Lajme nga vendi

Kosova shtet i pavarur, sovran dhe demokratik, 17 Shkurti datë historike!

Published

2 years ago

February 17, 2025

Sot festohet Dita e Pavarësisë së Kosovës, ditë feste për të gjithë shqiptarët kudo që jetojnë. Pavarësia e Kosovës është vulë dhe vërtetim i sakrificës dhe durimit për liri dhe pavarësi. Populli i Kosovës është popull liridashës prandaj luftuan, rezistuan, dhe në fund e fituan lirinë e merituar. Kosova ka filluar nga zero dhe sot po feston 17 vjetorin me një lidership politik tejet të fuqishëm, të përgjegjshëm, dhe me gatishmëri të plotë për të mbrojtur çdo pëllëmbë të territorit të Kosovës. Kosova sot ka ushtri, ka qytetarë që punojnë, ekonomi progresive, arsim, shëndetësi, e kulturë në nivelin e duhur, shkruan Zhurnal.

Fakte për Pavarësinë e Kosovës –

Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë. Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.

Shpallja e Pavarësisë së Kosovës ishte bërë nga kryeministri i atëhershëm i Kosovës, Hashim Thaçi. Deklarata e Pavarësisë së Kosovës u miratua në mënyrë unanime prej 109 deputetësh të pranishëm në sallën e Kuvendit të Kosovës. 11 deputetë përfaqësues të pakicës serbe bojkotuan procedurën e votimit. 9 përfaqësues të pakicave tjera etnike ishin pjesë e kuorumit.

Versioni origjinal i papirusit të deklaratës është nënshkruar nga delegatët po atë ditë. Teksti i deklaratës në gjuhën shqipe është i vetmi tekst autentik. Shumica e shteteve anëtare të BE e kanë njohur Kosovën, por Qiproja, Greqia, Rumania, Sllovakia dhe Spanja vazhdojnë të mos e njohin.

Dizajnues i flamurit dhe i stemës së Kosovës është Muhamer Ibrahimi. Shtetet e para që njohën Kosovën si shtet pas shpalljes së pavarësisë ishin: Afganistani, Kosta Rika, SHBA, Franca, Shqipëria, Turqia, Britania e Madhe, etj.

Himni i Kosovës, i kompozuar nga kompozitori Mendi Mengjiçi, për herë të parë ishte intonuar në seancën e shpalljes së Pavarësisë së Kosovës. Yjet e bardhë në flamurin e Kosovës simbolizojnë komunitetet e ndryshme që jetojnë në Kosovë, harta e verdhë simbolizon pasurinë e Kosovës, ndërsa ngjyra e kaltër simbolizon Evropën.

116 nga 193 shtete anëtare të OKB-së kanë njohur formalisht Republikën e Kosovës dhe 3 shtete që nuk janë anëtare të OKB. 23 nga 28 shtetet e BE-së po ashtu e kanë njohur Kosovën. Njëzetekatër (24) anëtarë të NATO-s nga njëzetetetë (28) gjithsej e kanë njohur Kosovën.

Zvicra e njohur Pavarësinë e Kosovës më 27 Shkurt 2018. Shtetet që e kundërshtojnë Pavarësinë e Kosovës janë: Serbia, Rusia, Kina, Spanja, India, Gjeorgjia, Greqia, Brazili, Spanja, Qipro, Greqia, Rumania dhe Sllovakia. Parlamenti Evropian më 30 maj 2008, shpalli se e njeh Kosovën si shtet të pavarur. Ishte hera e parë që flamuri i Kosovës, u paraqit zyrtarisht në institucionet e Bashkimit Evropian.

