Lajme nga vendi
VLEN përgatit ligj për UÇK-në/ Bexheti: Keqpërdorim për fushatë zgjedhore
Nuk ka afat konkret, megjithatë, para deputetëve në Kuvend, brenda këtij viti mund të jetë edhe ligji për ish ushtarët e Ushtrisë Çlirimtare Kombëtare dhe veteranët e saj.
Një gjë të tillë e paralajmëron deputeti i koalicionit VLEN, Rijad Shaqiri, i cili për Klan Maqedoni deklaron se janë dy verzione, njëri i përbashkët me “Branitellat” e tjetri ekskluziv për veteranët dhe ish ushtarët e UÇK-së.
Shaqiri ka njoftuar se drafti i ligjit veçmë ka filluar të përpunohet brenda koalicionit VLEN megjithatë për të njëjtin pritet që VLEN të flasë edhe me partnerët e koalicionit, VMRO-DPMNE dhe ZNAM.
“Është një draft version i ligjit të cilin jemi duke e punuar d.m.th, bashkasrisht me grupin parlamentar të koalicionit VLEN, iniciativa ka qenë e imja. Është ligji i cili është gjithë-përfshirës, i kemi shqyrtuar dy mundësi të këtij ligji, një ligj të përbashkët edhe me “Branitellat” ku do të inkorporohen edhe ish ushtarët e Ushtrisë Çlirimtare Kombëtare apo realisht, të dëmtuarit nga lufta e 2001-shit. Verzioni tjetër është version veçmas për ish ushtarët e UÇK-së. Nuk është diçka e re, por është në përpunim e sipër. Në atë ligj ngërthehen të drejtat e barabarta për të gjithë ata të cilët kanë qenë të involvuar në konfliktin e 2001-shit, sikur për forcat mbrojtëse ashtu edhe për ish ushtarët e UÇK-së dhe familjet e tyre” – tha Rijad Shaqiri, VLEN.
Për Blerim Bexhetin, përfaqësuesit e VLEN-it, janë shumë jo serioz. Sipas tij, koalicioni shqiptar brenda një periudhe ka premtuar, ligj për përfaqësim të drejtë, integrime në BE dhe shumë gjëra tjera, megjithatë nuk ka realizuar asgjë.
Shton se përfaqësuesit e VLEN-it nuk e thonë në mbrëmje atë që e thonë në mëngjes. Thotë se ky paralajmërim vjen për të marrë ndonjë votë më tepër në zgjedhje lokale, sepse deklaron se populli do ta dënojë VLEN-in.
“Ata deklaruan që nuk preket gjuha shqipe, procesi në gjykatën kushtetuese po vazhdon edhe më tutje me dinamikë që e dikton kryetari i Gjykatës Kushtetuese dhe iniciatorët, një ndër ta edhe VMRO-DPMNE-ja. Ata deklaruan se s`ka birë nane që e prek flamurin, u përdhos flamuri shqiptar. Ata shumë gjëra kanë deklaruar, unë i kuptoj, pasi që pyetët cili është opinioni, komenti se a do i mbështesim, nuk mund t’i mbështesim ne në këtë vazalitet ekstrem të skajshëm që kanë, sepse nuk do të mund të ikin nga ballafaqimi me popullatën, janë të vetëdijshëm që zgjedhjet lokale janë afër dhe gjithnjë, premtojnë për 3-4 muaj” – tha Blerim Bexheti, BDI.
Për draft ligjin e paralajmëruar nga VLEN, Klan Maqedoni, foli edhe me deputetin shqiptar të LSDM-së njëherit edhe zv. Koordinatorin e Grupit Parlamentar të LSDM-së, në Kuvend, Fatmir Bytiqin.
Ai tha se do të jetë i pari që do të mbështesë një propozim ligj të tillë, nëse i njëjti është zgjidhje e duhur. Thotë se LSDM-ja është e hapur për të zhbërë çdo të padrejtë që është bërë 20 vite më parë.
Mendoj se i takon partisë e cila ishte një ndër iniciatore e konfliktit, ajo është VMRO-DPMNE-ja që të del me një ligj të tillë, patjetër që do të jemë i pari që në mënyrë të hapur do të flas për përkrahje nëse zgjidhja është e drejtë për të gjithë. Nëse zgjidhja është parciale, mendoj se nuk kemi çfarë të flasim” – tha Fatmir Bytyqi, LSDM.
