Lajme nga vendi
Limani: Kemi bërë punë të jashtëzakonshme në përmirësimin e infrastrukturës në Gostivar
Kryetari i Komunës së Gostivarit, Valbon Limani, në një intervistë për Telegrafin tha se kanë bërë punë të jashtëzakonshme përgjatë kësaj periudhe duke realizuar një numër të madh të projekteve konkrete përmes të cilave është synuar të përmisohet gjendja infrastrukturore e qytetit në Gostivar.
“Tani për këtë mandat kemi shfrytëzuar thirrjen e parë të qeverisë ku aplikuam me 13 projekte infrastrukture që të gjitha u pranuan. Jemi në pritje të thirrjes së dytë ku jemi në përgatitje e sipër të mbi 40 projekteve. Të cilat kanë të bëjnë me infrastrukturë rrugore, nëntokësore, kemi një pishinë shkollore, rikonstruim të një parku, terreneve sportive. Pra, kemi një laramani projektesh në të gjitha vendbanimet”, tha Valbon Limani, kryetari i Komunës së Gostivarit.
Ai shtoi se realizimi i këtyre projekteve për të është forcë shtytëse për të vazhduar tutje.
“Besojë që këto projekte dukshëm do të përmirësojnë infrastrukturën e qytetit në tërësi, dhe kjo sigurisht do të jetë forcë shtytëse për të vazhduar tutje”, përfundoi Limani.
Në lidhje me zgjedhjet lokale, Limani u shpreh se koalicioni VLEN ku Aleanca për Shqiptarët është pjesë e saj, do të korr fitore.
“Funksionimi i VLEN-it në nivel lokal në Gostivar ne jemi në kontakt të përditshëm, njihemi funksionon koalicioni shumë mirë. Nuk ka asnjë problem që kemi hasur. E njëjta shoh që funksionon edhe në komunat tjera por edhe në nivel qendror. VLEN-i do të vazhdojë ashtu siç ka filluar të punojë në interes të të gjithë qytetarëve, shqiptarëve, dhe kështu VLEN në zgjedhjet lokale besojë fuqishëm që do të arrije fitore bindëse në komunat shqiptare”, përfundoi Limani, tha Valbon Limani, kryetari i Komunës së Gostivarit.
Agjencia për Komunikime Elektronike ka vendosur që kompania “One Macedonia Telecommunications”, në pronësi të grupit hungarez 4iG, është ofertuesi më i favorshëm në tenderin për përzgjedhjen e operatorit të tretë mobil në vend. Me këtë vendim nis afati prej 10 ditësh për pagesën e kompensimit njëherësh prej mbi 8 milionë eurosh për tre brezat e frekuencave.
Pas pagesës, kompania mund të pajiset me leje dhe të nisë menjëherë aktivitetin, fillimisht përmes rrjeteve ekzistuese deri në ndërtimin e infrastrukturës së vet. Sipas kushteve, operatori i ri duhet të fillojë shërbimet deri në fund të vitit 2026 dhe gradualisht të sigurojë mbulim 5G në të gjitha qytetet deri në vitin 2030.
Nga AKE vlerësojnë se hyrja e operatorit të tretë do të rrisë konkurrencën dhe do të ndikojë në uljen e çmimeve të shërbimeve mobile.
Lajme nga vendi
Sonte Grupi i grave TEUTA nga Tetova është në FINALEN e MADHE të God Talent- Vision Plus VOTIMI FILLON NË ORA 21:00
Lajme nga vendi
Mungesë e tabelave të regjistrimit në Maqedoni – qytetarët përballen me vonesa, kosto shtesë dhe parregullsi
Prej më shumë se tre javësh, qytetarët në Maqedoninë e Veriut po përballen me mungesë serioze të tabelave të regjistrimit të automjeteve, problem që po shkakton vonesa të mëdha në regjistrimin e veturave dhe po hap rrugë për abuzime dhe pagesa më të shtrenjta.
Sipas ankesave të shumta të qytetarëve, Ministria e Punëve të Brendshme (MPB) nuk po lëshon tabela të reja të regjistrimit, ndërsa arsyeja zyrtare për këtë mungesë ende nuk është bërë publike. Qytetarët thonë se po presin me javë të tëra për t’i pajisur veturat e tyre me tabela, ndërkohë që disa janë detyruar të mos i përdorin fare automjetet.
Por problemi nuk përfundon vetëm me vonesat. Sipas burimeve nga terreni, disa qytetarë po detyrohen të paguajnë shuma më të larta se zakonisht, vetëm për t’i marrë sa më shpejt tabelat, për shkak të mungesës së madhe dhe kërkesës së lartë. Kjo situatë ka krijuar hapësirë për spekulime dhe dyshime për keqpërdorime.
Edhe më shqetësuese është fakti se disa qytetarëve, sipas dëshmive të tyre, u janë dhënë tabela katrore – formë e cila nuk lejohet sipas rregullave standarde për shumicën e automjeteve – dhe këto tabela po paguhen më shtrenjtë, duke u arsyetuar me “mungesën e madhe në treg”.
“Kam pritur mbi dy javë për tabela. Më thanë se nuk ka fare dhe nëse dua më shpejt, duhet të paguaj më shumë. Në fund më dhanë tabela katrore, edhe pse vetura ime nuk i përshtatet atij modeli,” thotë një qytetar për mediat.
Qytetarë të tjerë shprehen se po ndihen të diskriminuar dhe të detyruar të pranojnë kushte që nuk janë as të qarta e as të drejta. Ata kërkojnë sqarim urgjent nga institucionet për arsyen e mungesës, si dhe hetim për rastet kur tabelat po jepen me çmime më të larta ose në forma të palejuara.
Deri tani, MPB nuk ka dhënë një shpjegim të qartë publik për mungesën e tabelave: a bëhet fjalë për problem teknik, mungesë furnizimi, procedura tenderimi apo ndonjë arsye tjetër. Heshtja institucionale vetëm sa po rrit dyshimet dhe pakënaqësinë te qytetarët.
Ekspertë të komunikacionit theksojnë se tabelat e regjistrimit janë dokument zyrtar dhe nuk guxon të ketë improvizime, forma të palejuara apo çmime “alternative”, sepse kjo dëmton besimin në institucionet shtetërore dhe krijon terren për korrupsion.
Derisa institucionet të reagojnë, qytetarët vazhdojnë të mbeten peng i një problemi që nuk e kanë shkaktuar vetë, duke paguar më shumë, duke pritur më gjatë dhe duke u ndier të pasigurt në një proces që duhet të jetë i thjeshtë, i shpejtë dhe i drejtë për të gjithë.
“One Macedonia”, në pronësi të grupit hungarez 4iG, bëhet operatori i tretë mobil!
Sonte Grupi i grave TEUTA nga Tetova është në FINALEN e MADHE të God Talent- Vision Plus VOTIMI FILLON NË ORA 21:00
Mungesë e tabelave të regjistrimit në Maqedoni – qytetarët përballen me vonesa, kosto shtesë dhe parregullsi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
