Lajme nga vendi
Pse nuk guxon të formohet qeveri pa Vetëvendosjen?
Shkruan: Naser Selmani
Zgjedhjet në Kosovë përfunduan, rezultatet dihet, dilema është kush do të formojë qeverinë e re. Rezultati është i qartë si loti. Lëvizja Vetëvendosje fitoi me mbi 40 për qind të votave. Ajo ka thuajse dyfish më shumë vota se partia e dytë, PDK. Kosovarët folën qartë, qeverinë e re duhet ta drejtojë kryeministri aktual, Albin Kurti.
Ajo që Kurti nuk mori mbi 50 për qind të votave nuk tregon se ai ka humbur mbështetjen e kosovarëve. Përkundrazi dëshmon pjekurinë e kosovarëve, që kërkojnë ta testojnë Kurtin në një rrafsh tjetër, aftësinë për të formuar një qeveri koalicioni me bazë të gjerë sepse kështu e kërkojnë rrethanat politike në Kosovë, në rajon dhe në Evropë.
Prandaj Kurti duhet ta jetë i gatshëm për kompromise me PDK, të krijojë një qeveri të qëndrueshme me mbështetje të fuqishme në Parlament. Vetëm kështu qeveria e re mund të jetë e gatshme të përballojë sfidat e reja.
Priten reforma të brendshme që do të përmirësojnë jetën e kosovarëve dhe të menaxhojë me sukses bisedimet për normalizimi i raporteve me Serbinë.
Përveç kësaj, rajoni pritet të kalojë nëpër turbulenca të reja, sepse politika serbe do të përpiqet të shfrytëzojë raportet e ftohta mes administratës së presidentit Tramp dhe Bashkimit Evropian për luftën në Ukrainë, e cila detyrimisht do të ketë ndikim edhe mbi zhvillimet në vendet e Ballkanit perëndimor.
Realisht mund të pritet që presidenti serb Aleksandar Vuçiq, ta aktualizojë sërish idenë e Botës serbe, e cila nuk është asgjë tjetër përveç se ambalazhim ndryshe i idesë së Serbisë së Madhe duke dashur që problemet e brendshme me protestat e studentëve ti bartë në vendet fqinje.
Kosova nuk e ka luksin të formojë qeveri pa Kurtin e as Kurti nuk duhet të formojë qeveri pa mbështetje të fortë në Kuvend. Kurti duhet të mësojë të punojë bashkë me opozitën, ndërsa opozita të pranojë atë si faktor i pashmangshëm.
Të izolosh Kurtin, do të thotë të refuzosh realitetin dhe ti shkaktosh telashe vetes dhe Kosovës.
Kosovarët presin sjellje të përgjegjshme nga drejtuesit politik, të udhëhiqen prej interesat e vendit, e jo prej inateve personale.
Urojmë që opozita të tejkalojë tundimin, për pak pushtet, të rrezikojë shtetin.
Të mos përsërisin gabimin e mbretit Zog dhe Enver Hoxhës, të kërkojnë ndihmën e Beogradit për të eliminuar kundërshtarin politik sepse do të ju kushtojë shtrenjtë.
Këtë tradhti kurrë nuk do të ua falin shqiptarët!
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