Kujtojmë për shkak të kërkesës për përfshirje të ish ushtarëve të UÇK-së në ligjin e “Branitellave” dhe bllokimit të ligjit të “Branitellave”, VMRO, ZNAM dhe “Levica” përmes interpelancës shkarkuan nga pozita e kryetares së komisionit parlamentar, deputeten Ilire Dauti.
Në mbështetje të Dautit dhe kërkesës për futjen e ish ushtarëve të UÇK-së në ligjin e lartë përmendur ka qenë edhe koalicioni VLEN.
Ambasadori i BE-së Michalis Rokas sot qëndroi në Komunën e Bogovinës, ku u njoftua nga afër me këshilltarët, kryetarin e këshillit dhe kryetarin e Komunës së Bogovinës, Feti Abazin. Ambasadori Rokas tha se është mëse i lumtur të gjendet në Komunën e Bogovinës dhe se kanë biseduar shumë tema me kryetarin e ri të Komunës të cilit i ka uruar edhe marrjen e postit si i pari i komunës. Rokas tha se ka paraparë edhe takime të shumëta me grupe të ndryshme të banorëve të Bogovinës me të cilët do të diskutojë edhe rëndësinë e integrimit të Maqedonisë së Veriut në Bashkimin Evropian, por edhe të shohë nga afër investimet që janë bërë me fondet e BE-së.
Deklarat – Michalis Rokas – Ambasador i BE-së në Maqedoni të Veriut
“Është shumë me rëndësi, që të takohemi dhe të angazhohemi me qytetarët. Sot gjatë ditës do të takohemi me qytetarët. Do të kem një debat me popullatën lokale këtu me vendasit. Për të pasur një takim shumë të hapur me integrimin e vendit në BE, për shkak se duam të potencojmë disa mesazhe shumë të rëndësishme, faktikisht kontributi që BE-ja e jep për vendin. Pastaj gjithashtu agjenda reformuese dhe reformat që burojnë nga kjo agjendë. Gjithashtu dëshira jonë si Bashkim Europian me qëllim që ta përshpejtojmë proçesin anëtarësimit të vendeve në BE dhe gjithashtu të sigurojmë se reformat e duhura do të implementohen së shpejti nga Maqedeonia e Veriut që sa më shpejtë e njëjta të bëhet pjesë e familjes tonë të madhe evropiane”.
Kryetari i Komunës së Bogovinës, Feti Abazi tha se ndihet i privilegjuar të jetë nikoqir i Ambasadorit të BE-së Michail Rokas, duke thënë se gjatë takimit nuk kanë munguar as bisedat për problmet dhe projektet konkrete të komunës me të cilën ai udhëheq.
Deklarat – Feti Abazi – Kryetar i Komunës së Bogovinës
Ambasadori i BE-së Michalis Rokas sot qëndroi gjatë gjithë ditës në Komunë të Bogovinës ku përveç takimeve zyrtare në hapësirat e Komunës ka zhvilluar edhe takime të tjera me grupe të ndryshme të qytetarëve.
Qytetarët e Maqedonisë së Veriut, menzi presin që vendi të anëtarësohet në familjen e madhe të Bashkimit Europian, duke shpresuar në rritje të standartit të jetësës, ekonomisë, sigurisë dhe drejtësisë.
Por krejt çka po marrin prap janë deklarata retorike për pëfitim të poenëve politik ditor! Qeveria e re erdhi me premtimin se do të plotësohet kushti i Komisionit Evropian, pra që ndryshimet kushtetuese do të ndodhin dhe se vendi do të hapëroj drejt BE-së por deri më tani nuk është lëvizur fare në këtë aspekt.
Qeveria e Maqedonisë së Veriut thotë se është pajtuar që ndryshimet kushtetuese të ndodhin, por kërkon garanca që nuk do të ketë kushtëzime tjera. Bullgaria siç duket nuk e ka me nxitim dhe nuk po e flet atë që Hristjan Mickoski dëshiron ta ndëgjojë! E kjo ka shkaktuar ngecje në integrimin e Maqedonisë!
