Lajme nga rajoni
Ky shtet ballkanik po ecën drejt pavarësisë energjetike do të ndërtojë autostradën e parë diellore
Kroacia, siç tregohet nga tenderi i shpallur së fundmi, do të ketë autostradën e saj të parë diellore.
Është shpallur tenderi për zgjidhje konceptuale për ndërtimin e centraleve diellore në katër lokacione përgjatë autostradës A3 nga Zagrebi deri në qarkun Vukovar-Srem. Projekti do të shtrihet në një sipërfaqe prej rreth 36 hektarësh, ndërsa projektuesit duhet të përgatisin tre modele të prodhimit të energjisë elektrike për secilën central diellor, së bashku me një zgjidhje konceptuale dhe një rekomandim për përfitueshmërinë e tij.
Pjesë e strategjisë kombëtare
Qëllimi i projektit është të reduktojë varësinë energjetike të kompanisë kroate të autostradave (HAC) duke kaluar në energji të pastër, në përputhje me objektivat e përcaktuara në Strategjinë Kombëtare të Zhvillimit të Republikës së Kroacisë deri në vitin 2030. Një pjesë e kësaj strategjie është gjithashtu zgjerimi i rrjetit të stacioneve të karikimit për automjetet elektrike, me synimin që brenda pesë viteve të ketë 259 stacione karikimi në një rrjet prej 1.100 kilometrash autostrada në të gjithë Kroacinë.
Kompania Hrvatske Autoceste (HAC) ka shpallur tenderin publik për përgatitjen e projekteve konceptuale të centraleve diellore në zonat e pushimit në Zagreb Plitvice, Restovica, si dhe në nyjet kryesore të Sredanci dhe Ivanja Reka. Tenderi është i hapur deri sot, ndërsa projektuesi i zgjedhur pritet ta përfundojë punën brenda tetë muajve.
Detajet e centraleve diellore
- Centrali diellor Plitvice do të ndërtohet në pjesën veriore të Zagrebit, me një sipërfaqe ndërtimi prej rreth 2,5 hektarësh.
- Centrali diellor Restovica do të vendoset në pjesën jugore të qarkut Vukovar-Srem, me një sipërfaqe prej 3,1 hektarësh.
- Centrali diellor Sredanci do të ndërtohet në dy parcela kadastrale në nyjen kryesore të Sredancit, në qarkun Brod-Posavina, me një hapësirë prej 11 hektarësh.
- Centrali diellor Ivanja Reka do të planifikohet në tre parcela kadastrale në qarkun e Zagrebit, me një sipërfaqe totale të ndërtimit prej 18 hektarësh.
Zgjidhja konceptuale për këto centrale diellore duhet të përfshijë disa variante për prodhimin e energjisë elektrike, përfshirë:
Prodhimin për nevojat e veta të HAC, me mundësinë e transmetimit të tepricës në rrjetin elektrik.
Prodhimin për furnizim të plotë të rrjetit elektrik.
Prodhimin me ruajtje të energjisë së tepërt në sisteme të baterive.
Bashkëpunimi me Bankën Evropiane të Investimeve
Projektuesit duhet të parashikojnë shfrytëzimin maksimal të hapësirave të caktuara për ndërtim dhe të krijojnë një dizajn konceptual të veçantë për secilën lokacion.
Përveç këtyre katër centraleve, HAC vitin e kaluar shpalli një plan për ndërtimin e edhe katër centraleve të tjera diellore, në kuadër të marrëveshjes së bashkëpunimit me Bankën Evropiane të Investimeve (EIB), nën projektin “Transformimi i Gjelbër i Autostradave Kroate”.
Në ditën e 18 vjetorit shpalljes së pavarësisë së Kosovës, u mbush përplot sheshi i Prishtinës… kësaj rradhe jo për festë, por për të protestuar ndaj gjykimit të personave që koontribuan dhe e shpallën Kosovën shtet të pavarur dhe demokratik. Mijëra qytetarë nga shumë qytete të Kosovës dhe anë e mbanë trojeve shqiptare i janë bashkuar thirrjes për këtë tubim, derisa gjykimi në Hagë kundër Hashim Thaçi, Kadri Veselit, Rexhep Selimit e Jakup Krasniqit ka hyrë në fazën e fundit.
