Lajme nga vendi
Mickoski: Pa ndryshimet e nevojshme ligjore, punëtorët e Inspektoratit për Përdorimin e Gjuhëve nuk mund të marrin paga
Kryeministri Hristijan Mickoski theksoi që pa miratimin e ndryshimeve të Ligjit për Inspektoratin për Përdorimin e Gjuhëve i cili ndodhet në Kuvend, punëtorët e Inspektoratit të cilët pesë muaj janë pa rroga, edhe më tej nuk mund të marrin rroga.
Mickoski, i cili të shtunën realizoi takim me drejtorin e Inspektoratit Arsim Idrizin dhe disa të punësuar, thekson që kjo është e domosdoshme për shkak të harmonizimeve të ligjeve.
“A mund t’u paguhet rroga para se të ndryshohet ligji? Jo nuk mundet. Për atë ishim në atë takim. Ligji do të jetë para deputetëve me çka, në pajtueshmëri me Ligjin për Organizimin dhe Punën e Organeve të Administratës Shtetërore, Inspektorati duhet të jetë pjesë e Ministrisë së Drejtësisë në këtë hap të parë, që të mundemi t’i paguajmë pagat të cilat në të kaluarën, i kanë përfituar me nder të punësuarit në Inspektoratin, për të cilin ju flisni”, tha Hrisitijan Mickoski, kryeministër.
Sipas Mickoskit kjo është vetëm zgjidhje e përkohshme për të tejkaluar problemin e rrogave. Synimi është që me ndryshime të reja ligjore Inspektorati të vendoset, të hiqet nga Ministria e Drejtësisë dhe të vendoset nën kompetenca të Agjencisë për Zbatimin e Gjuhëve. Megjithatë për t’i realizuar këto ndryshime, nevojitet shumicë e Badinterit, të cilën mazhoranca momentalisht nuk e ka. Ndërsa, BDI-ja opozitare e cila mund të ndihmojë për të votuar ligjin, ka deklaruar se nuk do t’i mbështesë këto ndryshime pasi sipas tyre kanë qëllim që ta dobësojnë Inspektoratin.
“Edhe ky ligj kërkon Badenter, në ndërkohë BDI paralajmëroi se nuk do t’i votojë këto ndryshimet të ligjit, keni bashkëpunim…Nëse BDI, nuk i voton atëherë BDI tregon se BDI është absolutisht koesistent në politikat e saja dyfytyrëshe, gjegjësisht dëshiron t’i lë njerëzit që janë në Inspektoratin për Përdorimin e Gjuhës Shqipe pa paga edhe më tej”, u shpreh Hrisitijan Mickoski, kryeministër.
Pas pesë muajsh pa rroga e sigurim shëndetësor dhe pensional, punëtorët javën e kaluar publikisht kërkuan nga institucionet që të zgjidhin problemin pasi kjo gjendje i shpie në pasiguri sociale, luftë ekzistenciale dhe zhvlerësim të punës dhe dinjitetit të nëpunësit.
Kërkesa, siç thanë punëtorët, nuk është as partiake e as politike, por vetëm kërkesë që u takon me ligj dhe Kushtetutë./ Alsat.mk
Unionet e studentëve nga Universiteti i Tetovës, Universiteti “Nënë Tereza” dhe Universiteti i Evropës Juglindore kanë intensifikuar thirrjet për mbështetje ndaj protestës së paralajmëruar më 6 prill në ora 12:30 në Shkup.
Në një komunikatë publike, ata i janë drejtuar mediave, shoqërisë civile dhe aktivistëve, duke kërkuar përfshirje dhe mbështetje për kauzën e tyre. Studentët theksojnë se po përballen me padrejtësi të vazhdueshme, pasi nuk u lejohet dhënia e provimit të jurisprudencës në gjuhën shqipe, një të drejtë e garantuar me Kushtetutë dhe ligj.
Protesta do të nisë me një marsh nga Ura e Gurit në Shkup. Çështja ka tërhequr vëmendje të shtuar kohët e fundit, pasi 385 studentë shqiptarë nga tre universitetet kanë nënshkruar një peticion që kërkon organizimin e provimit të jurisprudencës edhe në gjuhën shqipe, në përputhje me të drejtat e tyre ligjore.
Lajme nga vendi
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Për pacientët onkologjikë për momentin mungon vetëm një ilaç – palbociklibi të cilin e përdorin 142 nga gjithsej 7000 paciente femra me kancer në gji.
Drejtori i Fondit për Sigurim Shëndetësore (FSSH), Sasho Klekovski deklaroi se ilaçi së shpejti do të jetë në dispozicion dhe se sasitë për vitin 2026 janë rritur për 50 për qind.
Në konferencën për shtyp në Klinikën për Radioterapi dhe Onkologji ku u shpallën rezultatet për rritjen e jetëgjatësisë së pacientëve me tre lloje kanceri, që është për shkak të terapisë efikase dhe një buxheti më të madh për trajtim, Klekovski tha se mungesa e palbociklibit është për shkak të faktit se në dhjetor 2025 u përballën me një nevojë dukshëm të shtuar për këtë ilaç (për 142 pacientë), ndërsa vitin e kaluar sasitë ishin planifikuar për 80 pacientë.
“Kur ka një numër dukshëm më të madh pacientësh se sa është planifikuar, nuk është e lehtë të plotësohen nevojat, kështu që buxheti për vitin 2026 do të rritet për 50 për qind për dy barna në këtë kategori, ku përveç këtij është edhe një ilaç tjetër. Presim që thirrja e re për barna të shpallet brenda dy javësh që do të mbulojë vitet 2026-2027”, tha Klekovski.
Së shpejti në Onkologji do të jenë të kapshëm edhe markerët- tumoralë që janë në mungesë, por Klekovski theksoi se kjo nuk është mungesë në të gjithë vendin dhe se pacientët mund të bëjnë markerë- tumoralë në spitale dhe laboratorë të tjerë.
NDOTET LUMI VARDAR, KOMUNA E GOSTIVARIT NIS HETIMET PËR ZBULIMIN E AUTORIT
Studentët kërkojnë mbështetje për protestën: Jurisprudenca edhe në shqip
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota1 week ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”