Agjencia e Lajmeve Zhurnal uron Pavarësinë e Kosovës–

Prandaj, ne si Agjenci e Lajmeve kredibile në Maqedoninë e Veriut, urojmë 17 vjetorin e pavarësisë së Kosovës. Maqedonia e Veriut ashtu si çdo herë vazhdon ta përkrah dhe të qëndroj afër Kosovës në sfida, në festa e ditë zie, si dy shtete mike e aleate ashtu siç i ka hije. Kujtojmë që, RMV është ndër vendet e para që njohëm Kosovën, e me të njëjtën energji qëndrojmë akoma, edhe si qytetarë, por edhe nga aspekti institucional. Pa kurrfarë hamendje e lëkundje pavarësisht gjitha vështirësive dhe ndërmjetësimeve për të përkeqësuar marrdhëniet mes dyja shteteve.

Sot, Maqedonia e Veriut si vend anëtare e NATO-s, kontribuon me kontigjen ushtarësh në Kosovë në forcimin dhe ruajtjen e sigurisë, sepse gjendja stabile në Kosovë është shenjë e stabilitetit në tërë rajonin e Ballkanit Perëndimor.

Nuk duhet të harrojë që shumë shpejt bashkë me Kosovën ne do të kemi edhe dy pika kufitare ku do të futet në zbatim metoda “One stop shop”, gjë që dukshëm do të ndikojë në eliminimin e kolonave në pikat kufitare, që kohëve të fundit vërtetë janë bërë të mërzitshme dhe të bezdisshme.

Marrëdhëniet e mira dhe miqësore të bazuara në besimin reciprok në mes të dy vendeve tona janë kyçe për të trajtuar së bashku sfidat tjera rajonale. Si dy vende fqinjësore të lidhura ngushtë me njëra-tjetrën, në pikëpamje politike, sociale dhe kulturore, ku edhe më shumë na afrojnë dhe lidhin mes vete kontaktet e qytetarëve të të dy vendeve dhe lidhjet e tyre farefisnore mes vete. Vetëm të bashkuar dhe me partneritet të lartë do t’i arrijmë qëllimet tona të përbashkëta.

E në fund nuk ka se si mos ta falëndërojmë Qeverinë aktuale të udhëhequr nga Albin Kurti që ka bërë për veriun e vendit ma shumë se krejt qeveritë tjera së bashku. Këtë 17 vjetor Kosova po feston edhe pasi ka kaluar procesin më të rëndësishëm demokratik, zgjedhjet. Në formën më të mirë të mundshme filluan dhe përfunduan. Akoma janë në proces të numërimit të votave dhe përbërjes së qeverisë së re. Kosovën e priftë e mbara, qytetarët qofshin të lirë e të pavarur gjithmonë! /Zhurnal.mk

Lajme nga vendi

ZGJEDHJET NË SERBI – REAGIME NGA MAQEDONIA E VERIUT!

Published

6 hours ago

October 26, 2026

TetovaExpres

Presidentja e Maqedonisë së Veriut, Gordana Siljanovska-Davkova, ka uruar Listën Studentore për fitoren në zgjedhjet e parakohshme parlamentare në Serbi.
“Urime për rezultatin e zgjedhjeve në Serbi! Qytetarët serbë treguan pjekuri demokratike përmes transferimit paqësor të pushtetit politik”, shkroi Siljanovska-Davkova në platformën X.

Ministri i Punëve të Jashtme dhe Tregtisë së Jashtme, Timço Mucunski, uroi qytetarët e Serbisë fqinje për zgjedhjet e zhvilluara parlamentare, ndërsa Listës Studentore i dëshiroi sukses për rezultatin e arritur.

Në një postim në platformën “X”, Mucunski theksoi se Maqedonia e Veriut mbetet e përkushtuar për thellimin e mëtejshëm të miqësisë dhe marrëdhënieve të fqinjësisë së mirë me Serbinë.

VLEN përmes një komunikate ka uruar Koalicionin Shqiptar për rezultatin e arritur teksa ka përshëndetur edhe ndryshimin politik në Serbi.