Aktivistja Vasfije Krasniqi, e mbijetuar e dhunës seksuale gjatë luftës së fundit në Kosovë, ka marrë fjalën në protestën “Drejtësi, jo politikë” që po mbahet aktualisht në Prishtinë. Duke thënë se “ljo liri nuk erdhi vetvetiu”, Krasniqi tha se ish-krerët e UÇK-së duhet të lirohen.
Vasfije Krasniqi – E mbijetuar e dhunës serbe
Ismail Tasholli nga platforma “Liria ka Emër” tha se “pavarësisht proceseve gjyqësore, një gjë mbetet e qartë: lufta e UÇK-së ishte luftë çlirimtare, dhe kjo nuk mund të zhbëhet kurrë”. Duke folur në Marshin “Drejtësi, jo politikë”, ai tha se “qytetarët duan drejtësi dhe jo politikë”. Tashohilli tha se në përvjetorin e 18-të të pavarësisë, ish-krerëve të UÇK-së po u dërgohet mesazhi se nuk janë vetëm.
Ismail Tasholli – Liria ka emër
Shqipe Krasniqi, njëra nga shumë gratë që rrokën armët dhe i dolën armikut përpara ka rrëfyer para mijëra pjesëmarrësve sakrificën që ajo dhe familja e saj kaluan ndër vite për çlirimin e vendit. Ish-ushtarja e UÇK-së tha se të ishe shqiptarë do të thoshte të jetoje me frikë, me kufizime dhe padrejtësi të përditshme.
Shqipe Krasniqi – Ish Ushtare e UÇK-së
Çlirim Haziri, djali i veprimtarit të madh të çështjes kombëtare Xhavit Haziri, që është në mesin e 1600 shqiptarëve të zhdukur nga Serbia, fati i të cilëve ende nuk dihet, mbajti një fjalim të fuqishëm në marshin e organizuar në përkrahje të ish-krerëve të UÇK-së. Ai tha se ata që luftuan për këtë tokë, nuk kërkuan pushtet por kërkuan liri.
Çlirim Haziri – Djal i Xhavit Hazirit
Ndërkaq gjatë ditës së sotme në shënimin e 18-vjetorit të Pavarësisë së Kosovës, në sheshin kryesor të kryeqytetit u mbajt parakalimi solemn i trupave të Forcës së Sigurisë së Kosovës dhe të Policisë së Kosovës. Paraprakisht u mbajt edhe seancë solemnte në Kuvendin e Republikës së Kosovës si dhe vizita të të gjithë udhëheqësve shtetërorë në Prekaz, te varezat e familjes Jashari.
Kryeministri shqiptar, Edi Rama, ka shokuar opinionin me një deklaratë gjatë promovimit të një libri kushtuar ish-krerëve të UÇK-së që po gjykohen në Hagë, kur tha se prokurorët e special kanë kërcënuar edhe Presidenten e vendit, Vjosa Osmani. Rama dënoi ashpër kërkesën e Prokurorisë në Hagë për dënimin me nga 45 vite burg për Hashim Thaçit, Kadri Veselit, Jakup Krasniqit dhe Rexhep Selimit.
Deklarat – Edi Rama – Kryeministër i Shqipërsië
Edhe Presidentja e Kosovës, Vjosa Osmani, dënoi procesin në Hagë, teksa u shpreh se po gjykohen padrejtësisht edhe proceset tona jetike, liria, pavarësia.
DEKLARAT – VJOSA OSMANI – Presidente e Kosovës
Ndërkaq Rama sot po qëndron në Prishtinë, në një vizitë zyrtare ku i prit nga homologu i tij, Kryeministri i Kosovës, Albin Kurti. Kjo vizitë ndodhë një ditë para përvjetorit të pavarësisë dhe protestës së madhe që organizohet në Prishtinë, në mbrojtje të ish krerëve të UÇK-së që po gjykohen në Hagë, me moton “DREJTËSI, JO POLITIKË”Procesi i gjykimit të ish 4 krerëve të UÇK-së Hashim Thaçit, Kadri Veselit, Jakup Krasniqit dhe Rexhep Selimit është në fazën përfundimtare.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
