Sport
HABIL AJETI MBYLLI KARRIERËN SI VOLEJBOLLIST AKTIV
Mbrëmë në ndeshjen kampionate mes Shkëndijës dhe Strumicës në një ceremoni rasti iu dha lamtumira si volejbollist aktiv njërit prej figurave më të shquara të këtij sporti, Habil Ajetit, i cili pas 28 vitesh karrierë vendosi të tërhiqet nga fusha, duke lënë pas një karrierë të pasur dhe një kontribut të pashlyeshëm. Ai gjatë karrierës së tij ka të fituara tituj kampioni, Kupa dhe Super kupa
Mbrëmja e tij e fundit si lojtar aktiv u shënua me një ceremoni të veçantë në Tetovë, në ndeshjen mes Shkëndijës dhe Strumicës, ku nuk munguan respekti dhe mirënjohja për një kapiten që ka lënë gjurmë në volejbollin shqiptar. Në këtë ngjarje morën pjesë kryetari i Komunës së Tetovës, Bilall Kasami e personalitete të rëndësishme të sportit, si presidenti i Federatës së Volejbollit të Kosovës, Bahri Gjinovci, sekretari i përgjithshëm Valon Nikçi dhe drejtori i përgjithshëm i Policisë së Kosovës, Gazmend Hoxha.
Momenti i fundit si volejbollist aktiv ndodhi në setin e dytë kur Habil Ajeti gjuajti topin dhe me emocione u largua nga terreni me duartrokitje të të gjithë të pranishmëve
‘’Të them të drejtën pak me emocione po mirë, është ndjenjë e mirë. Veçanërisht kur i shohë të gjithë ato bashkëlojtarë , shokët çka kanë udhëtuar prej Kosove kanë ardhur këtu të më nderojnë për këtë ditë. Kaluan përafërsisht 25 vjet që jam aktiv e sot e mora një vendim ka që një javë jam duke menduar për ta marrë këtë vendim, ti vari më këpucët se i japi fund’’ deklaroi Habil Ajeti
Legjenda e volejbollit Habil Ajeti ka edhe një porosi për gjeneratat e reja
‘’ Unë jam edhe trajner te kategoritë e reja te vajzat nuk do të largohem prej volejbollit. Jam larguar vetëm si lojtar aktiv por do vazhdoj të kontribuoj për gjeneratat e reja, për djalin tim, për fëmijët tjerë. Fëmijëve të gjithë ju sugjerojë që sa më larg telefonave, sa më larg internetit të vijnë të merren me sport pa marrë para sysh futboll, basketboll, çka të jetë vetëm të merren me sport’’ tha Ajeti
I pranishëm në këtë ndeshje lamtumirës të legjendës së volejbollit Habil Ajeti ishte edhe kryetari i Komunës Bilall Kasami i cili e nderoi me një mirënjohje për kontributin e dhënë për një çerek shekulli
‘’Fillimisht për Tetovën ka qenë një simbol i sportit alternativ do të kisha thënë jashtë futbollit se ne gjithë e njohim futbollin. Figura më e njohur dhe më e dashur e Tetovës por jo vetëm në Tetovë dhe jashtë Tetovës. Është një emocion i veçantë sigurisht se për kontributin që e ka dhënë Habili në Tetovë dhe gjithë ndej në sportin ndërkombëtar ka qenë krenaria e Tetovës . I uroj më të mira në jetë . I uroj që edhe pjesën tjetër të karrierës ta vazhdojë me sportin, me volejbollin’’ deklaroi Bilall Kasami kryetar i Komunës së Tetovës.
Për kontributin e volejbollistit Habil Ajeti në ekipin e Shkëndijës dhe jo vetëm folën edhe kryetari Besian Reka dhe trajneri Durim Luma
‘’Unë tani në pozitën e kryetarit nuk dua të bisedoj, por bisedoj si ish bashkë lojtar i Habilit i cili edhe gjatë karrierës time si volejbollist aq sa kam mund të jem pjesë e Shkëndijës më ka ndihmuar shumë, kam mësuar shumë prej atij. E tash dha zoti unë të jem në një pozitë tjetër . Gjithsesi se ndihmesa e Habilit nuk ka munguar e ka dhënë maksimumin për klubin. Ne do të jemi gjithmonë falënderues për at çka e ka dhënë‘’ deklaroi Besian Reka kryetar i KV Shkëndija.
