Lajme nga vendi
Neni për intonimin e himnit nga projektligji për arsimin e mesëm mund të hiqet, thotë Janevska
Projektligji për arsimin e mesëm është në finalizim, tha në konferencën e sotme ministrja e Arsimit Vesna Janevska dhe pret që deri në fund të muajit të jetë gati dhe të kthehet në procedurë parlamentare, transmeton Portalb.mk.
“Jemi duke e finalizuar atë ligj. Gjithmonë mundet më mirë. Kemi disa nene që mendojmë se duhet t’i përsosim. Pres që ligji të jetë gati nga data 20 deri më 25 të këtij muaji dhe më pas do ta kthejmë në Kuvend”, tha ajo.
Ajo theksoi se me partnerët e koalicionit janë duke biseduar për dispozitën për intonimin e himnit kombëtar në shkolla, prandaj ky propozim ligj është tërhequr nga procedura parlamentare.
Ajo shtoi se si ministre përgjegjëse dhe si qeveri e përgjegjshme nuk do të lejojnë që politika të ndalojë proceset në arsim.
“Mendoj se nuk është gjë e madhe ta lëmë jashtë këtë nen, veçanërisht sepse në këtë vend askush nuk mund t’i ndalojë askujt të dëgjojë, të intonojë dhe të këndojë himnin e atyre që duan. Shpresoj që në kohë të ardhshme të gjithë do të ndihemi qytetarë të një vendi të vetëm. Dhe të gjithë do të respektojmë simbolet e shtetit tonë të përbashkët dhe se kjo nuk do të jetë problem”, thotë Janevska.
Javën e kaluar Janevska tha se qëllimi i projektligjit për arsimin e mesëm nuk ishte krijimi i tensioneve ndëretnike, por se partia BDI e përdori atë në mënyrën më të papërshtatshme për të futur problemet politike dhe etnike në ligjin për arsim.
“Ligji do të rikthehet edhe pa atë dispozitë nëse është e nevojshme. Por gjithsesi duhet të flasim edhe pak”, tha ministrja.
Projektligji për arsimin e mesëm ka kaluar në lexim të parë, por në seancën komisioni për fazën e dytë është tërhequr nga Kuvendi për shkak të amendamenteve të BDI-së, kundërshtimit të tyre ndaj njërës prej dispozitave që parashikon intonimin e himni kombëtar në shkolla. Më pas, ministria përkatëse e tërhoqi këtë projektligj, si propozuese e tij, me arsyetimin që politika të mos futet në arsim.
Në fund të vitit, Kuvendi miratoi pjesën tjetër të paketës së ligjeve në arsim, si Ligji për Arsimin dhe Aftësimin Profesional, për tekstet në arsimin fillor dhe të mesëm, për arsimin e të rriturve dhe Ligjin për Kornizën Kombëtare të Kualifikimeve.
Kujtojmë që nismë për intonimin e himnit shtetëror nëpër shkolla pati vjeshtën e vitit 2023, ku disa komuna të Shkupot të cilat drejtohen nga kryetarët e VMRO-DPMNE-së e cila ishte në opozitë aso kohe. Ky veprim u cilësua si veprim provokativ dhe me tendencë për nxitjen e raporteve mes bashkësive etnike. Ndërkaq në korrik të vitit 2024 Këshilli Komunal i Velesit vendosi që në vitin e ri shkollor 2024/25, çdo të hënë në turnin e parë dhe të dytë do të këndohet himni kombëtar i Maqedonisë së Veriut në fillim të mësimit në shkollat fillore.
Nga muaj mars në Tetovë pritet që transporti publik të jetë falas për qytetarët e Tetovës. Por për të marrë një kartelë për transport publik falas do të duhet paraprakisht ti kesh të paguara të gjitha borxhet ndaj komunës së Tetovës dhe ndërmarrjeve komunale.
“ Për qytetarët që kanë shlyer të gjithë obligimet ndaj komunës së Tetovës transporti publik do të jetë falas, mjaftojnë që ata të aplikojnë në teknik për ata dhe për anëtarët e familjes që jetojnë në të njëjtën adresë dhe pas aplikimit kartela merret personalisht në zyrat e ndërmarrjes në Tetova Transport dhe transporti publik do të jetë falas.”
Ndërsa Arlind Pajaziti i angazhuar nga komuna e Tetovës për IT thotë se do të ketë tra kartela, njëra do të jetë për qytetarët për transport falas, një për nxënësit dhe një për ata qytetarë që duan të mbushin kartelën për udhëtim.
Ky është një hap që e transformon transportin publik në një transport publik dhe digjital , ku do mundësohet qytetarëve disa mundësi dhe alternative për shfrytëzimin e transportit . Kjo është kartela digjitale për shfrytëzimin e transportit pa pagesë për të gjithë qytetarët e komunës së Tetovës të njëjtit mund të pajisen me këta kartela pas aplikimit në aplikacionin zyrtar të komunës së Tetovës.