Në pyetjen e Televizionit Koha, se çfarë tjetër mund të bëj Brukseli që të bind udhëheqësit e Maqedonisë së Veriut që të lëvizin përpara drejtë integrimit, Ambasadori i BE-së në RMV, Michail Rokas tha se të gjithë liderët e BE-së që kanë qenë këtu, kanë bërë apele, i kanë sguruar dhe u kanë ofruar mbështetje politikanëve të Maqedonisë për ndryshimet kushtetuese dhe plotësimin e kushteve të tjera. Ai shtoi se pozicioni i BE-së është i qartë, se duhet me patjetër të implementohen kërkesat e tyre, që janë ndryshimet kushtetuese, pa të cilat vendi nuk mund të ec përara.
“Liderët europian të cilët së fundmi e kanë vizituar vendin, ata kanë pasur një mesazh të përbashkët, dera është e hapur dhe Maqedonia e Veriut e ka vendin në familjen europiane. Pra ne jemi gati dhe u kemi ofruar mbështetje në çfarëdo ngritje të besimit, nevojat që të pasojnë, dhe çfarëdo do mase ose ideje që do të vijoj me qëllim që të hapim negociatat. Pozicioni i BE-së është shumë i qartë, daton që nga viti 2022, dhe angazhimin që shteti e ka marr duhet patjetër që të implementohet”
Nga ana tjetër, në mungesë të hapava konkret të krerëve të shtetit për sa i përket integrimit në BE, qytetarët po ndërmarrin masa vetë! Qindra qytetarë presin çdo ditë para ambasadave të vendeve europiane, duke shpresuar për jetë më të mirë jashtë Maqedonisë së Veriut. Vetëm në rajonin e Tetovës, pas përfundimit të gjysmëvjetorit të parë, 120 nxënës kërkuan fletshpërngulje nga shkollat fillore, për të bërë bashkimin familjar me prindërit e tyre që tashmë jetonin në mërgim. Ndërkaq, secilin vit kemi shumë e më shumë persona që migrojnë dhe shifrat janë frikshëm në rritje. Se a po bëhet qëllimisht ky ngërç i integrimit që të shtyejn qytetarët e sidmos shqiptarët drejt migrimit, mbetet që ta komentin ju shikues të nderuar!
Kryetari i LSM-së, Slobodan Trendafilov, ka drejtuar akuza të ashpra se po ndiqet. Jo vetëm ai personalisht por edhe fëmijtë e tij.
Sipas tij, Deputetja e VMRO-DPMNE-së, Dafina Stojanoska, ka publikuar në mënyrë të jashtëligjshme një video-xhirim ku shihen fëmijtë e tij të mitur.
Videoja shtë publikuar gjatë bllokimit të Kuvendit nga ana e LSM-së ku kërkohej rritja e pagave. Në videon që e ka shpërndarë Stojanoska shihet se si Trendafilovi dhe fëmijtë e tij, hyjnë në automjet.
Kreu I LSM-së ka kërkuar nga MPB-ja që të konstatojë se kush e ka bërë xhirimin dhe t`i merret imuniteti deputetes Stojanoska.
SLOBODAN TRENDAFILOV – LSM
“Pyes Ministrin e Brendshëm? A e ndjekin shërbimet Kryetarin e LSM-së dhe nëse ia xhirojnë fëmijët. A janë individë dhe nëse po menjëherë të arrestohen. I bëj thirrje Prokurorit Publik të dëshmojë se drejtësia është e njëjtë për të gjithë. Në një shtet normal deputetja do të ishte në burg”
Derisa për të enjten LSM-ja vazhdon protestat me bllokimin e Odës Ekonomike, VMRO-DPMNE-ja ka reaguar se protestat e LSM-së kanë dështuar duke I quajtur protesta me prapavijë politike.
Përmes një komunikate thonë se Trendafilovi rrejshëm paraqitet si viktimë duke rikujtuar se vetë ka pranuar se ka pagë prej 57.000 denarëve dhe automjet zyrtar.
ROKAS NË BOGOVINË, TAKON KËSHILLTARËT DHE KRYETARIN E KOMUNËS
SHUMË FJALË, PAK VEPRA – MAQEDONIA SA AFËR AQ LARG BE-së
TRENDAFILOV: PO NDIQEM – KEQPËRDOREN FËMIJTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