‘’Sigurisht se unë falënderoj Habilin për gjithë ato që i ka dhënë volejbollit nëpër gjithësi, por në veçanti Shkëndijës. Është një humbje e madhe për volejbollin , mirëpo unë i dëshiroj sukses në të ardhmen pasi ai do të jetë pjesë e volejbollit . Unë i dëshiroj që në të ardhmen të bëhet si ka qenë lojtar shumë i mirë , pra një legjendë e volejbollit shqiptar të bëhet edhe një trajner i mirë në të ardhmen. Unë pres prej Habilit që ta bënë këtë punë‘’ tha trajneri Durim Luma
Legjenda e volejbollit Habil Ajeti me mirënjohje u nderua edhe nga Federata e Kosovës, klubet kua ai ku ai ka qenë pjesë si volejbollist aktiv. Do ta veçojmë dhuratën që erdhi nga klubi i volejbollit Luboteni të Ferizaji që e nderoi Habilin me një plis të bardhë dhe një dhuratë simbolike si shenjë respekti për kontributin e tij gjatë pesë viteve në klub, duke e ndihmuar të shpallet kampion në Superligën e Kosovës. Habil Ajeti gjatë karrierës së tij pos Shkëndijës ka luajtur edhe në KEK, Mabetexi, Drenica, Rabotniçki Shkup, Studenti Tiranë , Pallavolo Lugano , Shutovë të Kërçovës, Luboteni Ferizaj, Skënderbeu Kraishtë , ndërsa një kohë ishte anëtar i reprezentacionit të vendit.
TV KOHA
Katër ndeshjet e zhvilluara në javën e 31-të të sezonit 2024/2025 në Ligën e Parë të futbollit solli tre fitore për ekipet vendase dhe vetëm një barazim duke u regjistruar 11 gola. Shkëndija e Tetovës pas fitores kundër Rabotniçkit zyrtarisht siguroi titullin kampion i Maqedonisë së Veriut në futboll.
Shkëndija e Tetovës dy xhiro para përfundimit të kampionatit zyrtarisht siguroi titullin kampion për sezonin 2024/2025 në Ligën e Parë të futbollit vendor. Kuqezinjtë dje regjistruan fitoren e 19-të sezonale ku kanë regjistruar edhe 10 barazime e 2 humbje me golaverazh 55:27 duke grumbulluar 67 pikë që janë të mjaftueshme që matematikisht të shpallen kampion për të pestën herë në historinë e këtij klubi ndërsa titulli i katër me menaxhimin e Kompanisë Ecolog. Autor të golave për ekipin kuqezi ishin Latifi dhe Tamba, ndërsa për miqtë shënoi Delay nga pika e bardhë. Me përfundimit e kësaj ndeshje nisi festa ku para stadiumit kishin ardhur një grup i madh i ‘Ballistëve’ të cilët edhe më tepër e madhëruan këtë festë për titullin e pestë Kampion i Maqedonisë së Veriut. Timonieri i skuadrës jeton Beqiri tha se përkundër shumë vështirësive dhe presioneve ia arritëm qëllimit.
‘’Ishte një kampionat i rëndë ishte një kampionat që nuk ishte i lehtë, ishte kampionat me shumë peripeci si me probleme me momente të presionit psikologjik por e rëndësishme është në fund kur del i pari ia vlejnë të gjitha gjërat’’
Padyshim se më meritor për këtë titull janë futbollistët të cilët gjatë gjithë kampionatit u munduan të japin më të mirën e tyre
‘ Ndihem shumë i lumtur. E dimë se gjatë këtij viti çfarë sakrifice , çfarë mundi kemi pasur të gjithë së bashku. I faleminderojë të gjithë ato që na kanë përkrahë edhe urime titullin, ishalla shtohen titujt ende më shumë ‘ tha Besart Ibraimi
‘Gjithë ishin kundër nesh por përsëri Shkëndija në fund doli kampion vetëm kundër gjithëve’ tha futbollisti Klisman Cake
Drejtori sportiv Ardian Cuculi ishte mjaft i emocionuar pasi si futbollist e ka pasur shumë më lehtë se sa tani si drejtor sportiv në këtë moment festiv
‘Kanë qenë emocione dhe momente gjatë gjithë vitit si të mira ashtu edhe të vështira. Kemi kaluar peripeci të mëdhaja. Ka qenë më lehtë si lojtar kurse si drejtues e kam përjetuar më shumë. Kështu që më vjen mirë që pas disa vitesh Shkëndija e rikthen titullin aty kua i takon. Urime gjithë tifozëve Ballistë, gjithë Tetovës dhe urime gjithë stafit futbollistëve dhe gjithë shqiptarëve anë e mbanë ‘ deklaroi Ardian Cuculi drejtor sportiv në KF Shkëndija
Një ndeshje me kthesa të shumta në fund doli që të vendosin dy golat e realizuar në minutat shtesë të ndeshjes ku AP Brera mundi Shkupin 4-3. Aktualisht nuk ka asnjë reagim nga organet kompetente ashtu siç ndodhi në ndeshjen e Ligës së dytë Kozhufi – Bashkimi ku kuamovarët dolën fitues me golin në sekondat e fundit të ndeshjes që nxori shumë dyshime dhe dilema. Në Kavadar, Tikveshi me rezultatin minimal 1-0 mundi Besën e Dobërdollit. Të martën Vardari dhe Struga Trim Lum barazuan pa gola 0-0
Pas javës së 31-të tabelën e kryeson Shkëndija me 67 pikë e ndjekur nga Sileksi me 63 , Rabotniçki me 56 pikë dhe Struga Trim Lum me 49 pikë.
