Sport
LIGA E PARË: FITOJNË SHKËNDIJA, GOSTIVARI, SHKUPI E VOSKA…
Tre fitore të vendasve, dy barazime dhe një fitore e ekipit mysafirë me gjithësejtë10 gola të shënuar është epilogu i javës së 19-të në ligën e parë të futbollit vendor. Tabelën e kryeson Shkëndija e vetmuar me 40 pikë.
Shkëndija me fitoren kundër Vardarit në arenën “Todor Proeski” në Shkup me rezultatin 2-1, ngjitet në pozitën e parë në renditjen e tabelës e vetmuar me 40 pikë. Autor të golave për kuqezinjtë ishin Besart Ibraimi dhe Tamba, ndërsa golin e nderit për ekipin e Vardarit e realizoi Zakariq nga penaltia. Për Besart Ibraimi ishte ky goli i 150 për Shkëndijën dhe i 15-ti kundër Vardarit, ndërsa për Tamba ishte ky goli debutues në fanellën kuqezi. Trajneri i kuqezinjve Jeton Beqiri ka lavdëruar ekipin për karakterin e treguar dhe fitoren e arritur ndaj Vardarit, mirëpo ka porositur skuadrën se loja detyrimisht kërkon përmirësim.
“I kënaqur si shkoi ndeshja dhe i kënaqur me rezultatin patjetër, për shkak se ndeshjet e para gjithmonë janë të vështira, janë ndeshje me ngërç. Kishim shumë probleme për përgatitjen e ndeshjes para Vardarit shkaku i mungesës së videove nga ndeshjet e tyre, derisa ata gjithçka tonën e dinin. Ishte një pikëpyetje se me cilin formacion do të dalin dhe si do paraqiten?! Por, megjithate unë jam i kënaqur ke angazhimin e futbollistëve, por s’jam i kënaqur me lojën. Mendoj se Shkëndija duhet të luajë shumë më mirë,” deklaroi trajneri Jeton Beqiri
Në ndërsa për qasjen e futbollistëve gjatë lojës, shpërdorimin r e rasteve dhe penaltinë e përsëritur nga ana e arbitrit, trajneri Beqiri tha se epilogu i ndeshjes mund të vendosej pas rezultatin 1-0
“Të jem i sinqertë, ne kemi punuar mirë gjatë fazës përgatitore dhe qëndrojmë mirë fizikisht. Në pjesën e parë kishim një lloj ngërçi, nuk u paraqitëm mirë. Fola me futbollistët në pushim mes dy pjesëve dhe pastaj në vazhdim ishim më mirë. Besoj se mund ta mbyllnim ndeshjen pas 1:0 kur kishim rast të pastër dhe pastaj u ndëshkuam nga penaltia e përsëritur. Por unë dua të uroj futbollistët për karakterin e treguar dhe për dëshirën për fitore.” tha trajneri Beqiri
Në takimet tjera të javës së 19-të, Gostivari mundi Struga trim Lum 1-0 me një gol nga penaltia në minutën e 96-të që e realizoi Alper Potuk,, Shkupoi mundi Rabotniçkin 2-0, Voska doli fitues kundër ekipit Besa 2-0, ndërsa Sileksi barazoi me Tikveshin 1-1 ashtu si edhe Pelisteri që barazoi me AP brera 0-0. Pas ndeshjeve të djeshme tabelën e kryeson Shkëndija me 40 pikë, e ndjekur nga Gostivari dhe Sileksi që kanë nga 38 pikë.
Rezultatet:
Gostivari – Struga Trim Lum 1-0
Vardari – Shkëndija 1-2
Voska Sport – Besa e Dobërdollit 2-0
Shkupi – Rabotniçki, 2-0
Pelisteri – AP Brera 0-0
Sileksi – Tikveshi 1-1
Tabela: 1. Shkëndija 40 pikë, 2. Sileksi 38, 3.Gostivari 38, 4.Rabotniçki 37, 5.StrugaTrim Lum 32, 6.Shkupi 25, 7.Peliasteri 20, 8.AP Brera 20, 9.Tikveshi 19, 10.Voska Sport 15, 11. Besa 13, 12.Vardari 13 pikë
Në xhiron e 20 më 23.shkurt, takohen: AP Brera – Shkupi, Besa – Gostivari, Rabotniçki – Voska Sport, Shkëndija – Sileksi, Struga Trim Lum – Vardari dhe Tikveshi – Pelisteri
Në ndeshjet e tretë dhe të fundit kontrolluese në Slloveni, Shkëndija barazoi 1:1 përballë ekipit bullgar, CSKA Sofia. Ekipi sot është kthyer në Tetovë ku do të vazhdon me fazën përgatitore kthehet Krasniqi realizon super gol për kuqezinjtë.