Presim që qeveria e re të formohet sa më shpejt, të respektojë të drejtat e shqiptarëve të Luginës dhe t’i japë fund diskriminimit sistematik, përfshirë pasivizimin e adresave. Shpresojmë që qeveria e re e Serbisë të gjejë forcën dhe vullnetin politik për dialog e bashkëpunim me Republikën e Kosovës. Një dialog mes të barabartëve, që duhet të kulmojë me njohjen reciproke mes dy shteteve të pavarura.

Përmes rrjeteve sociale rezultati I zgjedhjeve është komentuar edhe nga liderë partiak dhe parti politike.

Urime qytetarëve të Serbisë për fitoren e madhe historike! – shkroi kreu i LSDM-së, Venko Filipçe.

“Ashtu siç paralajmëruam, në vijim vjen çlirimi nga strukturat kriminale të pushtetit. Ra Orbani. Ra Vuçiqi. Të gjithë e dimë se kush është i radhës. Pres që Serbia dhe Maqedonia e Veriut të ndërtojnë marrëdhëniet më të mira të mundshme, të bazuara në respektin e ndërsjellë dhe bashkëpunimin. Qytetarëve të Maqedonisë së Veriut u them se na pret një betejë aspak e lehtë, sepse po luftojmë kundër pjesës së mbetur të kësaj grupi kriminal ballkanik” – shkruan Filipçe.

Por, nga ana tjetër, krahu i LSDM-së që kërkon dorëheqje të Filipçes, pas zgjedhjeve në Serbi, ka bërë thirrje për bashkimin e opozitës.

Nuk kanë munguar postimet nëpër rrjetet sociale edhe nga eksponent të BDI-së.

“Fillimisht Orbani, tani Vuçiqi. Kremlini ka humbur papritur dy nga aleatët e tij kryesorë në Evropë… P.S Vuçiqi paska fituar në Maqedoninë e Veriut” – ka shkruar Bujar Osmani në Facebook./Tv Koha/

Lajme nga vendi

NGA E ENJTJA LETËRNJOFTIMI DHE PATENT SHOFERI EDHE NË CELULAR!

Published

7 hours ago

October 26, 2026

TetovaExpres

Nga e enjtja, qytetarët do të mund t’i përdorin letërnjoftimet dhe patentë shoferët përmes telefonit mobil, me fillimin e zbatimit zyrtar të portofolit elektronik. Aplikacioni do të promovohet të mërkurën, më 28 tetor.

Ministri i Transformimit Digjital, Stefan Andonovski, sqaroi se aplikacioni është i sigurt dhe u mundëson përdoruesve të zgjedhin vetë se cilat të dhëna personale dëshirojnë të ndajnë.

Gjatë identifikimit në bankë, bar apo në ndonjë lokal tjetër, qytetarët nuk do të kenë nevojë t’i zbulojnë të gjitha të dhënat që përmbajnë dokumentet e tyre.

Në vend të kësaj, ata do të mund të ndajnë vetëm informacione të caktuara përmes një kodi QR për përdorim të vetëm.

Kodi mund të skanohet, ndërsa të dhënat do të jenë të qasshme vetëm me lejen e përdoruesit. Pas 10 deri në 15 sekondash, kodi skadon dhe nuk mund të përdoret përsëri.

Andonovski theksoi se kjo është faza e parë drejt krijimit të një portofoli digjital evropian, i cili synon të mundësojë digjitalizimin e plotë të dokumenteve.

Ai shpreson se me zhvillimin e mëtejshëm të aplikacionit do të shtohen shërbime, mundësi dhe dokumente të reja për qytetarët.

Ministri i bëri këto deklarata para fillimit të panel-diskutimit me temë „Parakushtet dhe sfidat për digjitalizimin e përshpejtuar të sektorit privat“.

