Lajme nga vendi
Delikuenca gjithnjë e në rritje në Tetovë
Përfshirja e të miturve në veprat e rënda kriminale është gjithnjë në rritje në rajonin e Tetovës dhe jo vetëm. Sipas të dhënave të policisë së Tetovës, gjatë vitit të kaluar janë shënuar gjithsej 75 vepra nga sfera e delikuencës, kurse këtë vit vetëm për tre muaj janë regjistruar 36 vepra penale ku të involvuar kanë qenë adoleshentët. Rritje është shënuar edhe nëse i krahasojmë shifrat e viteve 2024 me 2023, ku sipas të dhënave zyrtare për 36 për qind ka rritje të këtyre veprave, respektivisht në vitin 2024 ka më shumë vepra ku janë të përfshirë të miturit se sa në vitin 2023. Ndërkaq, këtë vit janë shënuar edhe katër kundërvajtje në lidhje me delikuencën e të miturve. Nga Sektori për Punë të Brendshme në Tetovë thonë se të rinjtë gjithnjë e më shumë janë të përfshirë në vepra kriminale, ku në të kaluarën kanë qenë të përfshirë të rriturit. Bëhet fjalë për vjedhje, përdorim të drogës, rrahje, përdorim të dhunës dhe sjelljeve të pahijshme në rrugë ose në komunikacion.
“Si në vitin 2024 edhe këtë vit, të miturit në një numër të madh të rasteve paraqiten si kryerës të ‘vjedhjeve të rënda’ dhe ‘Vjedhjeve’, të nxitur në kryerjen e këtyre veprimeve negative dhe devijuese nga persona të rritur madhorë, duke patuar me veprat penale ‘Dhunë’, ‘Rrezikim të sigurisë në komunikacion’, ‘Prodhim i paautorizuar dhe i drogave narkotike, substancave psikoterope dhe prekursorëve’, si dhe vepra të tjera” deklaroi Fatmir Rexhepi, zëdhënës i Sektorit për Punë të Brendshme në Tetovë.
Por, edhe pse gjithnjë ka aktivitete të shtuara në lidhje me parandalimin e delikuencës, megjithatë mosha e re nuk qetësohet, por vazhdojnë të kryejnë vepra penale të natyrave të ndryshme. Në drejtim të parandalimit të këtyre llojeve të veprave penale tek të miturit, Sektori për Punë të Brendshme në Tetovë ndërmerr aktivitete parandaluese dhe edukative përmes njësitit për parandalim.
“Me realizimin e projekteve dhe ligjëratave në shkollat fillore dhe të mesme, me qëllim të ngritjes së ndërgjegjes, vetëdijes dhe kulturës së përgjithshme te popullata e re, mbahen ligjërata lidhur me këto akte, pasojat dhe implikimet ligjore nëse ata kontribuojnë drejtpërdrejtë ose në mënyrë indirekte në këto akte, gjithashtu realizohen edhe takime apo punëtori të shpeshta me drejtorët apo stafin e shkollave me qëllim detektimin zbulimin dhe kontrollin në kohë të delikuencës së të miturve dhe largimin e tyre nga këto sjellje devijuese në shoqëri”, tha zëdhënësi Rexhepi.
Krahas kësaj, nga policia njoftojnë se janë shtuar patrullimet pranë objekteve shkollore me qëllim që të parandalohen veprat që i kryejnë adoleshentët. Patrullime policore ka edhe pranë stacioneve të autobusëve sepse edhe pranë stacioneve jo rrallë herë janë regjistruar zënka mes nxënësve të shkollave të mesme.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
