nenit 24 të këtij ligji, zgjedhja e komandantit të stacionit policor bëhet nga Këshilli Komunal, i cili përzgjedh një nga kandidatët e propozuar nga ministri i Punëve të Brendshme.
Me këtë vendim, Adil Ademi vazhdon drejtimin e Stacionit Policor në Gostivar, tashmë me përkrahjen edhe të përfaqësuesve të zgjedhur të qytetarëve në Këshillin Komunal.
Komandanti i policisë kujdeset për sigurinë e qytetarëve, andaj me rëndësi të madhe është të zgjidhet një profesionist i dëshmuar i cili do të angazhohet për ruajtjen e rendit dhe qetësisë.

Continue Reading

Më të lexuarat