Shaban Sinani – Tv Koha
Interi në ndeshjen kthyese të gjysmëfinales të Ligës së Kampionëve në ‘’San Siro’’ mundi Barcelonën 4-3 dhe kualifikohet në finalen e madhe që do të zhvillohet më 31 maj në Munih. Finalisti i dytë do të mësohet sonte pas ndeshjes PSZH – ARSENAL
Interi është ekipi i parë finalist i këtij sezoni të Ligës së Kampionëve pasi mbrëmë në një ndeshje spektakolare që zgjati mbi 120 minuta mundi Barcelonën me rezultatin 4-3 dhe me rezultatin e përgjithshëm nga të dyja takimet 7 me 6 kualifikohet për finalen e 31 majit që do të luhet në “Allianz Arena” në Munih
Pas spektaklit në ndeshjen e parë në Katalonjë, ku rezultati përfundimtar shënoi 3-3, edhe mbrëmë në “San Siro” pamë një ndeshje spektakolare që nga minuta e parë e deri në fund, e cila po ashtu regjistroi shifrat 3-3 gjatë kohës së rregullt. Në kohën shtesë prej 30 minutash, Interi shënoi golin e katërt që vulosi kualifikimin për në finale.
Autor të golave për Interin ishin Lautaro Martinez, Hakan Çalhanoglu nga penaltia, Akerbi dhe Davide Frattesi, ndërsa për Barcelonën shënuan Eric Garcia, Dani Olmo dhe Rafinja.
Interi në finale do të përballet me fituesin nga ndeshja e sontme mes PSZH dhe Arsenal, që fillon në ora 21:00.Kujtojmë se në ndeshjen e parë në Londër fituese doli kampioni francez me rezultatin 1-0
Pasditen e së martës u zhvillua ndeshja hapëse e javës së 31-të në Ligën e parë të futbollit vendor mes Vardarit dhe Struga Trim Lum, ndeshje kjo e cila u zhvillua në kompleksin stërvitore të FFM-së përfundoi me barazim pa gola 0-0,nga në kampionatin e ligës së dytë u zhvilluan ndeshjet e javës së 28-të ku tre skuadrat kryesuese Makedonija Gj.P, Arsimi dhe Bashkimi vazhdojnë sipas planit të tyre. Por FFM dyshon se takimi Kozhufi – Bashkimi ishte e kurdisur?
Skuadra e Çegranit klubi i futbollit Arsimi në Veles mundi Borecin me rezultatin 4-2 dhe kështu vazhdon garën për kualifikim në elitën e futbollit vendor. Autor të golave për fitoren 4-2 ishin Alban Taipi 2 gola Boban Georgiev dhe Subi Mustafa nga një gol. Arsimi në ndeshjen e parafundit të kampionatit e zhvillon në stadiumin qytetit në Gostivar me Makedonija Gj.P me fitore edhe matematikisht do ta siguronte kualifikimin në ligën e parë
Bashkimi i Kumanovës arriti të shënon fitore 2-1 kundër Kozhufit në Gjevgjeli, por epilogu i kësaj ndeshje ka vënë dyshim organet e FFM-s të cilët kanë dal me komunikatë ku pos tjerash thuhet: Federata e Futbollit të Maqedonisë (FFM) e ndoqi ndeshjen midis KF Kozhuf dhe KF Bashkimi nga Liga e Dytë e Ligës së Kampionëve me zhgënjim dhe pakënaqësi të thellë. Skenat që të gjithë pamë në fushë dhe sjellja e individëve janë një fyerje e drejtpërdrejtë ndaj futbollit, ndaj lojës së ndershme dhe ndaj të gjithë atyre që marrin pjesë në sport me qëllime të ndershme.
Ndërkaq ka reaguar edhe klubi i futbollit bashkimi të cilët e demantojnë dyshimin e FFM-s: ku në mes tjerash thuhet:’’ Deri këtu kemi arritur vetëm në mënyrë sportive. Ngjarja e sotshme në Gjevgjeli, ku u ngrit pluhur të paparë deri më tani, duke qenë cak klubi ynë vetëm për ta ndërprerë rrugëtimin tonë. Klubi ynë, me përgjegjshmëri më të lartë informon të gjithë se si çdo ndeshje edhe kjo kundër Kozhufit, ishte e pastër dhe me shumë meritë fituam tri pikë, në luftën tonë për kualifikim për Ligën e Parë ! Besojmë fortë, se ky sulm do të shkrihet, sepse ska asnjë fakt, argument apo indikacion që klubi yne nuk ka luajtur ferplej. Me shpresë për drejtesi e zbatim të ligjit, Ju ftojmë të shtunën ora 17:00, në derbin e javës kundër Detonitit”.
Rezultatet e xhiros e 28-të: Boreci – Arsimi 2-4, Bregallnica – Bellasica 1-0, Detonit Plaçkovica – Ohri 3-2, Skopje – Pobeda 0-0, Kozhufi – Bashkimi 1-2, Osogova – Novaci 2-0, Vardari – Makedonija Gj.P 0-1 dhe Vardarski – Kamenica Sasa 1-4
Tabelën e kryesojnë Makedonija Gj.P me 63 pikë, Arsimi me 61, dhe Bashkimi me 60 pikë
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve