Kryetari i komunës së Çairit z. Visar Ganiu ka uruar qytetarët me rastin e festës së Kurban Bajramit, transmeton Tetova Express.

Të nderuar besimtarë myslimanë,

Me rastin e Kurban Bajramit, ju uroj që kjo festë e shenjtë t’ju sjellë paqe në zemër, harmoni në familje dhe begati në jetën tuaj. Le të jetë kjo ditë një frymëzim për më shumë mirësi, solidaritet dhe afërsi mes nesh. Gëzuar dhe i bekuar qoftë Kurban Bajrami për të gjithë ju!

Kryetari i komunës së Tetovës z.Bilall Kasami ka uruar qytetarët me rastin e festës së Kurban Bajramit, transmeton Tetova Express.

“Kjo ditë madhështore na kujton sakrificën që paraardhësit tanë kanë bërë ndaj Krijuesit, por edhe na mëson se si të jemi më afër me njëri tjetrin, sidomos në ditë të vështira, të jemi më human, më të dashur e më të përgjegjshëm, si për më të dashurit dhe familjen ashtu edhe për kombin.

Uroj që kjo festë t’ju gjej pranë më të dashurve, me plotë begati e të mira.

Gëzuar!”, shkruan Kasami.

Një grua e moshës 33 vjeçare nga fshati Bogovinë ka humbur jetën në një aksident trafiku që ka ndodhur sot rreth orës 15 00 në autostradën Gostivar-Tetovë, tek kthesa për në fshatin Kamjan.

Sipas informacioneve viktima ka qenë duke lëvizur me veturën Golf 4 në drejtim të Tetovës, ndërsa para veturës ka patur një kamion, me ç`rast vozitësja duke tentuar të shmang kamionin ka humbur kontrollin duke përfunduar jashtë autostradës me ç`rast është rrokullisur.

Sipas informacioneve tona, viktima është një grua me iniciale Gj.A e lindur në vitin 1992 nga fshati Bogovinë, e cila ka ndërruar jetë në vendngjarje. Në veturë kanë qenë edhe pjesëtarë tjerë të familjes, respektivisht dy fëmijë, të cilët kanë marrë lëndime trupore.

Pasagjerët e lënduar në këtë aksident janë dërguar në Qendrën Urgjente në Tetovë ku edhe u është dhënë ndihma e parë dhe ndodhen jashtë rrezikut për jetën dhe janë mbajtur për shërim të mëtutjeshëm në Spitalin Klinik në Tetovë.

Advertisement