Kampioni I Maqedonisë së Veriut , klubi futbollit Shkëndija në kuadër të përgatitjeve në Slloveni për pjesëmarrjen në eliminatoret në Ligën e Kampionëve, dje ka zhvilluar ndeshjen e tretë kontrolluese me skuadrën bullgare CSKA të Sofjes, ndeshje kjo e cila pas 90 minutave loje interesante dhe me raste nga të dyja palët përfundoi me barazim 1-1. Skuadra bullgare e para kaloi në epërsi me golin e Ivanov në minutën e 60-të, ndërsa Endrit Krasniqi barazoi në minutën e 84-të. Për skuadrën kuqezi ishte kjo kontrolluesja e tretë e zhvilluara në tokën sllovene ku ka një fitore kundër ekipit Argesh Piteshti të Rumanisë, një humbje 4-0 nga FC Kopër e Sllovenisë dhe barazimi i djeshëm 1-1 me ekipi bullgar CSKA të Sofjes. Trajneri Jeton Beqiri edhe në këtë ndeshje gjatë minutave në lojë inkuadroi pjesën më të madhe të futbollistëve që ka në diskonim. Skuadra e Shkëndijës menjëherë pas ndeshjes është nisur drejt Tetovës, duke përfunduar më herët qëndrimin për shkak të obligimeve logjistike për përgatitjen e ndeshjes së parë kualifikuese në Ligën e Kampionëve ndaj The New Saints në Uells.
Kampionati Botërorë i futbollit për klube vazhdon sipas orarait që kanë përcaktuar organizatorët, Në 1/8 e finales do të përballen Chelsea – Benfika dhe Flamengo- Bayern
Çellsi u kualifikua për në 1/8 e finales të Kupës së Botës për Klube , pasi mposhti Esperance de Tunis 3-0 në Lincoln Financial Field, duke regjistruar fitoren e pestë në gjashtë ndeshjet e fundit pa pësuar gol.
Në një ditë nxehtë në Filadelfia, ekipi i Enzo Marescas – pa Cole Palmer e Pedro Neto – pati vështirësi në fillim, por arriti të zhbllokon rezultatin së pari mme golin Tosin Adarabioyo në fund të pjesës së pare dhe me dy golat Liam Delap dhe Tyrique George në pjesën e dytë.
Nga ana tjetër ekipi portugez ka befasuar Bajern Munihun duke mundur me rezultatin 1-0, me një gol të vetëm që e ka realizuar Andreas Schjelderup. Ndeshja mes Los Anxhelos – Flamengo ka përfunduar me barazim 1-1, ashtu si edhe takimi mes Aukland Citi – Boka Junors që përfundoi me barazim 1-1
Në raundin tjetër përballen Chelsea – Benfika dhe Flamengo- Bayern
Me katër ndeshje para që u zhvilluan në para ditën e sotme zyrtarisht filloi Kampionati Ballkanik i Volejbollit në rërë që mbahet në sheshin ‘Ilirija ‘ në Tetovë
Me ndeshjen mes reprezentacionit të Turqisë dhe atij të Shqipërisë, sot në sheshin “Ilirija” në Tetovë filloi Kampionati Ballkanik i volejbollit në rërë, për kategoritë nën 22 vjeç, ku marrin pjesë ekipe nga gjashtë vende të rajonit si Shqipëria, Kosova, Rumunia, Moldavia, Turqia dhe vendi nikoqir Maqedonia e Veriut. Shqipëria në këtë kampionat prezantohet me ekip të re si në kategorinë e djemve ashtu edhe në at të vajzave që pritet të jenë e ardhmja e ardhmja e vendit. Këtë për televizionin Koha e deklaroi trajneri i reprezentacionit Emiljan Xhebrahimi pas ndeshjes ku pësuan disfatë kundër Turqisë
‘ Humbëm kundër një ekipi që është shumë më lartë se neve normalisht janë , Neve i kemi të dy grupmoshat shumë të ri po mendojmë për perspektivën , për të vazhduar më tej. E kemi nisur me këto që përherë të parë e përfaqësojnë Shqipërinë deh janë të gjithë nën 20 vjeç. Këtu janë të katërt përveç njërit që është pak më i madh, tre të tjerët janë nën 20 vjeç.. Duam të nisim një projekt me këtë grupmoshë , në Shqipëri kemi edhe dy grupmosha tjera që do mundohemi të vazhdojmë këtë punë, prandaj edhe rezultati ishte i atill ‘ deklaroi trajneri Emiljan Xhebrahimi
Sa i përket pritjes dhe përkrahjes nga tetovarët trajneri Xhebrahimi tha se kjo është kënaqësia më e madhe
‘Normalisht kjo ishte kënaqësia më e madhe, vijmë këtu si shqiptarë që të mblidhemi të gjithë së bashku këtu dhe të përfaqësojmë denjësisht duke parë që neve siç thash edhe më parë e kemi grupmoshën shumë të vogël në krahasim me ekipet e tjera ‘tha Xhebrahimi
Volejbollistja shqiptare Sonja Sulejmani tha se është e mahnitur nga mikpritja këtu në qytetin e Tetovës, ndërsa sa i përket garave tha se do të mundohen të paraqiten denjësisht .
‘ Jemi pritur shumë mirë sidomos se gjuha flitet shqip edhe këtu. Jemi ndjerë tamam si në shpinë tonë. Neve nuk kemi ardhur me një qëllim të caktuar, për të dal në vend të caktuar por sigurisht presim të përfaqësohemi denjësisht si çupat si çunat dhe pse jo të fitojmë ndeshjet‘ deklaro Sonja Sulejmani
Në ndeshjet e sotme të zhvilluara para dite u shënuan këto rezultate: Turqia – Shqipëria 2-0, Moldavia 2 – Rumunia 0-2, Moldavia 1- Maqedonia e Veriut 2-0 dhe Turqia 2 – Kosova 2-0
SHABAN SINANI – TV KOHA
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve