Koalicioni VLEN ka nisur një ofensivë konkrete për të kthyer premtimet në vepra, duke realizuar një valë punësimesh që kanë sjellë përfshirje më të madhe të shqiptarëve në institucionet shtetërore. Vetëm në Drejtorinë për Udhëheqjen e Librave Amë janë punësuar 38 shqiptarë, duke zhbllokuar një situatë të trashëguar me vite mungese përfaqësimi.

Ky nuk është rasti i vetëm. Në ndërmarrjen NOMAGAS janë punësuar 8 shqiptarë, në Doganë 19 shqiptarë, 15 shqiptarë në MEPSO, në QSHP 8 shqiptarë, ndërsa emërime janë bërë edhe në institucione të tjera qendrore dhe lokale, si pjesë e një strategjie të koordinuar për barazi dhe përfshirje.

Ky është një hap i rëndësishëm drejt përmbushjes së zotimeve që VLEN ka dhënë ndaj qytetarëve shqiptarë një qasje që nuk ndalet me retorikë, por dëshmohet me rezultate konkrete në terren.

Advertisement

Sipas burimeve nga koalicioni, kjo është vetëm faza e parë e reformës për përfaqësim të drejtë dhe të dinjitetshëm, me nisma që do të zbatohen në sektorë të tjerë strategjikë në javët në vijim si ELEM, Ministria e Mbrojtjes, DAP, Rrugët e Maqedonisë, Posta e Maqedonisë, Pyjet e Maqedonisë etj.

Kryetari i komunës së Çairit z. Visar Ganiu ka uruar qytetarët me rastin e festës së Kurban Bajramit, transmeton Tetova Express.

Të nderuar besimtarë myslimanë,

Me rastin e Kurban Bajramit, ju uroj që kjo festë e shenjtë t’ju sjellë paqe në zemër, harmoni në familje dhe begati në jetën tuaj. Le të jetë kjo ditë një frymëzim për më shumë mirësi, solidaritet dhe afërsi mes nesh. Gëzuar dhe i bekuar qoftë Kurban Bajrami për të gjithë ju!

Kryetari i komunës së Tetovës z.Bilall Kasami ka uruar qytetarët me rastin e festës së Kurban Bajramit, transmeton Tetova Express.

“Kjo ditë madhështore na kujton sakrificën që paraardhësit tanë kanë bërë ndaj Krijuesit, por edhe na mëson se si të jemi më afër me njëri tjetrin, sidomos në ditë të vështira, të jemi më human, më të dashur e më të përgjegjshëm, si për më të dashurit dhe familjen ashtu edhe për kombin.

Uroj që kjo festë t’ju gjej pranë më të dashurve, me plotë begati e të mira.

Gëzuar!”, shkruan Kasami.