Lajme nga vendi
KUPA E SHARRIT NISI SIPAS PRASHIKIMEVE TË ORGANIZATORIT
Me garat në disiplinën e sllallomit në Qendrën Rekreativ Sportive Kodra e Diellit, sot filloi edicioni i 41-të gara ndërkombëtare e skijimit Kupa e Sharrit, ku marrin pjesë 32 skiator në kategorinë e meshkujve dhe 5 në at të femrave nga disa vend të rajonit. Organizator të Kupës së Sharrit kësaj radhe janë Federata e Skijimit me përkrahjen e Ministrisë së Sportit por edhe nga Federata ndërkombëtare e skijimit FIS. Për fillimin garave dhe organizimin e këtij eventi nënkryetari i Federatës së skijimit tha është në nivelin e duhur
‘’Mendoj se gjithçka ka shkuar në rregull. Kushtet ishin oke, plani ishte që caku i garës të jetë më poshtë dikund shkaku i publikut, mirëpo nga mungesa e dëborës u detyruam që ta ngritëm pak më lartë shtegun. Mirëpo gjithçka ka shkuar në rregull, mendoj se shumica e garuesve me sukses e kanë kryer lëshimin e parë besoj që edhelëshimin e dytë ka kryejnë me sukses. Më të mirët le të fitojnë. Sa i përket pjesës së organizimitmendoj se kemi qenë kohë dhe me kushte perfektë për gara’’ deklaroi Dardan Dehari nënkryetar i Federatës së Skijimit
Në këtë manifestim ndërkombëtar të skijimit gjuha shqipe është prezence vetëm në nëpër afishe për këtë anëtari Këshillit Drejtues Branisllav Lazarevski tha se nuk ka asnjë tendencë tjetër
‘’Mendoj se nuk ka asnjë qëllim, ndërsa në postaret paralajmëruese ka edhe në gjuhën shqipe. Mund të verifikoni nëpër rrjetet sociale ‘’ tha anëtari KD të; Federatës së skijimit Branisllav Lazarevski
Drejtoria e e Qendrës reakretivo Sportive Kodra e Diellit si nikoqire ka ofruar përkrahjen maksimale për mirëvajtjen e këtij eventi ndërkombëtar të skijimit
‘’Ne jemi nikoqir të këtij turneu tradicional të Kupës së Malit Sharr. Ne i kemi mirëpritur organizatorët e këtij turneu dhe ju kemi dhënë asistencën në të gjitha nivelet dhe të gjitha anët me makineri dhe të gjitha pajisjet që të zhvillohet më së miri kjo Kupë e Malit Sharr’’ tha drejtori iQendrës Turistike Kodra e Diellit Abdulgani Aliu.
Fituesit e garës në disiplinë e Sllallomit janë tre skiatorë nga Bullgaria Konstatin Sotilov, Marko Semorixhiev dhe Ivan Glavçev. Garuesi nga maqedonia mirko Layareski doli i katërti , ndërsa garuesi i Kosovës Klos Vokshi u rendit i teti. Garat vazhdojnë nesër me disiplinë e sllallomit të madh.
Organizatori për fituesin e përgjithshëm të garës Kupa e Sharrit do të ndajnë si tradicionalisht krahas Kupave edhe qenin e Sharrit.
Shaban Sinani – TV Koha
Lajme nga vendi
Jetëgjatësia rritet, por Maqedonia e Veriut po zbrazet! Saraji dhe Çairi kryesojnë me rritje natyrore pozitive në vend
Jetëgjatësia në Maqedoninë e Veriut është rritur për një vit dhe në vitin 2024 ka arritur mesatare në 76,6 vjet, por vendi vazhdon të përballet me rënie të popullsisë për shkak të rritjes natyrore negative.
Sipas të dhënave nga “Vjetari Statistikor i Republikës së Maqedonisë së Veriut 2025”, publikuar nga Enti Shtetëror i Statistikës, gjatë vitit 2024 kanë lindur 16.061 fëmijë, ndërsa kanë vdekur 20.201 persona, që përbën një rënie të popullsisë prej 4.140 banorësh. Vetëm rajoni i Shkupit ka shënuar rritje natyrore pozitive, ndërsa në të gjitha rajonet e tjera numri i vdekjeve ka tejkaluar ndjeshëm numrin e lindjeve.
Jetëgjatësia mesatare është rritur nga 75,32 vjet në vitin 2023 në 76,63 vjet në vitin 2024. Gratë jetojnë më gjatë, me një mesatare prej 78,86 vjetësh, ndërsa burrat 74,48 vjet.
Në gjashtë vitet e fundit, që nga viti 2019, vendi ka pasur rritje natyrore negative. Vetëm brenda një viti, numri i lindjeve të gjalla ka rënë për rreth 700, nga 16.737 në vitin 2023 në 16.061 në vitin 2024. Në dhjetë vitet e fundit, lindjet kanë rënë nga 23.002 në vitin 2016.
Rajoni i Shkupit ishte i vetmi me rritje pozitive natyrore, veçanërisht në Saraj (+8.4) dhe Çair (+5.5 për 1.000 banorë). Rënia më e madhe natyrore u regjistrua në Novosellë (-14.8), Novac (-13.7), Nagoriçan i Vjetër (-13.6) dhe Kratovë (-12.8).
Shkaqet më të shpeshta të vdekjes janë sëmundjet e sistemit të qarkullimit të gjakut (36.6%), kanceret (19.6%) dhe sëmundjet endokrine e metabolike (7.7%).
Vitin e kaluar, numri i martesave ka rënë për 1.600 dhe ka arritur në 11.066, ndërsa shkurorëzimet janë rritur për 259, duke arritur në 2.024. Mesatarisht, në nivel shtetëror janë regjistruar 183 shkurorëzime për 1.000 martesa, me normën më të lartë në rajonet e Vardarit, Lindjes dhe Juglindjes.
Moti sot në Maqedoninë e Veriut do të jetë me vranësira dhe periudha diellore. Në pjesën perëndimore të vendit do të ketë kushte për reshje të shiut, ndërsa në vendet malore do të ketë kushte për reshje të borës.
Në vend do të fryjë një erë e lehtë nga drejtimi jugperëndimor.
Temperaturat minimale do të lëvizin nga -14 deri -6, ndërsa temperaturat maksimale do të lëvizin nga -4 deri 6 gradë celsius.
Për ditën e shtunë moti pritet të jetë me vranësira dhe reshje lokale të shiut.
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Jetëgjatësia rritet, por Maqedonia e Veriut po zbrazet! Saraji dhe Çairi kryesojnë me rritje natyrore pozitive në vend
Moti sot në Maqedoninë e Veriut
Miratohet buxheti i Tetovës, mbi 17 milionë euro për projekte kapitale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