Transporti publik flas nuk do të jetë për në Kodër të diellit, por qytetarët që do të kenë kartela do të kenë zbritje. Ndërsa Kasamipremtoi se do të sjellë edhe pesë autobusë të rinj elektrik dhe se do të ketë transport publik dhe për në komunat rurale dhe fshatrat e malësisë së Tetovës.
Lidhja e Sindikatave të Maqedonisë sot bllokoi Odat Ekonomike, duke kërkuar që të ulen në tavolinë me punëdhënësit dhe të dakordihen që paga minimale të jetë 600 euro.
Në këtë protestë dolën vetëm 40 njerëz, respektivisht 21 para selisë së Odës Ekonomike të RMV-së dhe Odës Ekonomike të Maqedonisë Veriperëndimore, që gjenden në ndërtesën e njëjtë në Qendër të Shkupit.
21 është minimum që sipas Ligjit për tubime publike nevojitet për të bllokuar rrugët, kurse Kryetari I LSM-së, Slobodan Trendafilov tha se kanë vendosur për këtë hap pasi ishte publikuar një xhirim I tij dhe fëmijëve se si shfrytëzojnë veturën zyrtare, ditën kur punëtorët bllokuan Kuvendin.
“Punëdhënësit duhet të kuptojnë se miqtë e tyre janë punëtorët, por mund të kenë edhe armiq. Pronarët e njëjtë, nuk lejpojnë organizimin sindikalist në pjesën më të madhe të sektorit privat. Dua të jap një mesazh për punëtorët. Vetëm 1 nga 10 kolegët tuaj, po lufton për pagat tuaja. Mund ta paramendoni se nëse nga 540.000 vetëm 100.000 dalin në rrugë”
LSM-ja javën e ardhshme do ta bllokojë edhe Qeverinë, kurse udhëheqësia e sindikatave paralajmëroi një protestë tjetër të madhe në ditë jopune me transport të organizuar me qëllim që t`u jepet shansi të gjithë punëtorëve të dalin në rrugë.
Data e protestës nuk u saktësua.
Pritjet e gjyqtarëve janë të njejta sikur edhe pritjet e qytetarëve ndaj Këshillit Gjyqësor, ndërsa kjo është të kemi një gjyqësor më efikas dhe më të pavarur. Qëllimi ynë i përbashkët, i këshillit Gjyqësor, së bashku me kolegët tjerë, do të përpiqemi të përmirësojmë gjendjet në gjyqësor dhe ta ngritim nivelin e besimit të qytetarëve ndaj gjyqësorit. Ky është qëllimi ynë, tha sot anëtari i ri i Këshillit Gjyqësor Sadulla Izairi, i cili dha deklaratë solemne para kryetarit të Kuvendit Afrim Gashi.
_L23BPNUIE/large.webp?use_watermark=1 "Deklaratë solemne e anëtarit të sapozgjedhur të Këshillit gjyqësor, Sadulla Izairi")
Izairi theksoi se është anëtar i ri i Këshillit Gjyqësor me propozim të gjyqtarëve dhe i falënderoi kolegët që votuan për të.
_lHAPRQjeQ/large.webp?use_watermark=1 "Deklaratë solemne e anëtarit të sapozgjedhur të Këshillit gjyqësor, Sadulla Izairi")
Në deklaratën solemne morën pjesë edhe sekretarja e përgjithshme e Kuvendit Marina Dimovska dhe kryetari i Këshillit Gjyqësor Aleksandar Kambovski, i cili ia uroi zgjedhjen Izairit, i falënderoi gjyqtarët që votuan për të, duke shtuar se e kanë bërë zgjedhjen e vërtetë.
_V985MFzjV/large.webp?use_watermark=1 "Deklaratë solemne e anëtarit të sapozgjedhur të Këshillit gjyqësor, Sadulla Izairi")
“Nuk jemi të kompletuar tërësisht. Na mungon edhe një anëtar, i cili duhet të zgjidhet nga Kuvendi. Jemi në pritje edhe të atij anëtari. Ne edhe tani funksionojmë, megjithatë kur të jemi në përbërje të plotë do të mund të funksionojmë ende më mirë. Në dritën e agjendave reformuese mendoj se Këshilli Gjyqësor paraprin nga të gjitha institucionet. Ajo që ishte si obligim, tashmë është bërë nga ana jonë dhe shpresojmë se do të arrijmë, jo vetëm ne por edhe gjithë vendi të lëvizë drejt atyre proceseve”, tha Kambovski.
TRANSPORTI PUBLIK FALAS NË TETOVË PËR ATA QË NUK KANË BORXHE NË KOMUNË
RRITJA E PAGAVE: LSM-ja “BLLOKOI” ODAT EKONOMIKE!
Sadulla Izairi bëri deklaratë solemne si anëtar i ri i Këshillit Gjyqësor
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
