Lajme nga vendi
Presidenti kroat Zoran Milanoviq mbërriti për vizitë zyrtare në vend
“Për një vizitë zyrtare në vendin tonë, sot qëndron presidenti i Republikës së Kroacisë, Zoran Milanoviq. Në kuadër të vizitës, janë parashikuar disa aktivitete dhe takime në nivel të lartë. Në fokusin e bisedave do të jenë marrëdhëniet dypalëshe ndërmjet dy vendeve, si dhe mundësitë për avancimin e tyre të mëtejshëm në frymën e miqësisë dhe bashkëpunimit. Vizita e presidentit kroat paraqet një konfirmim të marrëdhënieve tradicionalisht miqësore dhe të partneritetit, të cilat zhvillohen pa çështje të hapura – si në nivel bilateral ashtu edhe në atë multilateral”, shkroi Mucunski në “Fejsbuk”.
Presidenti kroat ishte pritur edhe me nderimet më të larta shtetërore dhe ushtarake në vilën presidenciale “Vodno” ku pati takim me presidenten Gordana Siljanovska Davkova me të cilën në çdo moment pritet të mbajnë konferencë të përbashkët për media.
Fokusi i bisedimeve ndërmjet dy presidentëve ishin marrëdhëniet bilaterale, procesi i integrimit tonë evropian përmes prizmit të rendit ndërkombëtar, mjedisi i BE-së, si dhe sfidat rajonale.
“Të dyja palët shprehën kënaqësi për bashkëpunimin konstruktiv në disa fusha dhe konfirmuan miqësinë e fortë të dëshmuar shumë herë, të bazuar në mirëkuptim, respekt dhe mbështetje të ndërsjellë. Të udhëhequr nga situata aktuale në kontinentin evropian, por edhe më gjerë, bashkëbiseduesit theksuan rëndësinë e një qasjeje të koordinuar rajonale për adresimin e sfidave të sigurisë”, njoftuan nga Kabineti i Presidentes.
Siljanovska-Davkova shprehu falënderim për mbështetjen e fortë dhe të vazhdueshme të Kroacisë për anëtarësimin e Maqedonisë në BE dhe gatishmërinë për zgjerimin dhe thellimin e bashkëpunimit në fusha të ndryshme me interes për të dy vendet.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
