Lajme nga vendi
Mickoski: Në thirrjen e dytë deri më tani kanë aplikuar 34 komuna me 179 projekte, sigurojmë kushte dinjitoze për jetesë
“Thirrja e parë është përfunduar, thirrja e dytë është në vazhdim, projektet në vlerë prej 6 miliardë denarë tashmë u janë kaluar komunave me programe të ndryshme, disa nga komunat kanë përfunduar procedurat e tenderimit dhe po fillojnë me realizimin e atyre projekteve”, tha Kryeministri Hristijan Mickoski, duke iu përgjigjur seancës së sotme të pyetjeve të deputetëve.
Mickoski thotë se në shekullin e 21-të nuk mund të flitet për inteligjencë artificiale, ndërsa qytetarët të mos kenë kushte dinjitoze për jetesë.
“Interesimi i qytetarëve është shumë i madh dhe ka situata ku ata dalin nga shtëpitë e tyre për të shprehur mirënjohjen e tyre, sepse as nuk kanë pasur kanalizim, as asfalt, ndërsa disa prej tyre nuk kishin as ujë. Tani ata kanë kushte elementare të jetesës. Atë duhet ta sigurojë çdo Qeveri dhe vetëqeverisje lokale, që njerëzit të kenë kushte elementare të jetesës”, është decid ai.
“Nuk mund të flasim për inteligjencë artificiale, për teknologji të avancuar në shekullin e 21-të, ndërsa në shtëpi kemi shembuj ku njerëzit ecin në baltë, shtëpitë e tyre përmbyten me shiun e parë dhe nuk kanë ujë të pijshëm”, tha Kryeministri.
Mickoski shtoi se ky projekt ishte i nevojshëm dhe sipas informatave me të cilat disponon deri më tani, në thirrjen e dytë kanë aplikuar 34 komuna ose gjithsej 179 projekte.
“Kjo ishte e nevojshme, të investojnë në projekte kapitale për përmirësimin e kushteve të jetesës së bashkëqytetarëve tanë. Nga dje kemi 34 komuna që kanë aplikuar për financim që do të jenë pjesë e thirrjes së dytë, ai numër ishte 179 projekte”, theksoi Mickoski dhe shtoi:
“Me këto 15 miliardë denarë që janë paraparë për nënprograme të ndryshme në buxhetin e ministrive të ndryshme, dalim në 21 miliardë denarë vetëm nga ky projekt, plus programet shtesë që i kanë ministritë”.
Ministri i Drejtësisë në RMV, Igor Filkov thotë se ndoshta ka ardhur koha për të rishikuar shumicën e Badenterit dhe se Maqedonia duhet të ecë përpara.
Në një intervistë për të përjavshmen “Focus”, ai flet për miratimin e Kodit Zgjedhor në Parlament, dhe intervista është zhvilluar para votimit të së shtunës në Kuvendin e Maqedonisë, i cili nuk votoi për ndryshimet në Kodin Zgjedhor.
“Shpresoj që deri në kohën kur të publikohet kjo intervistë, Kuvendi do ta ketë përfunduar tashmë punën e tij të brendshme dhe nuk do të lejojë që të krijohet një boshllëk ligjor. Por nëse kjo nuk ndodh, atëherë po abuzohet përdorimi i shumicës Badenterit. Nëse po, atëherë ndoshta është koha të mendohet për nevojën e rishikimit të saj. Maqedonia duhet të ecë përpara”, u përgjigj Filkov.
Shkëndija e Tetovës, Drita e Gjilanit dhe Dinamo City e Tiranës në përballjet e sontme evropiane sonte paritetit të paraqiten denjësisht për të prezantuar futbollin shqiptar dhe për të arritur sukses historik
Tri skuadra shqiptare, Shkëndija, Drita dhe Dinamo City, do të zbresin sonte në fushë për ndeshjet e para të ‘play-off’-it në garat evropiane, me synimin për të shkruar historinë e tyre.
Shkëndija e Tetovës, e cila synon të kalojë për herë të parë në fazën e grupeve të Ligës së Evropës. Skuadra tetovare sonte për herë të katërt garon në fazën e play off-it për kualifikim në grupet e Ligës Europa. Shkëndija sonte në arenën ‘’Todor Proeski{ me fillim në ora 20:00 do të përballet me skuadrën e njohur bullgare, Ludogorets i Razgradit.
