Lajme nga vendi
Mosnënshkrimi i dekretit nga Siljanovska, Jashari: Nuk ka bazë juridike
Vendimi i presidentes, Gordana Siljanovska Davkova, për të mos nënshkruar dekretin e Ligjit për mbrojtje të fëmijëve, ku ishin të parapara Licenca edhe në gjuhën shqipe, nuk ka bazë juridike.
Kështu vlerëson profesori universitar, Hasan Jashari, sipas të cilit, këto janë ngarkesa të cilat i dëmtojnë marrëdhëniet ndëretnike, shoqërinë, si dhe përparimin e vendit në përgjithësi.
Ndodhi të tilla të pakëndshme për qytetarët ndodhin edhe për shkak të paqartësive që janë lënë në Kushtetutë, ndërsa figura e presidentit nuk duhet të jetë ajo që nxit situata të pakëndshme dhe të padrejta.
“Edhe te Marrëveshja e Ohrit, edhe te Ligji për përdorimin e gjuhëve për 20%-in. Vetë Kushtetuta ka shumë paqartësi të cilat lënë hapësirë që ligjet të trajtohen në mënyra të ndryshme nga njëra palë dhe nga pala tjetër. Presidentja duhet t’i motivojë njerëzit, duhet t’i motivojë forcat politike që të zgjidhen problemet në mënyrën më të mirë, përkundrazi ajo tash e nxjerr një gurë në mes të rrugës, nxjerr pengesa, nxjerr vështirësi. Asaj i pengon dygjuhësia, asaj i pengon fakti se ne konsiderojmë gjuhën shqipe dhe Kushtetutën si zyrtare, ata asnjëherë nuk e kanë konsideruar si zyrtare. Këtu kemi të bëjmë me një lëvizje të kundërt. Njëra palë tërheq në njërën anë, tjetra tërheq në anën tjetër. Pra këto çështje duhet definitivisht të pastrohen njëherë e përgjithmonë.”, – deklaroi profesori universitar, Hasan Jashari.
Hasani vlerëson se qytetarët parimisht duhet të kursehen nga situate të tilla, të cilat kanë pasoja.
“Koalicionet duhet të jenë të përgatitur për kësi lloj sfidash, ngjarjesh dhe duhet t’i zgjidhin pa mbërritur te publiku, pasi që kur mbërrin te publiku ka rrjedhat dhe pasojat e veta. Shqetësohen njerëzit dhe i kthejnë marrëdhëniet shoqërore mbrapa, ne duhet të ecim përpara. Ne i shohim vendet fqinje që kanë ecur para, ndërsa ne kemi ngelur prapa. Ne përsëri kthehemi në situatën e para vitit 2001 dhe e gjithë kjo është një dështim.”, – theksoi profesori universitar, Hasan Jashari.
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve