Në Euroligën e basketbollit në kategorinë e meshkujve janë  zhvilluar ndeshjet e raundit të 35-të të sezonit 2025/2026. Tabelën e kryesojnë Olimpiakosi dhe  Fenerbahçe me  nga 23 fitore e 12 humbje 

 Shtatë  fitore të  skuadrave   vendase  dhe  tre  të atyre mysafire është  epilogu i   ndeshjeve  të  raundit të 35-të në  Euroligën e  basketbollit  në kategorinë e meshkujve .

Baskonia ishte surpriza e madhe e javës së 35-të  pasi   para  tifozëve vendas  mundi  Real Madridin me rezultatin e  ngushtë 98-96 . Për  Baskomian  ishte  kjo  fitorja  e  18  sezonale, ndërsa  për  Realin ishte    disfata e  13  sezonale

Madridin  ishte fitorja e vendit të 18-të kundër vendit të 3-të në renditje, por jo vetëm kaq por i pengoi madrilenët të merrnin kreun pasi kryesuesit Fenerbahçe u mund nga Bajerni të mërkurën. Si rrjedhojë përfiton Olimpiakos, që fitoi ndaj Lionit dhe merr kreun në bashkëshoqërim me Fenerbahçen.  Fitore  surprizë  ka   shënuar edhe  skuadra gjermane  Bajerni ndaj kryesuesit ekipit Fenerbahçe  me rezultat  85-76. Tre skuadrat  që kanë regjistruar fitore në transfertë janë Olympiakosi,  Partizani  dhe Valencia, ndërsa në të gjitha  duelet tjera  fitues  dolën me meritë skuadrat  vendase.

Pas  kompletimit të raundit të 35-të renditjen e  kryesojnë Olimpiakosi  dhe  Fenerbahçe me  nga  23  fitore e  12  humbje  para  Real Madridit  dhe Valencias  që kanë nga 22 fitore e 13  humbje  ndërsa në pozitën e pestë dhe të  gjashtë  janë Hapoel Tel Aviv dhe Zalgiris Kaunas me nga 21 fitore e 14 disfata

Advertisement

 Rezultatet e Raundit të  35-të

 Baskonia  –  Real Madrid  98 – 96

Virtus Bologna  – Valencia   81 – 94

Lyon Villeurbanne – Olympiakos  74 – 82         

Maccabi Tel Aviv – Anadolu Efes 103 – 89

Advertisement

Paris – Milano 103 – 93

Crvena Zvezda  – Partizan 82 – 89        

Dubai – Monaco   101 – 91                    

Hapoel Tel-Aviv – Panathinaikos  92 – 88

Zalgiris Kaunas – Barcelona  83 – 71

Advertisement

SHABAN SINANI     TV KOHA

Kryetari i Federatës së Kik Boksit të Kosovës, Fatmir Makolli, nderohet me Medaljen Presidenciale të Meritave për kontributin në sport. Gjatë një prononcimi për Tv Koha, Makolli ka folur edhe për sfidat me të cilat përballet sporti i Kikboksit.

 Fatmir Makolli është nderuar me Medaljen Presidenciale të Meritave nga Presidentja e Kosovës, Vjosa Osmani, për kontributin e tij të jashtëzakonshëm në sportin e Republikës së Kosovës, veçanërisht në kick-box.

 Fatmir Makolli gjatë një prononcimi për Tv Koha tha se ky çmim e motivon edhe më shumë për të vazhduar punën në rritjen e nivelit të Kick-boxit në Kosovë.

‘’Për mua  kjo mirënjohje  ka qenë  një nderë i madh  që më është bë  dhe  punës time dhe  rrugës  time. Rrugëtimin tim që e kam  bë  në sport  kjo në fund u kurorëzua me këtë medalje  dhe besoj  që unë  kam  qenë shumë i nderuam  dhe  jam i priveligjuar që kam arrit  ta kem  këtë medalje  prej  presidentes. Gjithashtu  kisha  falënderua   shumë presidenten për këtë çmim  që ma ka nda  dhe besoj  që kjo tregon që unë 50 vite merrem me sport  dhe ia kam kushtua  sportit . Besoj  që kjo u kurorëza  në  fund  me këtë mirënjohje’ ’ deklaroi Fatmir  Makolli

 Duke marrë parasysh se sportet luftarake paraqesin sinonim të suksesit sportiv, sipas Makollit sfida kryesore mbetet që Kosova sa më denjësisht të prezantohet në arenën ndërkombëtare.

Advertisement

  ‘’Me të thënë të drejtën, tani ne nuk kemi shumë sfida, se dihet neve na përkrah  gjithmonë ministria e  sportit,  shteti, e kemi përkrahjen dhe besoj se në arenën ndërkombëtare ku e përfaqësojmë vendin  tonë, flamurin tonë dhe shtetin tonë, besoj se ka vend edhe me i pas  kushtet edhe më të mira. Besoj që në të ardhmen do t`i kenë sportistët tonë dhe  do të na përfaqësojnë sa ma denjësisht në arenën ndërkombëtare’’ tha  Fatmir Makolli

 Fatmir Makolli, ndër vite, ka dhënë një kontribut të jashtëzakonshëm në sportin e Republikës së Kosovës, fillimisht si garues, veçanërisht gjatë periudhës së gjeneratës së sakrificës në vitet ’90.

 Pas luftës, ai vazhdoi angazhimin e tij në sport si kryetar i Federatës së Kick-Box-it të Kosovës, detyrë të cilën e ushtron edhe sot.

Ajo që u paralajmërua me muaj të tërë, përfundimisht u bë realitet. Kompania “Panini” zyrtarisht lëshoi në shitje albumin më të madh në histori për Kampionatin Botëror, kushtuar Mundialit 2026 në SHBA, Kanada dhe Meksikë.

Pasi tashmë janë bërë zyrtarisht të njohura të gjitha përfaqësueset që do të marrin pjesë në Kampionatin Botëror, kompania Panini ka publikuar detaje për albumin e saj të ri të kartolinave. Ky pritet të jetë albumi më i madh në histori.

Panini e shoqëroi nisjen e shitjes edhe me një video promovuese ku shfaqen ikona të futbollit italian dhe botëror, si gjyqtari legjendar Pierluigi Collina dhe futbollisti Roberto Baggio.

Në video, ata u bëjnë thirrje koleksionistëve që është koha për të nisur mbledhjen e kartolinave.

Në mënyrë ironike, Italia – vendi nga vijnë këto figura të famshme – nuk do të jetë pjesë e albumit. Përfaqësuesja italiane nuk arriti të kualifikohet për Kampionatin Botëror pasi u mposht nga Bosnja dhe Hercegovina.

Advertisement

Albumi i ri do të ketë 112 faqe dhe hapësirë për plot 980 kartolina. Porositë janë hapur më 1 prill, ndërsa albumi do të dalë në shitje nga 1 maji.

Për krahasim, albumi i Kampionatit Botëror të fundit kishte 670 kartolina.

Por, ajo që I shqetëson më së shumti koleksionistët është çmimi. Me rritjen e numrit të pjesëmarrësve në 48 dhe numrit të përgjithshëm prej gati 1.000 kartolinave, matematika është bërë brutale.

Por, nëse “Panini” e ka tepruar me përmasat e albumit  dhe çmimet ose do të fitojë pasioni, do ta dëshmojë koha dhe xhepi i koleksionistëve të kartolinave të futbollistëve.

Ndërkohë, “gjuetia” për kartolinat dhe “duplikatet”, zyrtarisht mund të fillojë!

Advertisement