Dinamo City e Tiranës, që nën drejtimin e trajnerit Ilir Daja që eliminoi gjigantin kroat Hajduk Split, sonte nga ora 20:15 në kuadër të ‘play-off’-it të Ligës së Konferencës është mysafire ekipit Jagiellonia e Byalistokut në Poloni.
Ndërkaq në stadiumin “Fadil Vokrri” në Prishtinë, skuadra gjilanase e drejtuar nga Zekirija Ramadani do të përballet me Differdange 03 nga Luksemburgu, me fillim nga ora 20:00. Drita e njeh mirë këtë kundërshtar, pasi e kishte eliminuar në rrethin e parë kualifikues të Ligës së Kampionëve këtë verë.
Tre skuadrat shqiptare sonte kanë për detyrë që në nivelin më të mirë të mundshëm për prezantohen në futbollin evropian, pasi suksesi i tyre sjell benifite për futbollin në Maqedoninë e Veriut, Shqipëri së dhe Kosovës.
Shaban Sinani – TV Koha
Atdhe Mazari është prurja më e re në ekipin e Shkëndijës. Ai është i huazuar për 1 vjet nga ekipi kroat NK Varazhdin. Debutimi i tij për ekipin tetovar mund të ndodhë të dielën kundër Arsimit të Çegranit
Klubi i futbollit Shkëndija vazhdon me kompletimin e ekipit me lojtar të ri gjatë këtij afati kalimtar. Kështu që nga dita e djeshme pjesë e ekipit kuqezi është sulmuesi 24 vjeçar Atdhe Mazari i cili i është produkt i moshave të reja të Shkëndijës, ku kaloi një periudhë, derisa përmes kalitjes në ekipe të ndryshme, ai mori përvojën e parë në kategorinë e sendorëve si në Struga Trim Lum, Ohri , Pobeda dhe Rabotniçki dhe së fundit edhe në NK Varazhdin prej ku edhe është huazuar deri më 30 qershor 2026. Pas arritjes së marrëveshjes me ekipin kuqezi Atdhe Mazari për kanalin zyrtar të klubit i emocionuar ka deklaruar
“Realisht ndjenja është mjaftë e bukur të jesh pjesë e Shkëndijës dhe është një privilegj i madh të jesh pjesë e këtij klubi që ka histori dhe traditë shumë të madhe, ku këtë e ka treguar në 10 vitet e fundit. Mendoj se jo rastësisht është ky sukses edhe në Europë, i cili është historik për Shkëndijën dhe për gjithë vendin tonë” deklaroi Atdhe Mazari
Mazari ka fatin që ekipit ti bashkëngjitet në momentin ku klubi ka të siguruar së paku fazën e grupeve në Konferencë Liga duke premtuar se do të jep maksimumin
“Sigurisht përgjegjësia është shumë më e madhe tani sepse nuk ka kohë shumë për të humbur. Shkëndija ka shumë ndeshje tani dhe tek të gjitha duhet të jepet maksimumi si në kampionat ashtu edhe në Europë.” tha Mazari
Përforcimi i kuqezive thotë se te skuadra kuqezi ka ardhur për dy qëllime titulli kampion dhe suksese në Europë.
“Patjetër se po, nuk diskutohet kjo gjë të kesh këtë mundësi të artë, pasi e dimë se sa herë mund të të vjen kjo mundësi dhe tani duhet të shfrytëzohet në maksimum dhe mendojë se të gjithë së bashku do të ia arrijmë qëllimit. Unë kam ardhur këtu për dy qëllime, e para është, titulli kampion të mbetet sërish në Tetovë dhe një sezon sa më të gjatë në Europë dhe kjo është shumë e rëndësishme për mua dhe gjithë klubin” deklaroi Mazari
Mbetet dilema se Atdhe Mazari do të jetë përforcimi i fundit i ekipi apo do të sjellin edhe ndonjë futbollist tjetër cilësor ashtu siç flitet në opinion. Prurja më e re ekipit të Shkëndijës mund të debutoj në ndeshjen e javës së tretë të kampionatit të ri para tifozëve vendas kundër Arsimit të Çegranit
Filkov: Ndoshta ka ardhur koha për të rishikuar shumicën e Badenterit
SHKËNDIJA, DINAMO DHE DRITA NË KËRKIM TË ARRITJES HISTORIKE
SULMUESI 24 VJEÇAR ATDHE MAZARI VESH FANELLËN KUQEZI
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve