Në pikën kufitare “Bogorodicë”, zyrtarët doganorë kanë parandaluar një tentativë për kontrabandim të bizhuterive prej ari me vlerë prej 581.900 denarë (rreth 9.460 euro), përcjell TV21. Sipas Drejtorisë së Doganave, personi që tentoi kontrabandimin kishte për qëllim të shmangë pagesën e taksave në shumën prej 207.738 denarë. Bizhuteritë e arit u sekuestruan.

“Në Bogorodicë, zyrtarët doganorë parandaluan një tentativë për kontrabandim të bizhuterive prej ari me vlerë prej 581.900 denarë, për të cilat kryerësi kishte tentuar të shmangë pagesën e taksave në shumën prej 207.738 denarë. Bizhuteritë e arit u sekuestruan, ndërsa ndaj kryerësit nga Drejtoria për Hetime është ngritur padi penale për kryerjen e veprës penale “kontrabandim”, e dënueshme sipas Kodit Penal”, thonë nga Drejtoria e Doganave.

Një borxh i para vitit 2013 ka bërë që të punësuarit e ndërmarrjes komunale të Gostivarit të mos kenë sigurim shëndetësor. Edhe pse pas vitit 2013, 109 të punësuarve të kësaj ndërmarrje rregullisht u është paguar sigurimi shëndetësor dhe pensional ata nuk kanë mundur ta shfrytëzojnë të njëjtën shkaku të borxhit. Drejtori i Fondit Shëndetësor, Sasho Klekovski sot nga Gostivar tha se më së voni janë tjetër kjo çështje do të rregullohet këta të punësuar do të kenë sigurim shëndetësor.

“ Ndërmarrja komunale ka borxh para vitit 2013, borxh edhe para vitit 2009 ku edhe ky borxh ka mbetur i pa zgjidhur, shkak këto që 109 të punësuarit në këtë ndërmarrje janë pa sigurim shëndetësor.  Tani paguhet sigurimi, kjo është një ndër paradokset  pasi që nga viti 2013 rregullisht paguhet. Rreth 40 milion denarë ndërmarrja publike ka paguar sigurim shëndetësor dhe njëkohësisht nuk kanë sigurim shëndetësor pasi që askush nuk është angazhuar që t’i zgjidhë gjithë këta procedura administrative burokratike dhe labirinthe.”   

Ministri i Shëndetësisë Azir Aliu tha se kjo është një padrejtësi që u është bërë punëtorëve të ndërrmarjes komunale për vite me rradhë, ku përveç tyre dhe familjet e 109 të punësuarve kanë qenë pa sigurim shëndetësorë. Aliu premtoi se zgjidhja do të jetë e shpjetë dhe efikase.

“ Po ta shihni nga këndvështrimi të punësuarve definiivisht  është bërë pa drejtësi pasi që ata punojnë janë paguar dhe nuk ka pasur sigurim shëndetësor , po ta shihni në aspektin administrativ dhe institucional fondi s’ka çka bën se ato kanë borxhe aty dhe nuk mund të aktivizohet , pakti shëndetësor për të punësuarit pasi që ligji thotë kështu dhe nuk mund ta anashkaloni ligjin, idja është që është dashur të ulen më herët me institucionet shëndetësore me institucionet në Gostivar dhe të zgjidhet ky problem.”

Rasti i të punësuarve në ndërmarrjen komunale të Gostivarit nxjerr në pah pasojat serioze që mund të shkaktojnë zvarritjet administrative dhe moszgjidhja e borxheve të vjetra institucionale. Edhe pse kontributet janë paguar me vite, mungesa e koordinimit dhe procedurat burokratike kanë lënë dhjetëra familje pa një të drejtë themelore si sigurimi shëndetësor. Premtimet e autoriteteve për zgjidhje të shpejtë japin shpresë se kjo padrejtësi do të marrë fund, ndërsa mbetet që institucionet përkatëse të veprojnë me efikasitet për të rikthyer besimin e qytetarëve dhe për të parandaluar raste të ngjashme në të ardhmen.

Advertisement

Miratimi i Ligjit për Përfaqësim të Drejtë dhe Adekuat shënon moment të rëndësishëm për rikthimin e drejtësisë dhe barazisë reale në institucionet e Republikës së Maqedonisë së Veriut. Për vite me radhë, parimi i përfaqësimit të drejtë është keqpërdorur dhe deformuar përmes mekanizmave të paqarta, duke u shndërruar në instrument të kalkulimeve të politikës ditore.

I ashtuquajturi “balancues”, i cili duhej të ishte mjet që garanton barazi, në praktikë u kthye në mekanizëm me zbrazëti të mëdha juridike që lejonte manipulime, interpretime selektive dhe punësime të motivuara nga interesa të ngushta partiake. Kjo periudhë ka lënë pasoja të dukshme në administratë dhe ka dëmtuar besimin e qytetarëve në institucionet e shtetit.

Ligji i ri i vendos fund kësaj praktike. Ai mbyll zbrazëtitë juridike që për vite janë shfrytëzuar për qëllime të politikës ditore dhe vendos kornizë të qartë, të detyrueshme dhe transparente për përfaqësimin e drejtë dhe adekuat. Për herë të parë, ky parim institucionalizohet me mekanizma konkretë që e bëjnë të pamundur manipulimin dhe keqpërdorimin e tij.

Ky është rezultat i angazhimi të gjatë dhe këmbëngulës për ta kthyer përfaqësimin e drejtë nga një slogan politik në një standard të vërtetë ligjor dhe institucional. Përmes punës së vazhdueshme dhe vullnetit të palëkundur për reforma reale, u bë e mundur që ky ligj të mos mbetet vetëm premtim politik, por të shndërrohet në realitet.

Miratimi i këtij ligji është hap i madh drejt ndërtimit të institucioneve që reflektojnë realisht përbërjen e shoqërisë dhe që funksionojnë mbi bazën e drejtësisë dhe barazisë. Ai i jep fund praktikave të vjetra të manipulimit dhe hap rrugën për administratë më të drejtë, më profesionale dhe më të besueshme për qytetarët.

Advertisement

Ky është vetëm fillimi. Zbatimi i plotë dhe i pakompromis i këtij ligji do të jetë prova e vërtetë se epoka e keqpërdorimeve dhe manipulimeve me përfaqësimin adekuat i përket së kaluarës.