Lajme nga vendi
Snopçe: Gjate qeverisjes se deritanishme duhet konstatuar fakti që ende nuk kemi arit të avancojmë çështjet që kanë të bëjnë me të drejtat e shqiptarëve
Deputeti i Aleancës për Shqiptarët, Halil Snopçe në intervistën në “Dialog te Lajmi”, ka numëruar të paarriturat e Qeverisë aktuale.
Disa nga jo të arriturat e kësaj Qeverie që i numëroi Snopçe janë ndryshimet kushtetuese, ligjin për përfaqësim të drejtë, etj.
Deklarata e plotë :
Fakti i pamohueshëm me 4 liderë ashtu siç ishim nuk shkon puna, fakt i pamohueshëm duhej të bëjmë një parti politike, nuk e bëmë, fakti i pamohueshëm edhe në raportet në kuadër të VLEN-it dhe karshi me raportet me VMRO-DPMNE-në, edhe pse ka disa lëvizje pozitive ku për herë të parë komunat shqiptare morën ndihma të konsiderueshme, 1800 specializantë që u punësuan nuk mund ta marrish si punësime politike sepse ato specializantë janë punësuar në kohën kur ka qenë BDI-ja në qeverisje, tash ato do marrin paga si specializantë, pra nuk ishte vendime për politik nuk ishin vendime për të fituar pika politike për punësime që të marrin vota me punësime, por është një vendim për interesat e shëndetësisë.
Por, në fakt karshi për vendime të interesit kombëtar, ne fatkeqësisht edhe për shkak të hutisë brenda VLEN-it nuk kemi arritur të bëjmë diçka.
Unë kur deklarova se do dalim nga Qeveria, unë mora sulme, nuk arritëm të vendojmë një kushtëzim përball VMRO-DPMNE-së se kjo është Stop.
Ne premtuam ndryshime kushtetuese për 6 muaj, në kohën tonë u hoq Balansuesi dhe premtuam ligjin për përfaqësim të drejtë dhe ligjin e kishim të gatshëm që është projekt i yni, për dy a tre fjali ka 6 muaj që po zvarritet.
Përmendëm 20% që është premtim i joni, por qytetarët nuk mendojnë se besojnë se ne do të arrimë në këtë kuadër të qeverisë sonë.
Pra, pikat për interes kombëtar shqiptarë që i kemi pasur në premtim ne nuk arritëm t’i bëjmë.
Dhjetëra shtëpi të vërshuara, oborre të kthyera në liqene, por edhe rrugë të bllokuara dhe rrëshqitje dheu në disa vende. Ky është bilanci nga reshjet e dendura të shiut dhe dalja e lumenjve nga shtrati në rajonin e Pollogut. Komunat e Tetovës, Gostivarit dhe Zhelinës kanë filluar me formimin e komisioneve për vlerësim dhe evidentim të dëmeve, e në disa pika, edhe dislokim të banorëve nga objektet e banimit, si pasojë e rrezikut nga përmbytjet.
“Aktualisht po realizohen analiza të detajuara të rrezikshmërisë me qëllim që banorët e zonave ku siguria është cenuar, të zhvendosen në hapësira më të sigurta, dhe paralelisht po bëhet edhe evidentimi i objekteve të rrezikuara për të vërtetuar edhe statusin e tyre juridik. Sa i përket infrastrukturës rrugore, në rrugën e Banjës janë evidentuar rrëshqitje të mëdha të dheut dhe ekipet e komunës kanë ndërhyrë menjëherë për pastrim dhe normalizim të qarkullimit. Ndërhyrje janë realizuar edhe në Gjermë ku situata është më kritike”, tha Besarta Ramdani, zëdhënëse e Komunës së Tetovës.
“Zonat më të prekura në Komunën e Gostivarit kanë qenë, fshati Forinë, fshati Llakavicë, fshati Turçan i Vogël dhe disa lagje të qytetit, por ne si komunë, kemi bashkëpunuar me banorët dhe nga gjitha të dhënat që përmendëm më kritike ka qenë Forina. Për vlerësimin e dëmit, tani do formojmë një komision dhe do dalim në terren për të vlerësuar dëmet në fshatin Forinë dhe banorëve që janë prekur nga vërshimet”, u shpreh Safet Asani, komisioni për mbrojtje dhe shpëtim Komuna e Gostivarit.
Zona e fundit ku pati përmbytje një ditë më parë ishte fshati Strimnicë.
“Në këtë lagje afërsisht 12 shtëpi kanë dëme materiale që iu ka hy uji nëpër bodrume. Ne si ekipe e komunës ishim afër qytetarëve dhe u ndihmuam sa mundëm, andaj shpresoj që Ministria e Ekologjisë dhe institucionet më lartë të marrin masa që ky problem të përfundoj”, deklaroi Suad Alili, Ndërmarrja Publike Komuna e Zhelinës.
Sipas udhëheqësve të komunave dhe Drejtorisë për Mbrojtje dhe shpëtim përmbytjet janë si pasojë e mos pastrimit në kohë të shtretërve të lumenjve, dhe hedhjes së pakontrolluar të mbeturinave nëpër lumenj. /Alsat.mk
PROTESTË NË 18-VJETORIN E PAVARËSISË SË KOSOVËS
“Vërshimet”, Tetova, Gostivari e Zhelina formojnë komisione për vlerësimin e dëmeve
Kosova, 18 vjet shtet i pavarur, krerë shtetesh urojnë Kosovën
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
