Connect with us

Lajme nga vendi

Aksident në Patishka Reka, humb jetën një fëmijë! Arrestohet shoferi 19-vjeçar

Published

11 months ago

on

Gjatë ditës së djeshme, në në rrugën lokale mes fshatit Patishka Reka dhe fshatit Osinçan, në rajonin e Shkupit, ka ndodhur një aksident trafiku ku si pasojë një e mitur ka humbur jetën ndërsa tre pasagjerë të tjerë pësuan lëndime të rënda trupore që u dërguan për trajtim. Shoferi i veturës “Volkswagen Golf” i moshës 19-vjeçare që shkaktoi aksidentin, është privuar nga liria.

“Më 06.04.2025, rreth orës 17:20, në SPB Shkup është raportuar se në rrugën lokale mes fshatit Patishka Reka dhe fshatit Osinçan, në rajonin e Shkupit, ka ndodhur një aksident trafiku mes një veture “Volkswagen Golf” me targa të Shkupit, e drejtuar nga U.O. (19) nga fshati Studeniçan, dhe një veture “Mercedes” me targa të Shkupit, e drejtuar nga F.A. (29) nga Shkupi.

Në aksident, lëndime të rënda trupore ka pësuar një pasagjere e mitur nga vetura “Mercedes”, e cila është dërguar në Spitalin e Përgjithshëm të Qytetit “Shën Naum Ohër”, ku ka ndërruar jetë. Mjeku ka konstatuar vdekjen, ndërsa me urdhër të prokurorit publik, trupi i të ndjerës është dërguar për autopsi.

Lëndime trupore kanë pësuar edhe shoferi F.A., pasagjerja R.A. (24), dhe një pasagjere tjetër e mitur, të dyja nga Shkupi, lëndimet e të cilave janë konstatuar në Spitalin e Përgjithshëm “Shën Naum Ohër”, si dhe shoferi U.O., i cili është trajtuar në Kompleksin e Klinikave “Nënë Tereza”.

Është kryer ekspertizë nga prokurori publik dhe një ekip hetimor nga SPB Shkup, ndërsa U.O. është privuar nga liria sipas nenit 300 paragrafi 2, në lidhje me nenin 297 paragrafi 1 të Kodit Penal. Pas dokumentimit të plotë të rastit do të pasojë kallëzim përkatës”, thuhet në raportin e policisë.

Advertisement
Related Topics:
Advertisement

Lajme nga vendi

Fillon faza e zbatimit konkret të Strategjisë 2025–2028 për Hetime Financiare dhe Konfiskim të Pasurisë në RMV

Published

2 minutes ago

on

February 18, 2026

By

Pas mbledhjes konstituive të Këshillit Nacional për Hetime Financiare dhe Konfiskim të Pasurisë, të mbajtur më 2 shkurt 2026, sot shënohet hyrja në fazën vendimtare të zbatimit konkret të Strategjisë për periudhën 2025–2028 dhe Planit të Veprimit 2025–2026, njoftojnë nga kabineti i zv. kryeministrit Arben Fetai.

“Me Vendimin e Qeverisë të datës 9 shtator 2025 dhe me emërimin e anëtarëve më 28 tetor 2025, është konsoliduar struktura e plotë institucionale për koordinimin dhe monitorimin e kësaj strategjie.

Megjithatë, siç theksoi Zëvendëskryeministri për Qeverisje të Mirë, Arben Fetai, struktura në vetvete nuk prodhon rezultate, rezultatet arrihen përmes veprimit të koordinuar, përgjegjësisë së qartë institucionale dhe llogaridhënies konkrete.

Këshilli Nacional përcakton drejtimin politik, ndërsa Komisioni Nacional ka për detyrë të sigurojë që ky drejtim të përkthehet në rezultate të matshme në praktikë. Raporti i parë vjetor evidenton progres normativ, por faza aktuale kërkon angazhim të shtuar operacional, disiplinë në raportim dhe reagim tëmenjëhershëm ndaj pengesave sistemike.

Në këtë kontekst, Komisioni Nacional do të funksionojë si mekanizëm aktiv i zbatimit dhe monitorimit, me fokus në:

Advertisement

-zbatimin e plotë të përgjegjësive institucionale;

-identifikimin dhe adresimin e pengesave reale në sistem;-raportim me integritet, transparencë dhe pa kalkulime politike;

-ndërhyrje të menjëhershme në rast vonesash apo mungese kapacitetesh”, thuhet në njoftim.

Gjatë takimit, theksojnë nga atje, u promovua dokumenti i përgatitur në bashkëpunim me United Nations Office on Drugs and Crime (UNODC), “Checklist për lehtësimin e kthimit të pasurisë”, si instrument praktik për standardizimin dhe fuqizimin e proceseve të rikuperimit të aseteve. Ky dokument përfaqëson një hap konkret drejt forcimit të kapaciteteve teknike dhe harmonizimit me standardet ndërkombëtare.

Advertisement
Continue Reading

Lajme nga vendi

Ndërpritet bojkoti i mësimit në Vaksincë! Suspendohet arsimtarja deri në ekzaminimet mjekësore

Published

11 minutes ago

on

February 18, 2026

By

Pas një muaji të plotë bojkot, ka rifilluar mësimin në filloren e Vaksincës. Pas raportimit të vazhdueshëm të TV21 për mos reagim në kohë të institucioneve, më në fund drejtoria e shkollës mori vendim për suspendim të arsimtares së anglishtes S.S. për të cilën dyshohet se ka probleme shëndetësore. Drejtori i Sh. F. “Rilindja” përmes telefonit e konfirmoi se arsimtaren në fjalë e kanë larguar nga puna 3 muaj deri sa të kryhen procedurat administrative dhe ekzaminimet shëndetësore te Instituti i mjekësisë së punës.

Nga Komuna e Likovës thanë se kanë urdhëruar drejtorinë që ta zëvendësojnë përkohësisht me një arsimtare tjetër të anglishtes në mënyrë që mësimi të mos ngecë, ndërsa gjatë pushimit pranveror dhe veror do të kompensohen 4 javët e humbura mësimore. Nga Inspektorati shtetëror i arsimit thonë se brenda afateve ligjore presin raportin e drejtorisë për ekzaminimet mjekësore për të vendosur nëse arsimtarja S.S. i plotëson kushtet për tu rikthyer në mësim ose për përjashtim të përhershëm nga puna.

Continue Reading

Lajme nga vendi

Tiranë, deklaratë e 5 vendeve për Korridorin 8

Published

25 minutes ago

on

February 18, 2026

By

Shqipëria, Italia, Bullgaria, Maqedonia e Veriut dhe Rumania angazhohen për avancimin pa vonesa të ndërtimit të Korridorit 8 si një ndërlidhje e rëndësishme strategjike, politike, ekonomike dhe të sigurisë. Angazhimi i 5 vendeve u  konfirmua përmes një deklarate të përbashkët në ministerialin e mbajtur në Tiranë.
“Ne thjesht po përfundojmë një detyrë që historia e ka përcaktuar tashmë për ne: ta bëjmë këtë pjesë të Evropës realisht të ndërlidhur. Në të gjithë vendin, korridori është në qendër të strategjisë sonë kombëtare të transportit. Shqipëria po bëhet një nga nyjet më të besueshme të këtij projekti. Për rajonin tonë, ky nuk është vetëm një projekt transporti. Është një deklaratë politike. Ai tregon se Adriatiku dhe Deti i Zi nuk janë skajet e Evropës, por portat e saj hyrëse.”, – deklaroi ministrja e Jashtme e Shqipërisë, Elisa Spiropali.
Për kryediplomatin italian, Antonio Tajani, Korridori 8 është një projekt kyç për ndërlidhjen e një rajoni që pret ribashkim me Evropën.
“Ne do të bëjmë gjithçka që ju të jeni pjesë e Bashkimit Evropian së shpejti. Por, përpara duhet të bëjmë ribashkimin. Nuk është zgjerim por ribashkim. Ju jeni vende evropiane dhe kështu është më mirë të flasim për ribashkim. Do të këmbëngulim në Bruksel për të arritur rezultate shumë të mira për korridorin 8, jam i gatshëm të bëjmë gjithçka për ta përshpejtuar.”, – theksoi ministri i Jashtëm i Italisë, Antonio Tajani.
Angazhimin për të vijuar investimet dhe përfundimin në një kohë sa më të shpejtë e morën edhe Maqedonia e Veriut, Bullgaria dhe Rumania.
“Të harmonizojmë hapat në të gjitha anët. Ndërlidhja nuk është vetëm beton. Rajoni duhet të prodhojë rezultate të prekshme për të gjithë, sidomos për të rinjtë.”, – u shpreh ministri i Jashtëm i RMV-së, Timço Mucunski.
“Korridori 8 rrit konkurrueshmërinë dhe ekonominë e rajonit, ul varësinë nga korridoret e tjera, është një katalizator zhvillimi dhe  do ta bëjë më tërheqës rajonin.”, – deklaroi zëvendësministri i Jashtëm i Bullgarisë, Nikolaj Pavlov.
“Rumania është shumë e përkushtuar të mbështesë këtë infrastrukturë të rëndësishme për Evropën Juglindore. Aspekti strategjik në të ardhmen na bën bashkë dhe është detyra jonë të bashkëpunojmë.”, – theksoi ambasadori i Rumanisë,
Oktavian Sherban.
Korridori 8 është një nga projektet më të rëndësishme infrastrukturore për integrimin rajonal që synon të lidhë portin e Durrësit dhe Vlorës me Maqedoninë e Veriut dhe më tej me Bullgarinë, duke krijuar një aks strategjik mes Detit Adriatik dhe Detit të Zi.
LULJETA NDOKA
Continue Reading

Më të lexuarat