Lajme nga vendi

Kronika e zezë – Tetovë dhe Gostivar, 22 Tetor

Published

3 days ago

October 23, 2026

TetovaExpres

Dje, zyrtarë policorë nga Sektori për Polici Kriminalistike pranë SPB Tetovë dhe nga ekipi mobil “Task Force”, në koordinim me përfaqësues të Inspektoratit Shtetëror të Tregut dhe Drejtorisë së të Ardhurave Publike, kanë realizuar kontroll aksional në një objekt hotelerie në Qendrën Tregtare të Qytetit në Tetovë.
Me këtë rast, para objektit është zënë një 48-vjeçar nga Tetova dhe gjatë kontrollit tek ai është gjetur një substancë e bardhë pluhur, pas çka është privuar nga liria.
Ndërsa, brenda në objekt, te pronari 54-vjeçar nga fshati Trebosh janë gjetur 15 paketime me substancë të bardhë pluhur, pas çka edhe ai është privuar nga liria.
Të dy janë ndaluar në stacionin policor dhe pas dokumentimit të plotë të rasteve, ndaj tyre do të vijojë parashtresë përkatëse.
…….
Dje në orën 12:00 në Stacionin Policor Gostivar, nga Ndihma e Shpejtë Mjekësore Gostivar është denoncuar se te ata është sjellë një 15-vjeçar nga Gostivari pa shenja jete. Sipas denoncimit, në shtëpinë e tij në Gostivar ai kishte rrëshqitur dhe ka rënë shkallëve, ndërsa pasi është pranuar në spital, pas reanimimit të kryer ka shfaqur shenja jete dhe me automjet të Ndihmës së Shpejtë Mjekësore Gostivar është transferuar në Kompleksin e Klinikave “Nënë Tereza” në Shkup, ku i janë konstatuar lëndime të rënda trupore. Është njoftuar prokurori publik, është kryer këqyrje në vendngjarje dhe po merren masa për zbardhjen e ngjarjes.
…….
Dje në orën 19:10 në Stacionin Policor Tetovë, një 38-vjeçar nga Tetova ka denoncuar se rreth orës 18:30 në rrugën “Todor Cipovski Merxhan”, djali i saj 11-vjeçar është sulmuar fizikisht nga një i mitur tjetër. Po merren masa për zbardhjen e rastit.
……
Dje në orën 22:30 në Hanet e Mavrovës, zyrtarë policorë nga Stacioni Policor Mavrovë kanë privuar nga liria një 22-vjeçar nga Shkupi. Gjatë një kontrolli në trafik është ndaluar automjeti i udhëtarëve “Volksëagen Golf” me targa të Shkupit, të cilin e drejtonte ai, me ç’rast është konstatuar se e drejtonte pa pasur leje drejtimi. Automjeti është konfiskuar dhe pas dokumentimit të plotë të rastit do të vijojë parashtresë përkatëse.
……..
Dje në orën 20:00 në Stacionin Policor Gostivar, një 71-vjeçar nga Gostivari ka denoncuar se rreth orës 18:30 te Stacioni i Autobusëve në Gostivar, derisa po kryente detyrat e punës si taksist, është sulmuar fizikisht nga një person. Po merren masa për zbardhjen e rastit.
…….
Dje në orën 13:25, zyrtarë policorë nga Stacioni Policor Gostivar kanë privuar nga liria një 29-vjeçar nga Gostivari, i cili ditën e mëparshme është denoncuar nga nëna e tij 53-vjeçare se në disa raste e ka kërcënuar. Pas dokumentimit të plotë të rastit, ndaj tij do të parashtrohet kallëzim përkatës.
……
Pas mesnate në orën 02:00 në SPB Tetovë është denoncuar se ka shpërthyer zjarr në një arë në fshatin Sellarcë e Epërme. Zyrtarë policorë nga Stacioni Policor Zherovjan kanë dalë në vendngjarje dhe kanë konstatuar se është djegur kashtë, e cila ishte grumbulluar në disa pirgje. Ekipi i Njësisë Territoriale Kundër Zjarrit e ka shuajtur zjarrin, ndërsa persona të lënduar nuk ka. Këqyrja e vendngjarjes është kryer nga ekipi i SPB Tetovë.