Lajme nga vendi
Taravari: Njëzet të lënduar që janë në gjendje kritike do të transferohen në Bullgari, Turqi, Greqi dhe Serbi
Njëzet nga gjithsej 155 të lënduarit në zjarrin në diskotekën në Koçan, të cilët janë në gjendje kritike, do të dërgohen për trajtim të mëtejshëm jashtë vendit. Ministri i Shëndetësisë, Arben Taravari, sot nga spitali i Shtipit njoftoi se në spitalin e Koçanit janë të shtruar 30 pacientë, në spitalin e Shtipit ka 39 pacientë, në Qendrën Klinike në Shkup janë të shtruar 31 pacientë, në Spitalin e Përgjithshëm “8 Shtatori” 24 pacientë, dhe 28 pacientë po trajtohen në Klinikën e Sëmundjeve Kirurgjikale “Shën Naum Ohri” në Shkup.
“Disa nga pacientët më të rëndë, të cilët normalisht janë në Shkup, tashmë jemi në komunikim me vendet fqinje, por edhe me shtete të tjera që na kontaktojnë për të ndihmuar në dërgimin e tyre për trajtim atje. Sipas anesteziologëve tanë, ndoshta 18 deri në 20 pacientë do të kenë nevojë të transportohen jashtë shtetit për trajtim të mëtejshëm. Po flas për ata që janë në gjendje më kritike, gjithsej rreth 20 pacientë janë në gjendje të rëndë. Disa pacientë do të dërgohen në Bullgari, në Turqi, Greqi, Beograd. Edhe nga Shqipëria na kanë kontaktuar, Holanda ka ofruar trajtim, por ua kam lënë ekipit të anesteziologëve të përcaktojnë se ku do të ishte më e mira për trajtimin e mëtejshëm të këtyre pacientëve në gjendje kritike,” tha ministri Taravari.
Sa i përket pacientëve të shtruar në spitalin e Shtipit, ministri Taravari informoi se ata janë në gjendje relativisht të qëndrueshme. Shumica kanë djegie, por ka edhe disa me fraktura.
Drejtori i spitalit të Shtipit, Vladko Zaharievi, tha se pacientët e parë i kanë pranuar në orën 03:30 të mëngjesit. Nga Koçani atje kanë mbërritur rreth 80 pacientë. Të gjithëve u është ofruar ndihmë, ndërsa ata në gjendje më të rëndë janë dërguar menjëherë në Shkup. Në spitalin e Shtipit janë sjellë shtatë trupa pa shenja jete.
Lajme nga vendi
Kasami inspekton asfaltimin e rrugës drejt Sellcës: Çdo premtim po e kthejmë në realitet
“Po punojmë me përkushtim që çdo projekt të realizohet me cilësi dhe në afat, në shërbim të qytetarëve. Çdo premtim e kthejmë në realitet. Çdo vendbanim është i rëndësishëm për ne”, ka shkruar Kasami në një postim publik.
Asfaltimi i kësaj rruge pritet të përmirësojë ndjeshëm qarkullimin dhe lidhjen e zonës me Tetovën, duke lehtësuar lëvizjen e banorëve dhe zhvillimin lokal. Komuna e Tetovës ka paralajmëruar vazhdimin e investimeve infrastrukturore edhe në vendbanime të tjera rurale./zyrtare.net/
Lajme nga vendi
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
Me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, gjykatësi i procedurës paraprake në Gjykatën Penale të Shkupit u ka caktuar masën e paraburgimit afatshkurtër prej 48 orësh dy personave të dyshuar. Pas analizës së provave të grumbulluara, autoritetet kanë ngritur dyshime se këta individë kanë ndërmarrë aktivitete konkrete lidhur me sasinë prej 5 tonë marihuanë që u sekuestrua së fundmi në Republikën e Serbisë.
Masa e paraburgimit është vendosur me qëllim që t’i mundësohet prokurorisë kohë e mjaftueshme për të ndërmarrë veprimet e domosdoshme procesuale dhe për të siguruar praninë e të dyshuarve. Prokuroria sqaron se kjo masë është e justifikuar për shkak të kompleksitetit të rastit dhe karakterit të tij ndërkombëtar, ku afatet kohore për veprim janë shpesh të kufizuara. Institucionet po vijojnë me intensitet punën për zbardhjen e plotë të lëndës dhe kanë paralajmëruar se publiku do të informohet në kohë për rrjedhën e mëtejshme të procedurës.
Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.
Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.
Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
