Lajme nga vendi
Shpenzimet për familje me katër anëtarë në Maqedoni janë rritur për 391 denarë, thonë nga LSM
Shpenzimet minimale të një familjeje katëranëtarëshe në janar janë rritur për 391 denarë në krahasim me dhjetorin. Në pjesën e ushqimit dhe pijeve vërehet rritje prej 123 denarëve, tregojnë të dhënat e Lidhjes së Sindikatave të Maqedonisë e cila sot në konferencë për media i publikoi të dhënat më të reja për Shportën Minimale Sindikale dhe për atë nëse shporta e vitit të ri i ka dhënë efektet e dëshirueshme.
Kryetari i LSM-së, Sllobodan Trendafillov tha se për 12 muaj, gjegjësisht nga fillimi i vitit të kaluar deri më tani shpenzimet minimale në pjesën e ushqimit dhe pijeve janë rritur për 10,43 për qind që nënkupton se inflacioni nuk është 3,5 për qind siç tregojnë të dhënat statistikore, por mbi 10 për qind.
Vlera e shportës minimale sindikale për vetëm një vit është rritur për 6.089 denarë që nënkupton rritje për 10,63 për qind.
“Qytetarët në Maqedoni nuk mendojnë se ne jetojmë mirë dhe kemi paga shumë të mira, kështu që ne blejmë dhe në këtë mënyrë ushqejmë inflacionin dhe pagat për rritjen e inflacionit, por tregtarët janë të pangopur dhe pasurohen në kurrizin e punëtorëve duke shfrytëzuar çdo moment për t’u pasuruar më shumë. Madje dyshojmë se ajo që po premtojnë tani se do të ruajnë nivelin e çmimeve të produkteve bazë ushqimore në muajt e ardhshëm është mashtrim për të mos u ulur çmimet e produkteve që janë në rënie në bursat botërore”, theksoi Trendafilov.
Siç theksoi, informacionet flasin se çmimi i grurit në bursat botërore është ulur për rreth 13 për qind, ndërsa te ne çmimi i bukës është ulur vetëm për një denar dhe nuk ka ulje të çmimeve të miellit dhe produkteve të tjera.
“Vlerësojmë se është mirë që Qeveria siç filloi në fillim të shtatorit tua nxjerrë faturat për vlerën furnizuese të produkteve të cilat importohen dhe të tregojnë se me çfarë çmimi janë importuar produktet, ndërsa pastaj me çfarë çmimi i shesin”, tha Trendafillov.
Sipas LSM-së, pagat duhet të rriten për të paktën 20 për qind. Thonë se kërkesa e tyre për rritjen e pagave dhe të pagës minimale është më se e arsyetuar.
Nga LSM vlerësojnë se nevojiten edhe masa të tjera nga ana e Qeverisë, ndërsa në periudhën e ardhshme paralajmërojnë masa më rigoroze që të ngritët vetëdija te qytetarët për nevojën e respektimit të masave.
Kryeministri Mickoski qëndron për vizitë disaditëshe në Gjermani, ku merr pjesë në Konferencën e Sigurisë së Mynihut. Sic kumtoi Kabineti Qeveritar, Kryeministri do ta fiafirmojë përcaktimin e vendit për process korrekt e të parashikueshëm të integrimit në Bashkimin Evropian, pa kushtëzime plotësuese dypalëshe.
Në Konferencën e 62-të e Sigurisë së Mynihut, Kryeministri Mickoski, ditën e prë e nisi me një takim me përfaqësues të lartë të kompanisë “Schëarz”, një nga kompanitë më të mëdha në botë dhe një nga më të mëdhatë këtu në Gjermani, me të ardhura vjetore mbi 180 miliardë euro.
Kompania “Schvarz” punëson mbi 605.000 të punësuar dhe është e pranishme në më shumë se 30 vende të botës, ndër to është edhe Maqedonia.
Takimin e dytë, si vazhdim i atij në Davos, u zhvillua me pronarin e “4iG”, i cili tashmë është i pranishëm në Maqedoni si pronar i licencës për operatorin e tretë mobil.
Kryeministri Mickoski ishte pjesë e hapjes solemne të Konferencës së 62-të të Sigurisë së Mynihut, ku një fjalim të rëndësishëm mbajti kancelari gjerman Merz, ndërsa këtë pjesë të ditës e përfundojmë me një takim me Presidentin e Këshillit Evropian, Antonio Costa.
“Në takim biseduam për procesin e integrimit evropian të Maqedonisë dhe për atë që është e rëndësishme për qytetarët maqedonas, ai proces të mos bilateralizohet, të mos jetë poshtërues dhe të ruhet identiteti maqedonas si dhe prioritetet e qytetarëve maqedonas”
Në fund Kryeministri Mickoski ka uruar qytetarët, sic thotë, për lajmin e mirë që mbërriti në fillim të ditës nga SHBA-ja, nga Uashingtoni – deklarata e përbashkët e harmonizuar mes Qeverisë së Maqedonisë dhe Shtëpisë së Bardhë, e cila ka të bëjë me marrëveshjen për tregti që do të nënshkruhet më tej nga të dyja shtetet, një marrëveshje që, sic thuhet, mundëson ekonomi më të mirë dhe më shumë mundësi për kompanitë maqedonase.
Deputetë të Kuvendit të Republikës së Maqedonisë së Veriut kanë dorëzuar në procedurë parlamentare Propozim-Rezolutën për respektimin e standardeve të procesit të rregullt ligjor në gjykimin ndërkombëtar ndaj ish-krerëve të institucioneve të Republikës së Kosovës.
Kjo rezolutë mbështetet në parimet kushtetuese dhe në standardet ndërkombëtare të drejtësisë, duke riafirmuar përkushtimin ndaj shtetit të së drejtës, pavarësisë së gjyqësorit dhe respektimit të plotë të të drejtave themelore të njeriut, ashtu siç përcaktohen në Konventën Evropiane për të Drejtat e Njeriut, Paktin Ndërkombëtar për të Drejtat Civile dhe Politike dhe Deklaratën Universale për të Drejtat e Njeriut.
Deputetët nënshkrues, sikurse janë Ali Ahmeti, Talat Xhaferi, Skender Rexhepi, Rijad Shaqiri, Ilir Hasani e të tjerë, u bëjnë thirrje të gjithë deputetëve të Kuvendit, pa dallim përkatësie politike, që t’i bashkohen kësaj nisme dhe ta mbështesin Rezolutën me votë, në funksion të forcimit të parimeve universale të drejtësisë dhe respektimit konsekuent të standardeve ndërkombëtare për një proces të drejtë dhe të paanshëm.
REZOLUTA
Nëpërmjet kësaj nisme parlamentare kërkohet që proceset gjyqësore që po zhvillohen pranë Dhomave të Specializuara të Kosovës të zhvillohen në përputhje të plotë me standardet më të larta ndërkombëtare, duke garantuar prezumimin e pafajësisë, mbrojtjen efektive dhe gjykimin brenda një afati të arsyeshëm për të gjithë të akuzuarit.
Ndërkohë përmes një video-mesazhi, kreu I BDI-së, Ali Ahmeti, ka bërë thirrje që më 17 Shkurt, në ora 14.00 bashkërisht të marshohet në Prishtinë.
ALI AHMETI – KRYETAR I BDI-së
“Më 17 Shkurt organizohet marshi “Për Drejtësi, jo politikë”. Ju kish ftuar vëllezër e motra të gjithë së bashku të marshojmë në Sheshin Skënderbeu për pafajësinë e bashkëluftëtarëve për njerëzit që kontribuan për liri e pavarësi që sot ne e gëzojmë”
Kohë më parë edhe në Shkup u mbajt një protestë në mbështetje të ish-krerëve të UÇK-së, protestë e cila u përcoll me forca të shtuara policore dhe debate politike.
Deri në fund të muajit mars, Komuna e Zhelinës do të bëhet me pallat të kulturës. Kështu së paku thotë Kryetari i Komunës së Zhelinës, Blerim Sejdiu i cili njofton se faza e parë ka kushtuar 350 mijë euro dhe se njëjta është finansuar nga TAV Maqedoni. Ndërsa faza e dytë thuajse në të njëjtën shumë, është finansuar me mjete nga kredia hungareze përmes Ministrisë së Kulturës.
“Ndërtimi ka zgjatur tre vite, për arsye jo se është punuar në mënyrë permanente por sepse është përfunduar njëra fazë dhe është dashur që kohë që të gjejmë mjete për fazën e dytë. Tani jemi duke përfunduar, unë jam i gëzuar që jemi duke e përfunduar atë projekt sepse ka raste kur kanë ngecur me dekada projektet tjera por nuk është një rast i tillë tek ne. Projekti ka kushutar afërsisht 600 mijë euro”.
Me të përfunduar tërësisht, Komuna e Zhelinës do të bëj kërkesë në Ministri të Kulturës që pallati i kulturës në Komunë të Zhelinës të jetë i karakterit nacional e jo vetëm lokal, me çka do të siguroheshin fonde për mirëmbajte dhe funksionim të vazhdueshëm.
“Ideja dhe qëllimi jonë është që këtë pallat kulture ta shpallim me status nacional. Pra që të jetë pallat i kulturës nacional që të finansohet, që nënkuptohet të finansohet nga burimet e buxhetit shtetëror dhe jo nga Komuna. Me këtë ne të gjejmë resurse të vazhdueshme dhe të përhershme të mirëmbajtes dhe funksionimit të këtij pallati të kulturës”.
Përndryshe, në Komunë të Bogovinës, ka gati 10 vite që pallati i kulturës është filluar por ka mbetur vetëm në skelet, beton dhe hekur! Zv/kryeministri Bekim Sali ditë më parë tha se janë të gatshëm që të ndihmojnë kudo që paraqitet nevoja për zhvillim të kulturës sidomos në vende rurale. TV KOHA
MICKOSKI NË MYNIH: INTEGRIMI NË BE – PA KUSHTËZIME SHTESË! (VIDEO)
KUVEND: REZOLUTË PËR ISH-KRERËT E UÇK-së! (VIDEO)
PALLATI I KULTURËS NË ZHELINË DREJT PËRFUNDIMIT, SYNOHET STATUSI NACIONAL (VIDEO)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
